沙田新城市廣場 | 沙田新城市廣場今年正式邁進40週年，商場將會舉行慶祝活動之外，亦會開展夢幻聖誕國度，當中更會有全港首個商場幻彩煙火匯演？仲有唔可以錯過嘅冬日限定飄雪光影溜冰場，即刻入內文睇更多啦！
圖片來源：官方圖片 | 撰文：Hedy
沙田新城市廣場正式邁進40週年，商場亦趁聖誕佳節隆重呈獻《沙田同心同行40載》慶祝活動，有煙火匯演、13米高聖誕樹、飄雪溜冰場以及聖誕老人打卡位等，活動超豐富！
-
幻彩煙火匯演
沙田新城市廣場將會舉辦全港首個商場幻彩煙火匯演，喺沙田市中心上空綻放2,024枚璀璨煙火 ，相當夢幻！無論大家置身於商場戶外空間定係住附近嘅居民都可以睇到～想睇煙火嘅朋友就記得要喺11月16日夜晚8點30到場觀賞啦！而由中午12點開始，更有Busking、魔術表演、face painting、免費workshop同棉花糖、爆谷同氣球派發，一齊慶祝40週年！
【INFO】 《沙田新城市廣場幻彩煙火匯演》 日期：2024年11月16日 時間：20:30 地點：3樓Chill Park
-
螢火星光園
隨著聖誕節來臨，逾2萬平方呎嘅Chill Park，花園將亮起五光十色嘅璀璨燈飾，喺園內更見到13 米高嘅巨型聖誕樹，超啱大家打卡！就連四周圍嘅草地上都會見到翩翩起舞螢火蟲燈飾，燈飾為荷蘭團隊帶嚟。5米高嘅吹起聖誕老人亦都會攞住聖誕禮物，等待大家嘅來臨！
-
飄雪光影溜冰場
而位於1期3樓中庭嘅「飄雪光影溜冰場」，等大家都可以喺近2千呎嘅溜冰場盡情享受冬日限定嘅冰雪體驗～同場亦有逾10米高嘅聖誕樹，配合埋唔同嘅聖誕裝飾，超有聖誕feel～再加上定時嘅飄雪效果以及煙花光影，就好似置身於白茫茫冰雪世界中溜冰一樣～
-
「沙田精神號」動力飛機
除咗有唔同嘅聖誕裝飾影之外，大家都可以去到1樓嘅羅馬廣場，同聖誕老人影相！不過今次聖誕老人竟然唔係坐鹿車？反而係乘坐標誌著香港飛行歷史嘅動力飛機「沙田精神號」登陸新城市廣場。大家亦可以到PLAY PARK 及3期3樓尋找聖誕老人嘅蹤影！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
