一個疫情打埋黎，UA同Neway都相繼宣布結業，香港人放假唔通真系只可以行商場、郊遊同staycation？其實香港而家有好多小型畫坊、手藝工作室都會不定期舉辦各種各樣嘅手作體驗班～ 無論係油畫、浮游花、香薰蠟燭、捕夢器定日本光雕，只要你唸到嘅都有機會可以自己去親手製作！每逢臨近節日或情侶紀念日，唸唔到送咩時仲可以同另一半或好姐妹一齊去製作，最後將製成品互相交換留個好回憶都係嘅唔錯嘅選擇啊～而家快D跟小編望下有咩好學啦，睇中左記得把握機會book定位！
圖片來源：IG@craftworkshop_、toffeestudio、one.daystudio、lovemyarts_、lovetracywong｜撰文：Candice
DIY手作工作坊1. 造物社
造物社craftworkshop係一間位於觀塘嘅多元工作坊，裝修以純白木系擺設同花草元素為主，一入去就已經感覺個人即刻變得輕鬆左。
負責教授嘅導師擁有「韓國KCCA蠟燭師資證照」及「香水鑑賞員香及調香員證書」，平時設有各式各樣嘅工作坊，包括乾花香薰蠟燭/和式浮游花/乾花擴香石/土耳其馬賽克燈/永生花水晶球燈等等，樣樣都超級精緻夢幻！
淨係睇相都已經知大家平時整得有幾開心啦，各位鍾意整手作嘅女仔千祈唔可以錯過～
預約查詢：51679926
地址：九龍觀塘偉業街146號美嘉工業大廈8樓B座B21室
DIY手作工作坊2. Toffee Studio
自從幾年前捕夢網興起，香港唔少手工藝店都開始有得賣，但自己製作嘅機會就比較少啦！呢個由Toffee Studio 開設嘅工作坊除左可以將花環同捕夢網結合係一齊，製造一個只屬於您嘅捕夢網！
大家仲可以自組工作坊，最少2個人就可以成班，上課地點仲有太子/尖沙咀/觀塘/火炭比大家揀，時間彈性絕對唔怕book唔到～
大家鍾意嘅話都快D約埋朋友一齊去玩下啦～
地址：太子園藝街3號花墟1樓 八拾花火 / 尖沙咀 K11 /觀塘開源道47號凱源工業大廈5樓H室 Comport Soul / 火炭禾寮坑道18-28 號聯邦工業大廈1樓 D 室 The Scenes Studio
預約查詢：9809 3124
DIY手作工作坊3. one.daystudio
一樣係位於觀塘嘅多元化工作室，one.daystudio平常主要為客人設計各種結婚禮物，亦有開設不少兒童工作坊。
佢哋嘅浮游花瓶超級靚！除左可以挑選各種顏色嘅鮮花配搭，仲可以加上特色公仔同刻字，構圖都設計上都有好大發揮，整黎送比閨蜜情人就最岩～
另外佢哋亦有毛氈畫同月球花燈工作坊，毛氈畫主要係用針具將羊毛戳成任何圖案，無論係可愛嘅動物卡通定係家中嘅寵物毛孩都一樣得，完全岩曬小朋友去學！
而月球花燈就可以比大家係上面刻字，再配上迷你人仔同永生花，打造出浪漫又有獨特主題嘅作品～夜晚放係房用真系超有feel㗎！
預約查詢：5166 8360
地址：觀塘成業街16號怡生工業中心B座1樓B06室DIY手作工作坊
DIY手作工作坊4. LOVEMYARTS
除左乾花、香薰蠟燭呢D手工製品，最近都好流行到畫坊一日參加油畫或畫作體驗班，重拾小時候上視藝課嘅樂趣～
LOVEMYARTS主要開設日本柔漓樹脂同抽象療瘉流體畫2種工作坊，導師態度專業又友善，仲好有耐心會逐步解說，
無論係柔漓樹脂定流體畫小編都覺得好治癒，隨性嘅設計令人完全唔洗擔心成品會失敗，完全岩曬藝術天份唔高但又想放鬆下嘅文藝青年去體驗～
預約查詢：67488161
地址：九龍觀塘成業街19-23號成業工業大廈8樓
DIY手作工作坊5. 芳療手作坊
同油畫及其他手工藝品唔同，芳療手作坊開設日本光雕工作坊，將由日本藝術文化帶比大家！光雕唔似木雕需要大力氣，只要適當既力度就可以完成。 大家可以親手一下下咁雕刻灰黑色既圖模，慢慢就會係上面咁見到光線同色彩，根據筆觸會形成不同既紋路，營造出作品既形態。
各位亦可以慢慢發揮自己既創意，用線條做出光線，花朵，羽毛，風等效果，完成後會有好大既滿足感！大家都快D試試呢種香港咁少見嘅手工藝，一齊體驗下啦～
查詢預約：97688246
地址：新蒲崗五芳街8號利嘉工業大廈11樓45室
——–
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
