全港首個沉浸式體驗三國主題旅遊館，進駐昂坪市集！以現代高科技及多媒體技術打造5大展區，帶您穿越時空親歷三國風雲時代，置身於中國歷史極為動盪嘅魏、蜀、吳三國當中！館內會以巨幕呈現三國鼎立重要戰役，有興趣嘅朋友一定唔可以錯過～
圖片來源：官方圖片｜撰文：Sharon
五大沉浸式體驗展區包括讓人仿如置身古代戰場嘅《三國風雲館》270度沉浸式影像及互動遊戲、呈現鳳凰飛騰懸崖瀑布嘅壯觀影像《蜀道行》、了解三國武將及傳奇兵器為主題嘅影片及互動遊戲嘅《三國武將兵器互動館》、以關羽為主題嘅《三國智趣天地》，仲有大家可以扮演諸葛亮放天燈及彈古琴嘅《奇謀妙計諸葛亮 》互動投影等。通過現代科技與多媒體效果，將三國演義中家喻戶曉嘅戰役、人物及謀略呈現畀大家睇！
《三國風雲館》設270度巨型沉浸式投影，配以震撼嘅聲效及逼真嘅效果，彷彿回到兩千多年前嘅三國戰場，大家仲可以親自參與虛擬攻城遊戲，感受戰場嘅緊張與刺激！
《三國武將兵器互動館》遊戲區以武將同兵器為主題嘅影片，介紹三國武將龍虎榜、各國兵器特點與戰術等。另外，大家可以喺度參與呂布跟趙雲嘅模擬互動武打遊戲，小朋友一定好鍾意玩！
場內有《奇謀妙計諸葛亮》互動投影，大家可以好似諸葛亮一樣企喺虛擬古代城牆上，彈奏以科技模擬嘅戰國古琴！仲可以參與互動投影放孔明天燈，體驗諸葛亮嘅奇謀妙計！最後，記得去埋《三國智趣天地》展覽，距離感欣賞到重達82斤嘅青龍偃月刀，非常震撼！
【INFO】 《「中國王朝風雲館」之《三國風雲》》 地址：大嶼山昂坪市集 開場時間：11:00 - 16:45 票價：成人 - $160 小童／長者－ $100
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
