聖誕好去處 ｜踏入冬季，四處都開始洋溢歡樂嘅聖誕氣氛。而香港teamLab於2023年11月1日至2024年1月14日，推出全新「Sketch Christmas」冬季限定展覽，等大家提早感受節日氛圍！除咗有標誌性嘅沉浸式打卡大熒幕，仲有多個有趣嘅互動式作品，鼓勵參加者發揮無限創意，大人細路都適合。即睇以下teamLab「Sketch Christmas」聖誕展覽介紹同購票優惠詳情啦！
圖片來源：teamLab共創未來園 | 撰文：Icy
teamLab聖誕 冬季限定展覽亮點 | 1. 「Sketch Christmas」
是次展覽最矚目就係全新亮相嘅藝術作品「Sketch Christmas」，顧名思義就係等大家參與其中，發揮創意自由畫出天馬行空嘅圖畫，例如聖誕老公公、禮物、聖誕花等，投影係大熒幕上面嘅街道。依據唔同圖畫內容，城鎮嘅景色亦會產生變化，設計出獨一無二嘅聖誕城鎮！當中仲會加入互動元素，例如觸碰車子，令車子加速前進，小朋友一定好鍾意呢個遊戲！
teamLab聖誕 冬季限定展覽亮點 | 2. 「塗鴉自然 ── 鼓動的山脈與山谷，紅色名錄」
場內有多個標誌性打卡大熒幕，例如「塗鴉自然 ── 鼓動的山脈與山谷，紅色名錄」 ，以立體地形代表山脈與山谷，大家可以係上面繪畫出各種獨特嘅生物。最為有趣就係參加者所畫出嘅生物會形成一個生態系統，並相互掠食吞吃。如果你隨意來回踐踏，就會令花朵同生物逐漸消亡。大家可以從互動遊戲中學習繁殖增多同死亡消逝嘅大自然定律，好有教育意義！
teamLab聖誕 冬季限定展覽亮點 | 3. 「滑梯水果園」
「滑梯水果園」熒幕裝置培育住各種水果，仲會有球體飛來飛去。當大家係滑梯上滑動，將會變成太陽光，撞上球體時，接受太陽光能源嘅球體就會向四周飛去；當碰撞天藍色球體時，種子就會發芽開花；當碰撞黃色蜜蜂球體時，花朵就會授粉，並結出果實；當球體撞上果實時，果實會灑出新嘅種子，繁殖下一個生命。每個球體都有唔同嘅功能，大大增添趣味性！
teamLab聖誕冬季限定展覽亮點 | 4. 「天才跳房子」
大家將要幻想自己漂浮喺水面，以單腳著地跳躍前進。如果連續跳到同樣形狀嘅符號上，就會產生小魚、蝴蝶同小鳥；如果連續跳到同樣顏色嘅符號上，顏色就會慢慢擴大。整個環境唔單止色彩繽紛夢幻，非常適合影相，大家仲可以同朋友比賽，連續跳躍，睇下邊個產生較多小生物！
teamLab聖誕冬季限定展覽亮點 | 5. 「小人所居住的桌子」
大家將要變成小人國入面嘅巨人，而呢張桌子就是小矮人居住嘅地方。如果你將手或其他物件放係桌子上，小矮人就會注意到，並跳到上面。根據物體嘅形狀，小矮人可以滑行、跳躍同攀爬，所以你放得越多物件，小矮人就會玩得越開心㗎！
teamLab聖誕冬季限定展覽亮點 | 6. 「光球管弦樂團」
另一個好適合影相嘅展覽，就係「光球管弦樂團」，當發光嘅球體滾動，或者球體與球體之間互相觸碰時，空間內嘅顏色同聲音都會產生變化，就好似演奏緊一場管弦樂咁。大家亦可以用自己嘅身體去觸碰球體，自由咁演奏音樂！
teamLab聖誕冬季限定展覽 | 購票詳情
即日起至2024年1月14日，大家可於FWD MAX生活體驗平台及Trip.com購買門票，成人票價為$220，而兒童票價為$180。期間只要讚好及分享teamLabhongkong嘅Facebook或Instagram帖子，就可以即場係期間限定店換領$30優惠券，用於直接扣減《富衛保險10周年呈獻「teamLab共創！未來園」》門票或購買期間限定店商品，大家仲唔快啲share俾親朋好友一齊參加？
【INFO】 《富衛保險 10 周年呈獻「teamLab 共創!未來園」》 地址：九龍灣宏照道38號企業廣場5期MegaBox13樓 日期：即日起至2024年1月14日 時間：星期一至五 14:00-22:00/星期六、日及公眾假期 10:00-22:00 票價：成人 $220、3歲至11歲兒童 $180、2歲或以下免費入場、另設全日制學生特惠門票 購票網址：FWD MAX 生活體驗平台、Trip.com
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
