護髮產品 | 平時染得頭髮多，再加埋電髮，容易令髮質受損！想喺屋企就可以享受到Salon級頭髮護理，小編就推薦大家入手KÉRASTASE全新推出嘅PREMIERE原生髮高效修復系列，只需要簡單4步就可以由內到外雙效修復頭髮，令秀髮恢復柔滑光澤！
圖片來源：官方圖片 | 撰文：Hedy
就算冇電髮同染髮，頭髮都可能會因為每日洗頭用嘅水，而殘留金屬粒子，久而久之更會進入髮芯深處，最後更會導致你秀髮受損！KÉRASTASE全新推出PREMIERE原生髮高效修復系列，蘊含檸檬酸、甘氨酸以及蛋白胜肽，令受損髮質變得柔軟有光澤。只需要跟住呢4個Step，連續用14日，就可以還原99%強韌度⁴！
Step 1 : 原生髮髮芯修復凝露
每次開水洗頭嘅時候，鈣質都會累積，繼而就會對頭髮造成持續傷害。當鈣質滲入角蛋白鏈嘅時候，就會破壞連結，令秀髮變得粗硬又易斷。原生髮髮芯修復凝露可以先幫你激活，喚醒內在力量，咁就可以減少損傷！只需要喺用洗頭水前，搽3至5泵喺濕髮上，再等5分鐘之後，唔需要沖洗就直接再用洗頭水。先為頭髮打底後，就可以繼續進行後續嘅護理～
【INFO】 《原生髮髮芯修復凝露》 價錢：港幣$600 購買連結：https://bit.ly/3Re6Ylz
Step 2 : 原生髮修復浴髮乳
之後就可以直接用埋原生髮修復浴髮乳，配方不含硫酸鹽，適合所有髮質人士用。泡沫豐富綿密，可以有效溫和潔淨頭皮及秀髮。浴髮乳內含檸檬酸，可以從根源消除過量鈣質，咁就可以令秀髮重新變得有光澤～同時亦有甘氨酸，有助恢復角蛋白鏈，頭髮由內而外變得更強韌，為髮絲增2倍柔滑度，咁就唔怕頭髮梳極都梳唔開啦！KÉRASTASE更與法國調香大師Alexandra Carlin及Catherine Poensin Stefani合作，為呢個系列譜出法式木調香氛，以溫暖木質為基調，再加上茉莉花香同柑橘香，簡直就係將你嘅居家護髮體驗昇華，就好似噴咗香水一樣咁誘人～
【INFO】 《原生髮修復浴髮乳》 價錢：港幣$270 購買連結：https://bit.ly/3x91AZW
Step 3 : 原生髮修復護髮膜
洗完頭之後唔知大家又有冇用髮膜嘅習慣呢～原生髮修復護髮膜適合受脆弱嘅秀髮，可以幫你進行頭髮嘅深層滋養，有效減少95%斷髮問題⁹，咁就唔驚每次梳頭嘅時候，地下都係頭髮啦。洗完頭後只需要用毛巾印乾頭髮，再搽上髮尾部分，配合埋按摩，就可以令秀髮光澤度提升53%⁹，就好似幫頭髮做咗個深層SPA一樣，帶畀你煥然一新嘅感覺！
【INFO】 《原生髮修復護髮膜》 價錢：港幣$470 購買連結：https://bit.ly/3xctlAR
Step 4 : 強韌修復抗熱修護乳
做完以上嘅程序，準備吹頭之前，記得要搽上強韌修復抗熱修護乳！因為當頭髮仲濕嘅時候，以高溫直接吹頭髮，容易傷害髮絲毛鱗片，隨時越吹越毛躁！強韌修復抗熱修護乳為你提供230°C抗熱保護⁴，完美保護你嘅頭髮，搽完之後亦都唔需要再沖洗，可以直接吹乾同打造出造型～配搭埋淡淡嘅茉莉花香同柑橘香，隨時令你對自己嘅秀髮愛不釋手！
【INFO】 《強韌修復抗熱修護乳》 價錢：港幣$510 購買連結：https://bit.ly/3RbKf9N
KÉRASTASE除咗可以帶畀你驚喜嘅居家修復體驗之外，更可以幫你將頭髮由內到外進行雙效修復，修復受損髮質之餘，更可以令頭髮回復原生狀態，散發出健康光澤感。如果大家想針對唔同嘅頭髮問題作出改善，就可以善用官網入面嘅「在線診斷」，咁就會推薦最適合嘅系列畀大家，趕得切喺今個夏天盡情透出秀髮～
