超準心理測驗 | 減肥對女仔嚟講係永遠唔會完嘅課題，唔少人都會努力健身或者從飲食著手去減肥！有日本超準心理測驗指，憑直覺選擇秋天最想食嘅食物，一秒即測出「減肥失敗嘅原因」 ！大家又會點揀呢？快啲碌落內文睇下準唔準啦！

圖片來源：網絡圖片｜撰文：Sharon

問：憑直覺從以下4款食物中，選出秋天最想食嘅食物。

A：蕃薯

B：烤魚

C：栗子

D：蘑菇

結果分析如下：

A：蕃薯 – 朋友嘅誘惑 

容易受到朋友影響，唔識拒絕嘅你就算下決心要減肥，但只要受到朋友嘅聚餐邀請，會因為唔好意思拒絕而破功，所以要有不被誘惑嘅心同識拒絕嘅勇氣非常重要～另外，建議大家喺聚會前食八分飽，咁聚餐時能減少攝入，唔單止可以同朋友見面，仲唔使驚減肥計劃會受到影響！

B：烤魚 – 冇耐性

減肥唔係一件好快就可以完成嘅事，長時間要節食同做運動好容易會感到厭煩，有人會因為冇耐性而放棄減肥，甚至出現暴飲暴食嘅情況！建議大家可以更換減肥餐單，令減肥嘅路上增加新鮮感，咁先可以堅持落去！

C：栗子 – 難以控制食欲

喺減肥之路上，要控制食欲絕對係一件非常辛苦嘅事！一諗起減肥就會有好多美食想食，美食嘅誘惑相信係唔少人放棄減肥嘅主因。如果想減肥成功，比起控制食物，建議大家可以控制進食嘅份量，以食幾多就做更多嘅運動嘅方式去減肥！

D：蘑菇 – 三分鐘熱度

三分鐘熱度嘅你，你會因為減肥而去健身或者節食，但好快就會放棄！如果想堅持下去，可以將減肥融入生活當中，選擇最有興趣嘅運動去做，養成良好嘅運動習慣，或者約埋朋友一齊做運動，咁對減肥嘅動力都會提升～

大家又覺得呢個心理測驗準唔準呢？快啲Share埋畀朋友一齊玩啦！

【相關文章】：【 性格心理測驗 】拎手機打字姿勢 即測你嘅真實個性+感情觀！

【相關文章】：【心理測驗】超準！測別人對你第一印象 選擇你鍾意嘅頭髮長度！

——————————————————
Follow 我哋睇更多最新情報！ 
Facebook – SAUCE – 為生活加一點味道
Instagram – @sauce.media.hk
YouTube – @saucemediahk