CHIIKAWA展覽 | CHIIKAWA DAYS大型特展8月1舉行、即睇預約方法/價錢/地址！

CHIIKAWA展覽 | 各位鍾意Chiikawa嘅粉絲絕對唔好錯過今次嘅「CHIIKAWA DAYS」大型特展啦！當中仲有全球獨家首賣嘅《飲茶》系列以及9米高巨型充氣雕塑等！即刻入內文睇詳情啦～

圖片來源：官方圖片 | 撰文：Hedy

「CHIIKAWA DAYS」大型特展將於2025年8月1日至8月24日舉行，為期三星期，全方位以「衣、食、住、行」為觀眾帶來沉浸式體驗之旅！當中展覽將分為三大收費展區，展岀逾百座立體雕塑、9米高巨型充氣雕塑、及生動呈現多個經典漫畫場景。特展更加入多項互動體驗元素，帶大家沉浸喺吉伊卡哇嘅奇幻世界！

1. 室內展廳「吉伊卡哇的可愛全日常」（K11地下MUSE EDITION）

行入吉伊卡哇嘅屋企，挑戰討伐任務，仲有傳說中嘅「白飯電飯煲」同全新登場嘅香港限定「飲茶」空間，滿滿驚喜等你發掘！室內展廳呈現多個經典場景，包括：網吧、「郎」拉麵、監獄、三星餐廳及「討伐名場面」等。

2. 戶外展區「超巨大食物之森空中樂園」（  K11 MUSEA 6樓雕塑公園）

行入超巨大食物之森，吉伊卡哇世界中嘅美食盡收眼底！

3. 戶外派對「大型討伐！名場面造型集合」（K11 MUSEA地下Promenade）

從「特別造型全集中」嘅展區，窺探吉伊卡哇多變嘅造型！巨型充氣雕塑、超人氣名場面重現、角色限定造型一次集結，大型吉伊卡哇派對正式開場！

CHIIKAWA DAYS大型特展 | 7月5日起開賣

門票將於KLOOK平台獨家發售，首輪門票於7月5日（星期六）上午11時起，僅開放預購8月1日至8月17日門票。次輪門票於7月9日上午11時起，開放預訂8月18日至8月24日門票。一般門票售價港幣$180，每位持票者進入指定展覽廳時均可獲隨機派發一款角色名牌吊飾嘅非賣紀念品。展覽更特別推出港幣$420「特典套裝」，每套除包含展覽門票，更有一套九款角色名牌吊飾套裝，以及一枚具備RFID功能嘅發光「討伐棒」（款式隨機派發）。

【INFO】
《「CHIIKAWA DAYS」大型特展》
開賣日期：
7月5日上午11時起（8月1日至8月17日入場）
7月9日上午11時起（8月18日至8月24日入場）
售價：一般門票$180；特典套裝$240
購買網站：https://bit.ly/44hJrFS

CHIIKAWA DAYS大型特展 | 展覽首賣獨家飲茶限定系列

為慶祝「CHIIKAWA DAYS」大型特展登場，主辦單位將推岀一系列主題紀念品，8月1日起於展覽會場全球獨家首賣，數量有限，先到先得。獨家紀念品包括由吉伊卡哇插畫家Nagano，特別為香港展覽親筆創作嘅香港「飲茶」指定系列，融合最具代表性嘅飲茶文化，將吉伊卡哇與好友化身成美味與可愛兼備嘅點心造型。展覽現場設有持票人店與公眾店，發售展覽紀念品，其中持票人店於8月1日起開放予當日持票人士，並優先發售「飲茶」系列特別版吊飾公仔，售完即止。公眾店8月4日起開放予公眾，須預約進場。

+4

CHIIKAWA DAYS大型特展 | 7月5日開賣慶典

「CHIIKAWA DAYS」展前預熱活動——開賣慶典將於2025年7月5日於尖沙咀星光大道梳士巴利花園舉行。特別設置立牌藝術裝置，重現漫畫其中四大主題「衣、食、住、行」嘅經典場景，而吉伊卡哇、小八及兔兔將驚喜現身，並於當日上午11:30及下午5:30舉行見面會，與粉絲近距離互動。

CHIIKAWA DAYS大型特展 | 免費派發吉伊卡哇派對套裝

主辦單位特別安排於6月29日在4個港鐵站，及7月5日開賣慶典當日喺星光大道梳士巴利花園，免費派發限量派對套裝，每套均包含一枚專屬角色造型嘅紙帽及一枝「討伐棒」氣球。想攞嘅朋友就記得喺6月27日上午11時起透過KLOOK電子平台登記獲取「整理券」，每人僅限登記一套。成功登記後，參加者需按指定時段前往領取派對套裝，款式隨機派發，數量有限，派完即止。未能成功預先網上登記之人士，在派發現場均不獲安排領取。參加者必須同時追蹤AllRightsReserved及Manulife嘅官方社交平台（包括Facebook、Instagram或小紅書），以獲取吉伊卡哇派對套裝。

【INFO】
《免費派發吉伊卡哇派對套裝》
日期：6月27日上午11時起
登記網站：https://bit.ly/43XXi5p

CHIIKAWA DAYS大型特展 | CHIIKAWA DAYS大型特展活動日期詳情

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk