新年好去處2024 | 好快就到龍年喇，大家又諗好去邊玩未呢？新年除咗要去拜年之外，大家更加可以率先到香港一系列嘅商場行大運兼打卡，小編為大家整合咗香港各區嘅新年打卡好去處，即刻睇下有邊度啱你！
圖片來源：官方圖片 | 撰文：Hedy
新年好去處1. The ONE&皇室堡——mofusand萌貓迎新春
日本網紅治癒系小貓mofusand將會喺今個新年，齊集於The ONE以及皇室堡，除咗可以朝聖貓咪生活嘅日常之外，更可以陪一眾貓咪由浴室玩到廚房同黃金沙盤，寓意新一年黃金滿屋，盤滿缽滿！一眾貓店主更會化身甜品店店主，邀請你參與幸福甜點派對。場內更有100款全新產品以及60款盲抽限量Q萌珍藏卡，即刻過嚟試下新一年嘅運氣啦！
【INFO】
《The ONE&皇室堡x mofusand 萌貓新春日常》
地點：尖沙咀The ONE UG2中庭、皇室堡地下中庭
日期：即日起至2月25日
新年好去處2. 置富Malls商場——小劉鴨賀龍年
以各種sticker風靡亞洲嘅「小劉鴨」首度登陸香港，將會喺馬鞍山廣場、+WOO嘉湖、紅磡置富都會同埋沙田置富第一城打造四大主題場景，迎接新年之餘又為大家發放最「DUCK」賀年祝福！當中更包括茶樓、月老廟以及扮工室主題造型裝置，無論喺生活、工作以及愛情上，新一年由「小劉鴨」祝福你！
【INFO】
《置富Malls ·小劉鴨「DUCK」心應手賀龍年》
地點：馬鞍山廣場、+WOO嘉湖、置富都會、置富第一城
日期：即日起至2024年3月10日
新年好去處3. 朗豪坊——史高治叔叔巨型金池
經典卡通角色唐老鴨舅父史高治叔叔（Uncle Scrooge）展出私人金庫，邀請大家進入「黃金寶藏」絕密鴨堡金庫探秘。當中有5大打卡位畀大家探尋財富流量密碼，最吸睛嘅莫過於通天廣場嘅巨型金池！
【INFO】
《朗豪坊黃金寶藏 FIND YOUR FORTUNE》
地點：朗豪坊4樓通天廣場
日期：即日起至2月25日
新年好去處4. iSQUARE國際廣場——6米高吃貨恐龍
台灣人氣角色「吃貨恐龍」同大家拜年喜迎新歲，將會以超萌新春造型配搭點心場景登場，帶你玩轉新春點心遊樂園！當中6米高嘅「吃貨恐龍」相當巨型，亦設有步步高升腸粉滑梯及轉轉小籠包等設施。商場3樓更設有福龍許願村以及多個與愛情有關的IGable旅遊景點，祝願大家新一年除咗可以豐衣足食之外，更可以同另一半甜甜蜜蜜！
【INFO】
《iSQUARE國際廣場【新春福龍過肥年】》
地點：尖沙嘴iSQUARE國際廣場
日期：即日起至2月25日
新年好去處5. 荷里活廣場——LINE FRIENDS換上賀年裝
一眾LINE FRIENDS朋友包括BROWN、CONY、SALLY和CHOCO，換上全新嘅賀年新裝，更為大家打造4個新春行運打卡位！商場更設首個4米長嘅「LINE FRIENDS『心』鎖情人橋」，可以同另一半將「祝福心鎖」掛到情人橋上，見證天長地久嘅愛情！就算冇另一半都可以去4米高嘅桃花樹下行一圈，咁新一年就有機會桃花滿滿！
【INFO】
《荷里活廣場「LINE FRIENDS meets PLAZA HOLLYWOOD」》
地點：鑽石山荷里活廣場1樓明星廣場
日期：即日起至2月25日
新年好去處6. 荃灣廣場——38隻幸福熊貓
38隻生猛活潑寓意招財嘅幸福熊貓，喺荃灣廣場陪你過發財年。新一年畀一眾熊貓包圍，相信一定會好幸福！當中必定要同3米高毛絨絨嘅「大吉大利大熊貓」以及20米長「幸福熊貓開運牆」打卡！
