伊藤潤二體驗展 | 今個萬聖節有得體驗日式恐怖嘅鬼屋啦！《伊藤潤二 恐怖體驗展 2 》將會登陸INCUBASE Arena ，大家終於可以親身體驗伊藤潤二多套經典作品為主題嘅鬼屋，一張票價就可以玩盡2大主題館，即刻入內文睇詳情啦！
圖片來源：官方圖片 | 撰文：Hedy
被譽為「日本當代恐怖漫畫大師」嘅伊藤潤二，以黑白精細筆觸描繪出充滿詭異美學嘅驚悚恐怖作品。今個萬聖節將會有大家期待咗好耐嘅《伊藤潤二 恐怖體驗展 2 》，以動畫《伊藤潤二狂熱：日本恐怖故事》為主題嘅體驗館，將會由9月19日至11月9日登陸旺角創興廣場 B2 層 INCUBASE Arena！
伊藤潤二體驗展 | 玩盡兩大主題館
《伊藤潤二 恐怖體驗展 2 》將一次過完整呈現10部伊藤潤二經典恐怖作品，觀眾僅憑「救命繩」摸黑進入體驗空間，大家可以憑一張票價玩盡兩大主題館，包括A館償命村及B館喚惡鎮。入面將會有耳熟能詳嘅《隧道奇譚》、《閣樓的長髮》、《藏書幻影》、《富江：照片》、《無盡的迷路》、《人頭氣球》、《壞小孩》、《無頭雕刻》、《雙一的寵物》、《呻吟的排水管》。
伊藤潤二體驗展 | 香港站限定周邊+Cafe
展區尾段設有展覽限定周邊商店，推出多款香港站獨家商品，包括富江與雙一主題Tee、亞加力立牌、限量精品等，極具收藏價值。而喺展館外B1樓層亦設有主題 Cafe，餐點靈感取材自伊藤潤二經典嘅漫畫篇章，推出一系列結合角色元素嘅「暗黑料理」，成功將恐怖場景神還原！
伊藤潤二體驗展 | 早鳥優惠送富江或雙一面具一個
由8月15日早鳥優惠開始於指定購票平台 INCUTix及Experience 11開售，凡購票入場即隨機附送富江或雙一面具一個（共兩款），另設3 款附件經典代表作禮品之特典門票，大家記得要入場睇啦～
價錢：
1. 預售優惠門票（2025 年 8 月 15 日 10:00 起至 2025 年 9 月 18 日 23:59 ）
- 預售雙人票：HK$299 / 套（兩人需一同入場）
- 預售特典票 A：HK$229 / 套（含單人票＋漩渦主題亞加力立牌）
- 預售特典票 B：HK$369 / 套（含單人票＋展覽限定富江Tee）
- 預售特典票 C：HK$369 / 套（含單人票＋展覽限定雙一Tee）
2. 獨獨驚嚇香港站限定 – 萬聖節展期門票 (10月11日至 10月31日)
- 萬聖節單人票：HK$199 / 張（適用於10月11日至10月31日的場次，購票時需要先預定進場時段）
3. 一般展期門票（2025年9月19日起）
- 展期單人票：HK$179 / 張
- 展期特典票 A：HK$259 / 套（適用於9月19日至10月10日及11月1日至9日的場次，展期特典票A包含1張入場票及亞加力立牌）
- 展期特典票 B：HK$399 / 套適用於9月19日至10月10日及11月1日至9日的場次，展期特典票B包含1張入場票及1件展覽限定富江Tee）
- 展期特典票 C：HK$399 / 套（適用於9月19日至10月10日及11月1日至9日的場次，展期特典票C包含1張入場票及1件展覽限定雙一Tee）
- ※所有購票入場人仕獲贈送面具一個（2種款式隨機送出）
【INFO】 《伊藤潤二 恐怖體驗展 2》 展覽日期：2025年9月19日至2025年11月9日 開放時間： 星期一至五 5:00pm – 11:00pm｜星期六、日：3:00pm – 11:00pm 萬聖節期間（10月下限定）： 星期一至五：5:00pm – 12:00am｜星期六、日：3:00pm – 12:00am 展覽地點：旺角創興廣場地庫B2 INCUBASE Arena 立即購買：https://bit.ly/45C5szP
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
