聖誕咁多日假期唔知道去邊玩好，不如嚟荃灣Triangle Plus放放電啦！Triangle Plus 係全港最大室內歷險攀爬樂園，唔單止提供6大區域，為咗慶祝聖誕節，仲特別設置一棵高達4米聖誕樹攀石牆打卡位，一邊攀石一邊影相打卡，超有節日有氣氛啊！依家仲同大家爭取到Sauce專屬 #聖誕優惠，送你下年免費入樂園一次（價值$328）！想知點先可以拎到優惠，就要繼續碌落內文睇埋落去啦！

圖片來源：SAUCE編輯部、官方圖片｜撰文：Sharon


位於荃灣楊屋道PLAZA 88號Triangle Plus係全港最大室內歷險攀爬樂園，空間極大佔地約30,000呎，將大型遊樂設施同攀岩運動結合，無論係大人定細路都非常啱玩！場內主要劃分為六大區域，唔同區域分唔同難度，包括抱石牆區、繩網樂園區、忍者樂園區、趣味攀岩牆、洞穴探險區、雲朵攀登及冒險小屋、遊戲天地同餐飲區，唔同區域分唔同難度，場內均有專業教練駐守，大家就可以玩得開心又放心啦！想挑戰一下自己，梗係要嚟玩啦！

Triangle Plus。（圖片來源：SAUCE編輯部）

區域一：抱石牆區

近年興起嘅室內抱石運動呢到都有得玩，場內設有唔同斜度嘅抱石牆，而且斜度越大難度越高！適合4歲或以上人士，參加者無需佩戴安全帶，只需配備合適嘅攀石鞋就可以，場內有職員進行指導，教大家正確着地姿勢，不過18歲以下人士就要經場地教練同意方先可以玩！另外，場地嘅攀爬路線亦會定期更新，咁就唔會好快玩厭喇！無論係新手定老手都可以搵到適合自己嘅路線。「抱石牆區」可以係六大區域中，最巨挑戰嘅一個區域，你哋又敢唔敢嘗試呢？

抱石牆區。（圖片來源：官方圖片）
抱石牆區。（圖片來源：官方圖片）

區域二：繩網樂園區

以高架地台設置各種挑戰空中走道，參加者最底身高要求為115cm，只要佩戴專用安全帶，就可以感受好似行緊懸崖嘅刺激感，對於訓練小朋友腦筋同手腳協調好有幫助。又可以訓練腦筋，又可以挑戰膽量，點可以唔嚟玩呢！

繩網樂園區。（圖片來源：官方圖片）
繩網樂園區。（圖片來源：官方圖片）

區域三：趣味攀岩牆 

「趣味攀岩牆」以多變造型同遊玩形式打造出各種攀岩牆，大人細路都啱玩！而且場內各種設施都配以Trublue自動保護裝置，只需要配以專屬安全扣就可以自助遊玩，等大人同小朋友為攀岩運動打好基礎。如果覺得「抱石牆區」難度太高，大家可以先嚟到「趣味攀岩牆」熱一熱身！

趣味攀岩牆。（圖片來源：官方圖片）
趣味攀岩牆。（圖片來源：官方圖片）
趣味攀岩牆。（圖片來源：官方圖片）

區域四：忍者樂園區

想測試自己身手如何，梗係要嚟到「忍者樂園區」啦！除咗測試你嘅身手，仲可以測試你嘅體能極限！參加者最底身高要求為115cm，只需要著上襪子同運動服裝就可以挑戰各種忍者關卡。區內設置各種高難度挑戰項目，例如斜台奔跑、懸吊攀爬，挑戰者如果要突破關卡，力量、平衡、體力都缺一不可㗎！

忍者樂園區。（圖片來源：官方圖片）
忍者樂園區。（圖片來源：官方圖片）

區域五：洞穴探險區

要講到最神秘又特別嘅區域，一定係呢個室內探險專屬體驗！區內仿野外洞穴嘅遊戲設施，洞內只有只有昏暗燈光，參加者需要佩戴頭燈，，突破洞內嘅遊戲關卡，直至抵達出口。滿足小朋友探索未知世界嘅好奇心～入場前參加者須佩戴頭盔、頭燈、護踭及護膝等裝備，而8歲以下小童入場均需由一位監護人陪同，就算小朋友玩都可以玩得安心！

洞穴探險區。（圖片來源：SAUCE編輯部）
洞穴探險區。（圖片來源：官方圖片）

區域六：雲朵攀登及冒險小屋

「雲朵攀登及冒險小屋」適合年齡較小及初次接觸攀爬嘅小朋友。設施以安全網包圍，配合大量平台嘅設計，就算唔使用安全帶都無問題，喺呢度大家可以感受攀登樂趣！

雲朵攀登及冒險小屋。（圖片來源：官方圖片）
雲朵攀登及冒險小屋。（圖片來源：官方圖片）

遊戲天地

除咗6大區域，場內亦設有攤位遊戲區，包括有掟彩虹，掟波波，套圈入樽等經典攤位遊戲，勁多豐富獎品等緊大家拎返屋企！

遊戲天地。（圖片來源：官方圖片）
遊戲天地。（圖片來源：官方圖片）

餐飲區（Triangle Cafe）

Triangle Plus場內設有餐飲區，玩咗咁耐一定會又攰又餓，嚟呢度享用甜品及小食就Perfect啦！小編推薦大家必試「厚牛芝士漢堡」、「大啡菇漢堡」、「熔岩芝士熱狗」同「蛋沙律拼吞拿魚潛艇」！

Triangle Cafe。（圖片來源：官方圖片）

為咗慶祝聖誕節，Triangle Plus更整咗一棵高達4米聖誕樹攀石牆打卡位，大家可以一齊爬上去開心影相打卡添！🎅🏻依家仲同大家爭取到SAUCE專屬嘅聖誕優惠，網上購買聖誕三合一套票後，到場玩當日同職員講【sauce】暗號，即送你下年免費入樂園一次（價值$328），3月31號或之前都去得～ 立即購票🔗 https://bit.ly/TP-Sph 你哋都快啲約埋朋友嚟挑戰啦！

圖片來源：SAUCE編輯部
圖片來源：官方圖片

【INFO】
《Triangle Plus 聖誕3合1門票優惠》

立即購票

開放時間：星期一至日 11:00 – 20:00
地址：荃灣楊屋道88號「PLAZA 88」7樓全層及8樓2號舖
電話：2117 8606/2117 3802 （WhatsApp：6821 2883）

SAUCE專屬聖誕優惠：
用【sauce】優惠碼買聖誕三合一套票即免費送你樂園門票一張(價值$328)，2023年3月31號或之前假日/平日都去得！

聖誕3合1門票收費：
星期一至五：4-7歲小童+1位監護人$328/一套｜8歲以上小童或成人$328/一套
星期六日及公眾假期：4-7歲小童+1位監護人$398/一套｜8歲以上小童或成人$398/一套
(*12月23日至12月31日視作公眾假期收費)

聖誕3合1門票詳情：
1. 樂園一節門票(2小時45分鐘)
2. 攀岩場全日票 (包括15分鐘安全指導)
3. 冬日暖心精選甜品一款
– 朱古力冬甩及抹茶冬甩
– 自家製芝士蛋糕
– 流心心太軟
– 榛子朱古力暖/凍飲
– 抹茶拿鐵暖/凍飲

立即購票🔗https://bit.ly/TP-Sweb2

查詢電話：https://wa.me/85268212883

————————————————————

Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/