維港同舟共遊 | 周末又多一個免費好去處啦！大家都可以喺10月以及11月嘅周末享受暢遊維港嘅樂趣，一邊划獨木舟，一邊飽覽美景，仲可以帶埋毛孩一齊玩，即睇點報名！
圖片來源：官方圖片 | 撰文：Hedy
為咗慶祝國家成立75周年以及推動維港海濱發展20年，發展局和海濱事務委員會將聯同香港遊樂場協會，分別喺10月以及11月舉辦多個免費水上活動體驗，當中包括獨木舟毛孩遊、獨木舟日落遊以及獨木舟跨海濱遊等。除咗可以推廣親水文化至於，又可以提供多樣嘅維港體驗畀市民參加！
維港同舟共遊 | 1. 獨木舟毛孩遊
想同毛孩一齊嘗試獨木舟之樂，就一定要喺10月26日報名喇！活動除咗會教大家學識木舟基本動作及技巧之外，又會畀大家乘坐獨木舟撐至主題區附近水域，同維港天際線打卡合照，同毛孩一齊享受美好嘅時光！而且活動更係免費報名，只要係14歲或以上嘅人士就可以參加，不過名額有限，額滿即止！
【INFO】 《獨木舟毛孩遊@灣仔海濱》 日期：2024年11月16至17日 活動時間：上午10時至中午12時30分 / 下午2時至下午4時30分 開售時間：2024年10月26日 11:00 活動費用：免費（須預付按金港幣$100，出席活動後將會獲全數退還） 預約連結：待公布
維港同舟共遊 | 2. 獨木舟日落遊
唔知大家平時又會唔會去睇日落呢？11月下旬嘅獨木舟活動將會帶大家喺海面上感受黃昏時份嘅維港美景！大家將會喺教練嘅指導下學習基本嘅雙人獨木舟技巧，之後就會乘坐獨木舟撐前往銅鑼灣避風塘燈塔欣賞維港黃昏景色！全程都有安全船護航，可以確保活動安全，就算係初學者都唔需要擔心～
【INFO】 《獨木舟日落遊@灣仔海濱》 日期：2024年11月16至17日 活動時間：上午10時至中午12時30分 / 下午2時至下午4時30分 活動費用：免費（須預付按金港幣$100，出席活動後將會獲全數退還） 開售時間：2024年10月26日 11:00 預約連結：待公布
維港同舟共遊 | 3. 獨木舟跨海濱遊
如果本身已經有玩獨木舟嘅人士，今次更可以參加「維港同舟共遊 — 獨木舟跨海濱遊」遊灣仔、銅鑼灣同北角海濱附近水域，享受繁華都市中嘅一片寧靜港灣。就算初學者都可以參加，除咗有教練指導基本嘅獨木舟技巧之外，全程亦設有安全船護航，大家都可以放心～學識基本技巧之後就可以到銅鑼灣「活力避風塘主題區」及北角「東岸公園主題區」附近水域欣賞下咁靚嘅香港～
【INFO】 《獨木舟跨海濱遊》 日期：2024年11月23至24日 活動時間：上午10時至中午12時30分 / 下午2時至下午4時30分 開售時間：2024年11月1日 11:00 活動費用：免費（須預付按金港幣$100，出席活動後將會獲全數退還） 預約連結：待公布
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
