新年好去處2026｜各位動漫迷絕對要嚟打卡！有齊3大人氣動漫IP《膽大黨》、《藥師少女的獨語》及《薰香花朵凜然綻放》嘅主題同角色打卡位，超可愛～仲有賀年版高速婆婆達摩首度亮相，即刻入內文睇地址同詳情喇！
圖片來源：官方圖片 | 撰文：Hedy
MegaBox喺1月30日至2月26日期間，聯同動漫文化品牌SUNRISEPOP攜手呈獻「新春動漫祭」，匯聚3大風靡全球的人氣動漫 IP《膽大黨》、《藥師少女的獨語》及《薰香花朵凜然綻放》，打造多個主題及角色打卡位！同時亦有期間限定店，等大家入手會場限定款式同大熱日本動漫周邊！
新春動漫祭｜6大打卡位
會場有逾3米高嘅招財貓拱門迎接一眾動漫迷！而人氣爆燈嘅《膽大黨》高速婆婆首度化身為2.6米高賀年版達摩，超可愛～另外仲有新春限定嘅舞獅造型高速婆婆！高速婆婆賀年祝福大放送，為大家送上最暖心祝福，以精緻毛耷耷質感示人。同場亦設《膽大黨》角色以及1 : 1 還原COIN BANK逗趣打卡亭打卡位，兩套重點動漫IP《藥師少女的獨語》及《薰香花朵凜然綻放》亦獨立設有角色打卡牆。
新春動漫祭｜期間限定店！
場內亦設有期間限定店，發售多款《膽大黨》、《藥師少女的獨語》及《薰香花朵凜然綻放》等人氣動漫嘅限定商品！
-
MegaBox會場限定
-
MegaBox會場率先發售
-
其他全新商品！
新春動漫祭｜送限量禮品！
由1月30日至2月26日，顧客凡於期間限定店購買指定系列產品（以單一收據計算）滿 HK$138，即可獲贈《膽大黨》造型揮春 或 《薰香花朵凜然綻放》紀念鐳射票 或 《SAKAMOTO DAYS 坂本日常》紀念明信片 或 《藥師少女的獨語》書簽乙張。滿 HK$288，即可獲贈《膽大黨》高速婆婆便利貼乙份，設招財達摩款（1月30日至2月6日）以及新春祝福語款（2月7日至26日）。另外，Mega Club會員更可享專屬禮遇，於期間限定店購買產品（服飾類及特價產品除外），即可享無門檻9折優惠。
【INFO】
《MegaBox x SUNRISEPOP 「新春動漫祭」》
日期：2026年1月30日至2月26日
時間：11:00至21:00
地點：MegaBox G層中庭
延伸閱讀
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
