《進擊的巨人》fans注意！「進擊的巨人展FINAL ver. HONGKONG」嚟緊9月登陸香港SOGO啟德店The Twins！展覽以《進擊的巨人》原畫為核心，搭配精心策劃嘅影音視覺效果，為大家帶來深度沉浸式嘅觀展體驗，場內更有由台灣空運來港嘅限量精品，每位入場人士更可獲得珍藏限定複製手稿！fans千祈唔可以錯過！
圖片來源：官方圖片｜撰文：Sharon
展區1：開幕劇場「人生的選擇」
邁入昏暗嘅燈光，一同回憶「進擊的巨人」故事嘅經典情節，影片尾聲，你要選擇「牆內」或「牆外」邊一種人生呢？
展區2：原畫的世界1「牆的世界」
根據你嘅選擇，進入由真實高聳嘅「牆」區分出嘅兩個世界，欣賞不一樣嘅原畫展品，深刻體驗牆內外世界嘅差異。
展區3：原畫的世界2「衝突與死鬥」
兩個被牆壁區隔開嘅世界在此匯合，牆內外各自嘅正義及思想在此交錯，戰爭一觸即發！諫山創表示「希望大家可以睇到漫畫中因為印刷而睇唔到嘅部分，例如重複塗白修正嘅地方，就某種意義上，我覺得原稿就像是立體物一般。」
展區4：「巨人大戰」立體劇場
長9米嘅超巨大型螢幕所打造嘅立體劇場，總長10分鐘嘅兩段動畫，整個展區將化身為進擊的巨人中嘅世界，令大家有身臨其境嘅感覺，體驗喺戰場上展開嘅「牆內」與「牆外」之爭。
展區5：實品展示「慘劇的跡象」
因巨人們嘅戰爭而被摧毀嘅世界中，大家可以睇到唔同嘅道具，包括「海邊的貝殼」、「里維的斗篷」、「艾爾文的繩結領帶」、「亞妮的戒指」、「漢吉的護目鏡」等。
展區6：原畫的世界３「英雄們」
艾連、米卡莎、阿爾敏、艾爾文、里維、漢吉、約翰、吉克、萊納等角色將於展區內登場，讓粉絲們從原畫中觀察各階段人物刻畫嘅細膩氛圍！
展區7：訪談「創作出故事的人」
呈現諫山創老師嘅訪談影片及10年間嘅草稿創作展示，令參觀者可以從更多元嘅角度了解作者嘅創作概念。
售票資訊
【INFO】 《進擊的巨人展FINAL ver. HONGKONG》 地點：SOGO 啟德店 The Twins – 10/F 日期：9月9日至10月26日 時間：11:00 - 21:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
