又一成wiggle wiggle | 韓國人氣文創品牌wiggle wiggle於香港設立首個官方布置及期間限定店，場內有3米高招牌嘅wiggle bear同微笑花花，100%還原韓國旗艦店打卡位！即刻入內文睇詳情啦！

圖片來源：官方圖片 | 撰文：Hedy

wiggle wiggle以繽紛鮮明同充滿童趣嘅風格為人所熟悉，今次終於都喺香港又一成舉辦首個官方活動啦！當中更有其標誌性嘅wiggle bear同微笑花花坐陣，化身為3米高毛公仔，啱晒每位充滿少女心嘅你去打卡～而隔離更有100%還原韓國旗艦店嘅倒轉房間，以180度倒轉形式呈現，就連入面嘅擺設都一模一樣，一定要約埋朋友去打卡！
wiggle wiggle於香港設立首個官方布置！（圖片來源：官方圖片）
3米高招牌嘅wiggle bear同微笑花花！（圖片來源：官方圖片）
100%還原韓國旗艦店嘅倒轉房間（圖片來源：官方圖片）

又一成wiggle wiggle | wiggle wiggle巨型花盆打卡

另外亦有wiggle wiggle巨型花盆打卡點，大家更可以轉動放滿金粉嘅立體花形裝飾，新一年轉個好運！隔離仲有樓高3.8米嘅wiggle wiggle大樓，門外有1.5高嘅立體wiggle bear迎接大家。大樓左手邊更設有巨型扭蛋機裝飾，行入去入面嘅花花主題房間，等大家都可以觀賞呢間充滿藍天白雲同彩虹嘅房間！探索完花花房間之後，亦有以黃色同綠色為主調嘅wiggle wiggle浴室，享受浸浴嘅樂趣。

3.8米wiggle wiggle 大樓（圖片來源：官方圖片）
行入花花房間！（圖片來源：官方圖片）
仲可以轉動花花～（圖片來源：官方圖片）

又一成wiggle wiggle | Wiggle Station 期間限定店

平時如果都鍾意購買唔同嘅文創用品嘅話，就一定要去Wiggle Station 期間限定店行吓啦，所有產品均有韓國直送，有齊各色各樣嘅wiggle wiggle主題商品，包括地毯、抱枕毯、牙刷座及浴袍等等。
Wiggle Station 期間限定店！（圖片來源：官方圖片）
地毯（圖片來源：官方圖片）
浴袍（圖片來源：官方圖片）
抱枕毯（圖片來源：官方圖片）
牙刷座（圖片來源：官方圖片）

又一成wiggle wiggle | 主題限定自拍館

位於又一城LG2層嘅DITTO.SNAP自拍館亦換上獨家限定嘅《Festival Walk x wiggle wiggle Joyous Flower World》主題，自拍館被可愛嘅微笑花花包圍住，超得意～自拍館更有限定主題相框作紀念，放假最啱就係同朋友去打卡！

獨家限定嘅《Festival Walk x wiggle wiggle Joyous Flower World》主題！（圖片來源：官方圖片）
可愛嘅主題相框（圖片來源：官方圖片）
記得去DITTO.SNAP自拍館（圖片來源：官方圖片）
放假同朋友打卡啱晒（圖片來源：官方圖片）
【INFO】
《Festival Walk x wiggle wiggle Joyous Flower World》
日期：即日起至2025年1月28日
時間：11:00至22:00
地址：又一城LG2層顧客服務處

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk