情人節禮物2024 | 適逢2月就係情人節，除咗要搵間好氣氛嘅餐廳同另一半慶祝之外，當然要貼心咁為另一半準備情人節禮物！仲未諗好要幫另一半買咩？即刻睇睇小編為大家精選嘅7款禮物啦，希望可以幫到仍然煩惱緊嘅你！
圖片來源：各官方網站| 撰文：Hedy
情人節想同另一半有儀式感咁過，絕對唔少得一份好嘅禮物，不過市面上咁多禮物，又有邊款最啱另一半？
情人節禮物1. EMAY PLUS 溫冷排毒按摩儀
女士們相當注重面部護理，更加希望影相嘅時候，塊面會睇落瘦啲！而溫冷排毒按摩儀可以透過特大雙波浪機頭，緊貼面部同身體各個部位，配合高達8,500次振動頻率，就可以安坐家中瘦面！按摩儀設有兩種模式，熱能模式可以加速血液循環，幫助肌膚吸收精華。而冷凍模式則可以有助消退眼部浮腫，同時排走水腫以及收細毛孔，相當適合女士們作保養使用！
【INFO】
EMAY PLUS 溫冷排毒按摩儀
價錢：$528
購買連結：https://bit.ly/3vLX0zY
延伸閱讀：【情人節送禮5款情侶香水推薦、必入手木質調/花香/清新香水】
情人節禮物2. GUERLAIN ROUGE G 寶石唇膏
每個女仔嘅手袋都一定會有幾枝唔同嘅唇膏，Guerlain 創作全新限量版 Rouge G 唇膏盒，由Violette 與日籍藝術家品川亮（Ryo Shinagawa）聯手打造，喺金色嘅金屬飾板上點綴細緻嘅花卉圖案，禮讚日本櫻花盛開嘅美景。唇膏當中更設有隱藏雙鏡，最適合大家補搽唇膏嘅時候使用。除咗可以自選唇膏色調同埋唇膏盒之外，你更可以以英文字來雕刻唇膏盒，自製一個屬於另一半嘅唇膏！
【INFO】
GUERLAIN ROUGE G 寶石唇膏
價錢：$550
購買連結：https://bit.ly/3u58rlN
情人節禮物3. 沙宣無線自動捲髮器
對於女仔嚟講，無論係出席唔同嘅場合定係普通襯衫，頭髮造型對佢哋嚟講都相當重要，造型一變隨時都會帶畀人唔同嘅新鮮感！想改變造型隨咗可以靠電髮之外，貼心嘅男朋友都可以為另一半買自動捲髮器，簡單就可以打造大波浪效果！
沙宣無線自動捲髮器有3個溫度選擇，包括160°C、180°C以及200°C，適合不同髮質嘅人士使用。同時亦設有3個旋轉方向，只需要將頭髮放入捲髮器內，再撳一下就就自動均勻咁將髮束捲入，輕鬆等待後就可簡單塑造自然曲髮！同時捲髮器充電後，更可以輕鬆攜帶出外，隨時隨地改變造型。捲髮器採用特別隔熱設計，減少因過熱而產生的燙傷，同時亦有防燙設計，咁就唔怕燙手啦！
【INFO】
VIDAL SASSOON 沙宣 無線自動捲髮器
價錢：$839
購買連結：https://bit.ly/3u58rlN
情人節禮物4. Marshall Emberton II 無線音箱
平時如果另一半有聽開歌嘅習慣，不妨買呢個無線音箱，重量輕之餘可以方便攜帶，再加上奶白色嘅設計，再配搭時尚嘅外型，帶畀大家360° 沉浸式嘅聆聽體驗。唔用嘅時候都可以就咁擺喺屋企，都好靚！
【INFO】
Marshall Emberton II 無線音箱
價錢：$1499
購買連結：https://bit.ly/3S02XRe
情人節禮物5. FUJIFILM instax mini Evo 即影即有相機
無論你想即時影相定係打印，富士呢一步instax mini Evo相機滿足你咁多個願望！唔單只可以當相機即時影相，影完之後你更可以揀自己覺得靚嘅相打印，咁就唔洗怕影出嚟效果唔靚之餘同時又浪費咗張相紙！就連喺手機入面嘅相，都可以直接打印出嚟！使用10種鏡頭效果例如魚眼、漏光、半格、雙重曝光等，再結合10種嘅底片效果例如黑白、懷舊、復古等，就可以運用100種唔同嘅方式打造獨特嘅相！除咗黑色之外，更有復古嘅啡色選擇，外型靚之餘又實用！
【INFO】
FUJIFILM instax mini Evo 即影即有相機
價錢：$1690
購買連結：https://bit.ly/3Uda4IH
情人節禮物5. Miss Dior香薰
若然另一半相當注重香氣，就可以選擇Miss Dior香薰，讓另一半噴上後，彷如被成千上萬嘅花包圍著，散發出淡淡嘅溫柔與優雅感。喺清新嘅鈴蘭、 杏桃香點綴下嘅牡丹香氣， 及帶點粉調嘅鳶尾花香調， 成就此Miss Dior優雅而馥郁嘅「千花」花束。
【INFO】
Miss Dior香薰
價錢：$835（30ml）、$1110（50ml）、$1600（100ml）、$2000（150ml）
購買連結：https://bit.ly/3u5bASD
情人節禮物6. Chanel卡套
近年嚟較多人選擇使用電子支付，當有太多信用卡嘅時候，就難以收納。貼心嘅男友們都可以為另一半購買卡套，Chanel呢款卡套採用小羊皮、琺瑯同金色金屬所製成嘅卡片套，配搭珊瑚粉紅色，就最啱新一年用。當中設有兩格嘅位置畀你放卡同紙幣，方便攞出嚟用同收納！
【INFO】
Chanel卡套
價錢：$4800
購買連結：https://bit.ly/3vE7QI2
情人節禮物7. Sony RX100 VII
現今嘅世代最離不開嘅就係影相，無論係紀錄日常、同朋友聚會定係去旅行，一部輕便嘅相機就相當重要！相機除咗要講求高像素之餘，對於唔想再調色執相嘅女仔嚟講，最好就可以內置唔同嘅濾鏡，咁就可以原相直出，夠晒方便！Sony RX100 VII機身輕巧，可以直接擺落女仔嘅手袋入面，隨時攞出嚟影。相機更有即時眼睛自動對焦功效，無論喺影小朋友定係寵物，都可以迅速對焦，輕鬆影出靚相！就算喺街上拍片，都可以利用穩定影像技術，拍出4K影片！
【INFO】
Sony RX100 VII輕便相機
價錢：$8590
購買連結：https://bit.ly/3U60SFV
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
