史迪仔｜各位史迪仔Fans絕對要入手咁可愛嘅「反斗奇兵｜史迪仔」盲盒以及毛公仔掛飾！今次史迪仔竟然係入侵反斗奇兵嘅世界呀！即刻入內文睇詳情！
圖片來源：官方圖片 | 撰文：Hedy
今次頑皮嘅史迪仔竟然決定佔領《反斗奇兵》嘅世界？！仲帶埋Angel同邪惡兄弟Leory大玩變裝派對。反斗奇兵｜史迪仔 COSBI盲盒有齊8個基本款同1個隱藏款，每個$79，有齊胡迪、翠絲、巴斯光年、勞蘇、三眼仔、抱抱龍、紅心以及Lilypad！Lilypad更會以光柵幻變卡呈現3種史迪仔表情！反斗奇兵｜史迪仔 COSBI盲盒將角色縮小之餘同時精確捕捉反斗奇兵角色同史迪仔核心特徵！隱藏款嘅巴斯光年 x 史迪仔更採用獨特螢光塗裝，以UV燈照可以散發出霓虹光芒，螢光版超配合太空戰士嘅科幻魅力。
史迪仔｜史迪仔毛公仔掛飾
除咗盲盒之外，Hot Toys亦同步推出《史迪仔 Fan-Cination》反斗奇兵｜史迪仔COSBI盲盒毛公仔掛飾，最特別嘅係佢哋雙手都內置磁石設計，可以將雙手貼上打造可愛「托腮」造型，又或者係手拖手圍圈，超得意！史迪仔今次換上6款《反斗奇兵》經典造型，包括胡迪、巴斯光年、三眼仔、勞蘇、彈弓狗以及抱抱龍，每個$89兼附有《反斗奇兵》元素積木小掛飾 + 金屬扣，等大家都可以方便扣喺袋上面！
想優先入手到咁可愛嘅盲盒同毛公仔掛飾，就記得由即日起至5月31日可以到Hot Toys @ Hong Kong Comic Con 2026 優先發售！
【INFO】 《Hot Toys @ Hong Kong Comic Con 2026 優先發售》 日期：即日起至2026年5月31日 (星期五至日) 地點：香港會議展覽中心3 號展覽廳（Hot Toys 展位: 3E-A15）
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
