海港城牛奶妹 | 牛奶妹絕對係唔少人嘅童年回憶～今個聖誕牛奶妹於牛奶仔將會登場，為大家帶嚟「A Milky Christmas」甜蜜聖誕活動，有超巨型牛奶盒糖果屋以及不二家牛奶妹期間限定店等，即入內文睇更多啦！
圖片來源：官方圖片 | 撰文：Hedy
牛奶妹與牛奶仔，兩位可愛爆燈嘅角色將會行入港威商場以及海運大廈！當中絕對唔可以錯過港威商場大堂II入面超巨型牛奶盒糖果屋，糖果屋外型以牛奶盒作為靈感，屋頂上有招牌「舐舐脷面孔」嘅可愛牛奶妹，以牛奶妹標誌性嘅紅黃兩色作主調，入面就放滿甜蜜糖果佈置和精品畀大家打卡～糖果屋出面亦有4米高聖誕樹，大家仲可以同換上聖誕裝嘅牛奶妹、牛奶仔及小狗一齊影相～同場亦有四格相自拍亭，等大家都可以用牛奶妹節日限定相框影相，超值得留念！
牛奶妹 | 16個牛奶妹及牛奶仔模型
除咗港威商場可以打卡之外，港威商場大堂長廊展示出16個牛奶妹及牛奶仔模型，佢哋更已經換上全新冬日造型，以經典招牌動作同大家打招呼，粉絲們記得要去搵佢哋合照啦～
牛奶妹 | 不二家牛奶妹期間限定店
不二家牛奶妹期間限定店登陸海港城海運大廈地下中庭，推出一系列周邊商品，包括文具、旅行用品、家居用品、盲盒、旅行用品、不二家糖果及日本直送貨品等，當中近200款更係全球首發！仲有新推出嘅盲盒系列，必定要帶返屋企～只要係期間限定店購買任何產品，即獲贈會場限定貼紙乙張，更可加HK$40換購指定購物袋，超得意呀！
【INFO】 《不二家牛奶妹期間限定店》 日期： 2024年11月21日至2025年1月1日 時間：上午11時至下午9時 地點：海港城海運大廈地下中庭
牛奶妹 | 牛奶妹慈善扭蛋系列
打完卡之後，大家仲可以玩扭蛋！牛奶妹慈善扭蛋機首次推出全港獨家小物系列，包括吊飾、Shake Shake 文件夾和糖果包襟章，涵蓋唔同造型嘅牛奶妹。用$50就可以扭一次，仲有機會扭到聖誕襪造型特別版牛奶妹公仔掛飾，活動收益扣除成本後將撥捐「香港血癌基金」，相當有意義！
牛奶妹 | 牛奶妹與聖誕老人慈善見面會
牛奶妹與聖誕老人將會喺指定12月嘅日子同大家見面，只要現場捐款HK$50予「香港血癌基金」，即可與牛奶妹或聖誕老人喺聖誕樹下合照一次 (每張合照最多4人)，名額有限，先到先得。
【INFO】 《牛奶妹與聖誕老人慈善見面會》 日期：2024年12月1、8、15、22、24、25日 時間：下午2時至6時 牛奶妹：14:00至14:30、15:00至15:30、16:00至16:30、17:00至17:30 聖誕老人：14:30至15:00、15:30至16:00、16:30至17:00、17:30至18:00 地點：海港城港威商場大堂II
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
