香港繽紛冬日巡禮 | 臨近12月聖誕節，有唔少嘅商舖一早已經佈置好聖誕裝飾。想感受濃厚嘅聖誕氣氛，絕對要去西九文化區嘅聖誕小鎮，有20米高巨型戶外聖誕樹打卡，仲有埋冬日維港水上煙火，即睇內文了解更多啦！
圖片來源：香港旅遊發展局 | 撰文：Hedy
想感受聖誕節熱鬧歡騰嘅氣氛，就必定要參與由11月22日起至2025年1月1日嘅香港繽紛冬日巡禮。西九文化區將化身成聖誕小鎮，規模亦比往年更大。20米巨型戶外聖誕樹超適合打卡之外，今年更會化身巨型畫布，加入投影，呈現一幕幕冬日節慶場景，超唯美～入面亦有數之不盡嘅禮物以及悉心打扮嘅聖誕小矮人，穿梭喺四周小鎮入面～大家更會睇到可愛熊貓以聖誕裝扮登場，一齊歡度佳節！
【INFO】 《聖誕小鎮》 日期：2024年11月22日至2025年1月1日 時間： 2024年11月22日 20:30至23:00 2024年11月23日至12月20日 17:00至23:00（星期一至五）、11:00至23:00（星期六至日） 2024年12月21日至2025年1月1日* 11:00至23:00 *12月24、25及31日延長開放時間至翌日凌晨1:00 地點：九龍西九文化區海濱草坪西面 聖誕小鎮亮燈時間：每日下午5:00 巨型聖誕樹投影時間：每日下午6:00開始，每小時的整點及30分播放一次 最後入場時間：場地關閉前30分鐘
香港繽紛冬日巡禮 | 冬日維港水上煙火
大家又可以睇到煙火啦，「冬日維港水上煙火」將西九文化區夜空化作畫布，繪出色彩斑斕嘅圖案，絢麗奪目。首場煙火將會喺11月22日夜晚7點半舉行，其後就會喺12月24日至26日舉行，每場大約10分鐘。想有好嘅位置睇煙火就要記得早啲去啦～
【INFO】 《冬日維港水上煙火》 日期及時間： 2024年11月22日 19:30 2024年12月24、25、26日 20:00 地點：九龍西九文化區海濱長廊鄰近海面
香港繽紛冬日巡禮 | 西九聖誕市集
爲咗配合「香港繽紛冬日巡禮」啟動，西九文化區主辦嘅「西九聖誕市集」將會喺11月22日至12月8日(逢星期五至星期日)以及12月12日至29日期間舉行，並將率先於藝術公園海濱中草坪開幕，為大家帶嚟6大特色攤位，其後30個攤位亦將於12月12日於西九藝術公園海濱草坪東面及M+對出海濱平臺登場。無論喺想買聖誕禮物定係享受國際節日美食，都可以喺度盡情感受節慶嘅熱鬧氣氛！
香港繽紛冬日巡禮 | 香港跨年倒數
慶祝完聖誕又點少得萬眾期待嘅香港跨年倒數呢～維多利亞港兩岸將於跨年夜上演煙花匯演，多幢香港島主要大廈會施放燦爛煙火助慶，結合無數射燈、LED屏幕圖案同燈光效果，照亮維港兩岸！熱烈迎接充滿希望嘅2025年，展望來年無限可能！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
