又有新餐廳！銅鑼灣新開性價比超高嘅一人鍋涮涮鍋及壽喜燒專門店「狸小路」，主打高質北海道十勝產黑毛和牛及北海道米豚，並提供5款每日新鮮製作嘅地道北海道高湯鍋底，最平$158即可品嚐到品質上乘「北海道和牛」及「 北海道米豚」套餐，非常吸引！
圖片來源：官方圖片｜撰文：Sharon
「狸小路」主打一人鍋涮涮鍋及壽喜燒套餐，最平$158即嘆品質上乘「北海道和牛」及「 北海道米豚」，仲有前菜、蔬菜拼盤、北海道米飯/拉麵及甜品、兩款沾醬。大家仲可以揀5款每日新鮮製作嘅地道北海道高湯鍋底，當中最值得推介一定係「北海道海膽高湯涮涮鍋」，每日限量80份，用咗來自北海道利尻島、羅臼同奧尻嘅3款北海道時令海膽，再混合北海道利尻昆布、日高昆布及北海道「秋鮭」柴魚片製作而成嘅「一番出汁」高湯，每日新鮮烹調，再配上A5級嘅十勝黑毛和牛，口感極豐富！
涮涮鍋或壽喜燒套餐
食客可以選擇涮涮鍋或壽喜燒嚟品嚐餐廳嘅招牌北海道十勝黑毛和牛或北海道米豚。建議大家先直接品嚐高質湯底，再開始烹調肉類， 最後再食蔬菜。選擇壽喜燒套餐嘅食客，可以先將牛脂加熱，然後再放入洋蔥同蔥段，再放入「狸小路」自家製壽喜燒汁。
5款炮製北海道特色高湯
5 款北海道風湯底包括北海道海膽高湯 (+$58)、北海道牡蠣高湯、北海 道傳統湯咖喱、北海道特選3.6牛乳湯同北海道昆布柴魚湯。全部都用上大量來自北海道當地嘅土產及食材，再加埋「一番出汁」，每日新鮮自家熬製，湯底鮮甜可口！
【INFO】 《狸小路 Tanukikoji》 地址：銅鑼灣希雲街 20 號希雲大廈地下 4-5 號舖 營業時間: 12:00 - 22:00 訂座電話：8402 3972
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