【INFO】
《荃灣廣場【幸福熊貓新春園】》
地點：荃灣廣場5樓空中樂園
日期：即日起至2月18日
新年好去處7. Mikiki——癲噹與新朋友「鬆弛龍」登場
癲噹以全新新春造型現身，更會帶同新朋友「鬆弛龍」同大家一齊歡度喜氣洋洋嘅新春佳節！場內更設有兩大和風打卡位，包括：「巨型癲噹祈願鳥居」以及「癲噹龍年開運屋」，祝福大家龍年福氣常滿。「癲噹」更會喺指定日子同大家見面，驚喜現身！
【INFO】
《Mikiki「癲噹賀龍年春日祭」》
地點：Mikiki地下中庭
日期：即日起至2月9日
新年好去處8. YOHO MALL——鄭中基帶領「機動十二隻恐龍」
鄭中基帶領「機動十二隻恐龍」現身YOHO MALL，當中有近4.5米高「有種好運老虎機」，可以用拉桿測試自己龍年運程，隨時可以中大獎！同時亦有「龍運當頭許願樹」令大家可以同著住全新暴龍過年裝扮嘅大佬公仔打卡！
【INFO】 《YOHO MALL 「猛龍個 MALL」》 地點：YOHO MALL I 及 II 中庭 日期：即日起至2月13日
新年好去處9. 天水圍領展商場——日本人氣角色chiikawa
日本超人氣可愛卡通角色chiikawa，將會換上新春形象並為大家呈獻「春の開運祭」，喺天水圍T Town、天澤商場及天瑞商場三大領展商場登場。場內設有3米高巨型鏡餅幻視打卡裝置、七福神造型裝置及長壽麵造型，破天荒融合日式賀年同港式傳統新年習俗，為大家帶嚟獨特嘅新春開運之旅。
【INFO】 天水圍領展商場chiikawa「春の開運祭」 地點：天水圍T Town、天澤商場、天瑞商場 日期：即日起至2月25日
新年好去處10.新港城中心——Kanahei’s Small animals
日本人氣角色P助、粉紅兔兔同埋一眾朋友，將會以全新龍年造型喺新港城中心亮相。當中更有5大新春最旺打卡區，包括：5米高「桃花最旺摩天輪」、「運氣最強轉轉杯」、「好事成籮金菠蘿」、「手到吉來夾夾機」及「龍年最FUN打卡牆」，大家進入呢個兔兔主題嘅遊樂場之後，必定會樂而忘返！
【INFO】 《新港城中心x Kanahei’s Small animals福氣最『龍』遊樂園》 地點：MOSTown新港城中心L2天幕廣場 (港鐵馬鞍山站B出口) 日期：即日起至2月25日
新年好去處11. 新都會廣場——美燈之景光影祭
新都會廣場揉合傳統與現代元素，打造出以華燈和燈海光影為主題嘅璀璨奪目燈籠海。逾388個幻彩花燈高掛喺「華燈光影天梯」上。當中更有3.5米高嘅「古風亭閣」以及浪漫嘅「火樹銀花步道」畀大家打卡！打完卡仲有「龍年文創市集」，等大家行大運！
【INFO】 《新都會廣場「美燈之景」》 地點：新都會廣場L4露天廣場 日期：即日起至2月25日
新年好去處12. 華懋集團六大商場——金魚貓Kiyo
本地插畫家Helen Tam譚詩慧筆下嘅人氣角色「金魚貓Kiyo」，更會以多個驚喜造型登場，當中包括舞火龍造型，將會喺華懋集團六大商場中展現8大賀年打卡點，5米高招財Kiyo貓亦係焦點之一。
- 迎Meow接福新春遊園（圖片來源：官方圖片）
【INFO】 《如心廣場 ｢迎Meow接福新春遊園」》 地點：如心廣場一期1/F中庭 日期：即日起至2月25日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – sauce.media.hk
YouTube – @saucemediahk
