《鬼滅之刃》紅爆全球，2020年電影《鬼滅之刃劇場版無限列車篇》於香港上映時掀起一股旋風，俘虜唔少香港粉絲。之後陸續推出《遊郭篇》同《刀匠村篇》動畫，人氣依然居高不下。動畫最新一季已經播完，唔夠喉嘅粉絲們正在苦苦等待下一季，不過令人驚喜嘅消息嚟啦。《鬼滅之刃全集中展》終於巡迴到香港！香港站將完整呈現日本原版展覽嘅所有內容，7大展區精彩重現各個惡鬼陣地，仲有鬼殺隊道具同制服展出，粉絲點可以錯過！
圖片來源：官方圖片、Koyoharu Gotoge / SHUEISHA、Aniplex、ufotable｜撰文：Angela
| （廣告時間） |
鬼滅香港展 原汁原味呈現鬼殺隊超熱血戰門場面
以《鬼滅之刃 竈門炭治郎立志篇》內容為主所規劃嘅《鬼滅之刃全集中展》自2020年開始，已經喺日本東京、大阪、福岡、北海道、沖繩等多個城市展出，總計吸引咗數十萬人次參觀！之後都喺台灣同馬來西亞展出，同樣反應熱烈，今次終於來到香港啦！展覽移師海外會否唔正宗？唔會，日本原版嘅所有內容都會完整地喺香港展出，《鬼滅之刃》展品同場景都會「全集中」於此，帶粉絲重新回味動畫《竈門炭治郎立志篇》嘅興奮與感動，身歷其境感受鬼殺隊嘅英勇戰鬥史，瞬間進入各個名場面！
《鬼滅之刃刀匠村篇》動畫前排剛播完，係咪加深咗大家對日輪刀嘅認識同興趣呢？展覽將會展出1比1打造嘅實體日輪刀，不但能夠深入了解鬼殺隊嘅制服、裝備同隊員，更加可以親眼睇到無限城嘅特殊裝置，親身體驗那田蜘蛛山之戰，仲有總作畫監督松島晃先生精心繪製嘅過場插畫，就讓我哋與同《鬼滅之刃》主角們一同感受故事情節，一起守護世界！
7大展區 完美重現惡鬼陣地
【藤襲山】以真實場景同道具再現藤襲山中蜿蜒曲折嘅藤蔓同壯麗山景，感受身歷其境嘅奇幻冒險。
【鬼殺隊總部】鬼殺隊核心所在嘅鬼殺隊總部。呢個展間集中展示咗與鬼殺隊有關的展品，例如組織圖、隊員與關係人物紀錄、日輪刀，以及隊員嘅名言影像集等等。可以在此回顧角色們賭上性命討伐惡鬼，守護人類嘅戰鬥歷史。
【鬼之間】「鬼之間」除咗展示群鬼嘅插畫之外，更局部重現鬼舞辻無慘嘅根據地 ── 無限城，透過每隔一段時間就會出現嘅特殊機關，讓參觀者體驗群鬼嚇人嘅恐怖程度。
【那田蜘蛛山之戰】以8米寬環形投影劇場，沉浸式觀賞那田蜘蛛山嘅精彩戰鬥場面。
【全集中繪】展間集中展示總作畫監督松島晃先生每集描繪嘅過場插畫，敬請欣賞令人印象深刻嘅角色與代表性場面，以及時而細膩、時而生動描繪嘅過場插畫。
【無限列車】參觀者將代入《鬼滅之刃劇場版 無限列車篇》嘅真實場景內，感受著動人心弦的劇情與角色的情感。
【鬼滅学園】鬼滅學園係一個特殊嘅學習環境，培養著鬼殺隊員嘅訓練同技能，參觀者能夠了解到角色們平時嘅學園生活，有趣嘅日常場景同角色之間嘅互動。
（以上均為馬來西亞展場圖片）
炭治郎、禰豆子等 3 米高充氣人偶坐陣
除此之外，仲有其他驚喜 — 主辦方邀請到《鬼滅之刃》動畫製作 ufotable 特別繪製香港專屬Q版人物；更可現場參與趣味手機互動遊戲，完成遊戲後更有機會獲得限量的鬼殺隊入證書；仲有為巡迴展特別設置的「炭治郎」、「禰豆子」、善逸、伊之助及「炎柱」煉獄杏壽郎五座3米高充氣人偶，讓喜愛《鬼滅之刃》嘅粉絲們留下滿滿精彩回憶！每一個精心設計嘅展區都為你展現了一個獨特的故事，與家人朋友齊齊打卡，更可購買會場限定官方周邊，一齊共享呢份不凡體驗！
【INFO】 《鬼滅之刃 全集中展》香港站 地址：尖沙咀iSQUARE國際廣場4樓 時間：星期一至星期日12:00至22:00（21:30停止售票） 日期：2023年9月9日至2023年11月26日 官方網站：https://bit.ly/3Z3sdsU
購票資訊
【早鳥優惠】於2023年8月12至9月8日期間購票，即有機會獲得特典紀念卡及香港限定版證件套，詳情請留意購票資訊及公佈
票價詳情：
預售期（早鳥優惠）（2023年8月12日至9月8 日）
1) 單人票和香港限定版證件套： HKD168
2) 單人票： HKD108
3) 優惠票（學生）：HKD88
展期（2023年9月9日至11月26 日）
1) 單人票： HKD128
2) 優惠票（學生）： HKD108
