迪士尼公主 | 超壯觀！全港首個以逾 5,000朵精緻仿真花藝設計嘅「迪士尼公主仲夏花園」，有齊Ariel、Jasmine、Rapunzel同Cinderella打卡位，即刻入內文睇詳情啦！
圖片來源：官方圖片 | 撰文：Hedy
召喚各位迪士尼公主粉絲！MCP新都城中心將會由6月22至8月17日舉辦「迪士尼公主仲夏花園」，以逾5,000朵精緻仿真花藝設計而成！四位迪士尼公主，包括仙履奇緣》灰姑娘（Cinderella）、《魔髮奇緣》樂佩（Rapunzel）、《小魚仙》艾莉奧（Ariel）及《阿拉丁》茉莉（Jasmine）將會同大家分享佢哋勇敢追夢嘅傳奇篇章，打造出6大華麗打卡位大家唔好錯過啦～
迪士尼公主打卡位 | 1. 《仙履奇緣》浪漫仙履庭園
為慶祝《仙履奇緣》75週年鑽禧盛典，特別打造6米高嘅浪漫花園舞台，等你親身行入灰姑娘嘅經典場景。
迪士尼公主打卡位 | 2. 《仙履奇緣》巨型絢彩花藝玻璃鞋
灰故娘嘅玻璃鞋貼合仲夏花園主題打造成巨型絢彩花藝玻璃鞋，見證咗真愛同奇蹟力量！
迪士尼公主打卡位 | 3.《仙履奇緣》經典魔法南瓜車
以1:1打造經典魔法南瓜車，璀璨重現《仙履奇緣》中令人心馳神往嘅時刻
迪士尼公主打卡位 | 4.《小魚仙》幻彩珍珠仙境
勇敢率真、熱愛探險嘅Ariel，喺瑰麗嘅海底王國等候各位探險家到來！閃耀嘅珍珠貝殼隨光影變幻色彩，等你瞬間沉浸喺《小魚仙》嘅繽紛海底世界。
迪士尼公主打卡位 | 5. 《阿拉丁》炫光飛天魔毯
與智慧與勇氣兼備嘅《阿拉丁》Jasmine一同展開魔毯奇航，登上特製嘅魔法飛毯，置身於鏡面萬花筒打造嘅炫光空間中，與茉莉公主並肩翱翔。
迪士尼公主打卡位 | 6.《魔髮奇緣》天燈湖畔
充滿冒險精神嘅長髮公主樂佩同你登上浪漫小船，共赴一場天燈盛會，喺《魔髮奇緣》經典場景重現嘅星光湖畔，天燈冉冉升起，喺夜空中交織成璀璨動人光影詩篇。而《魔髮奇緣》展區更特別設置「天燈魔法陣」互動遊戲區，只要按指示輕拍牆上亮起嘅太陽花，相應嘅天燈隨即亮起。H‧COINS會員以電子貨幣即日單一消費滿HK$300，即可換領「魔法天燈陣」遊戲券乙張，憑券參與遊戲，成功過關可獲得指定小禮品乙份。
迪士尼公主| 「迪士尼公主仲夏花園」期間限定店
除咗可以喺6大經典場景打卡之外，MCP新都城中心特設「迪士尼公主仲夏花園」期間限定店，發售超過600款迪士尼公主系列精品，多款全港獨家發售由日本直送可愛浴衣套裝、仲夏必備時尚泳裝，以及海量精美文具精品等。
迪士尼公主| 消費換領限量主題禮品
H‧COINS會憑即日消費仲可以換領一系列迪士尼公主系列精品。以電子貨幣即日消費滿HK$800，即可換領指定款式迪士尼公主系列相框小卡乙件，每階段之推廣期推出１款，全期共4款。而H‧COINS會員於場內以電子貨幣單一消費滿HK$600，即可獲得電子印花1枚，集齊5枚，即可換領迪士尼公主「Adventure Gals」束繩布袋乙個！同場仲有期間限定「迪士尼公主主題趣拍館」，H‧COINS會員以電子貨幣即日消費滿HK$500，更可換領拍攝券乙張，擁有迪士尼公主系列相框！
【INFO】 《MCP 新都城中心 「迪士尼公主仲夏花園」》 日期：2025年6月22日起至8月17日 時間：10:00至22:00 地點：MCP CENTRAL （新都城中心2期）天幕廣場 「迪士尼公主仲夏花園」期間限定店 時間：11:00至21:00
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
