水果沙冰 | 唔使飛日本都可以飲到水果沙冰？！小編發現最近香港都飲到水果沙冰，仲要喺純水果無額外加糖，有成5款口味選擇當中包括西瓜、菠蘿以及火龍果等，即刻入內文睇地址同價錢啦！
圖片來源：SAUCE編輯部 | 撰文：Hedy
行街行到口渴最啱就係飲返杯水果沙冰，幫大家解渴之餘又消暑！小編最近發現到銅鑼灣希慎廣場新增咗水果沙冰販賣機，$28一杯～總共有5款口味，包括粉紅佳人（哈蜜瓜x菠蘿x火龍果）、清涼之吻（哈蜜瓜x菠蘿x西瓜）無限好（橙x菠蘿x芒果）、小島怡情（椰子x芒果x香蕉）以及白椰夢（菠蘿x椰子x香蕉），小編試飲完之後都覺得值得買！
水果沙冰 | 水果足料之餘又夠Fresh！
水果杯儲存喺0度以下，水果夠晒大大粒同足料之外，飲落去都好Fresh～大家只要掃一掃杯蓋嘅QR Code，再放入去中間位置，就可以等佢加水自動攪拌，完成之後仲可以喺隔離攞埋杯蓋，咁就可以盡情嘆水果沙冰！重點喺每次製作完成之後，機器都會自動清洗，咁大家就唔使怕污糟或者會溝埋其他味，真係超貼心～
【INFO】 《blendbar.hk水果沙冰》 價錢：$28/杯 地址：銅鑼灣希慎廣場12樓 （何洪記出面）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
