香港除左夜景靚，其實有好多街道都超有特色，如果平時細心留意嘅話，仲會發現近年係九龍、觀塘區都多左唔少色彩繽紛嘅藝術壁畫！黎到夏天，當然唔少得陽光同海灘，今次就等小編為大家發掘3個藏身於街頭小巷入面嘅海洋主題特色壁畫，大家趁住好天氣，可以約埋另一半或三五知己一齊去打卡～ 如果你係唔敢落水嘅朋友仔，就更加唔可以錯過啦！
圖片來源：香港仔中心、FB@香港悠揚文化藝術基金會｜ 撰文：Candice
海洋主題特色壁畫1. 宋皇臺巨型鯨鯊海底隧道
除左巨型鯨鯊之外，仔細欣賞仲會發現小丑魚、水母、海龜、八爪魚、青衣、龍蝦等可愛嘅海洋生物～
壁畫位置係宋皇臺站B出口，趁住而家屯馬線開通左，大家有時間不妨都去行下影張相啦～
海洋主題特色壁畫2. 土瓜灣星空海豚樓梯
平面嘅大壁畫夠曬吸睛，而樓梯壁畫就夠曬特別！係新山道同九龍城道嘅交叉點，就有一條迷幻嘅星空海豚等緊你～
點點星光配上藍紫色嘅銀河星空，真系無論點影都超有feel～
係樓梯壁畫打卡雖然要注意唔好阻礙行人通過，但只要就好角度，輕輕鬆鬆就可以影出長腿效果～
前往方法：乘坐2號小巴到土瓜灣馬頭角道下車，沿馬頭角道直行，直行到尾轉右便能到達。
海洋主題特色壁畫3. 香港仔中心商場幻彩水世界
除左九龍地區，最近香港仔中心商場亦聯乘海洋公園，以「海洋之約」為主題，邀請左本土3D地畫藝術團體Omni Art打造左一個別具海洋特色嘅壁畫打卡牆，當中包括5米高「幻彩水世界」、「3D金魚」同「魚樂無窮水族箱」，全部畫作都超有童趣同富有動感！
當中「3D金魚牆」更係一幅富有教育意義嘅作品，Omni Art特意以金魚衝出膠袋嘅動感畫面，希望大家可以正視膠袋等塑膠垃圾對海洋生物嘅影響，從而減少對海洋的污染。
見到呢D咁夢幻嘅特色壁畫，大家除左去打卡之餘，記得都要好好愛護環境！希望以後每個夏天，地球上嘅海灘甚至整個海洋生態，都可以好似上面嘅畫作一樣keep住咁靚～
相關文章：
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
