咁耐冇去旅行，依家梗係要去返夠本。無論你係近近地去轉日台韓，定係飛去歐美大玩特玩，一個好嘅行李箱絕對係你嘅旅行神隊友！市面上咁多個行李箱牌子、咁多款式，到底邊個耐用、邊款啲功能最適合你嘅需要？等編輯為你盤點7款人氣行李箱，等大家喺入手前可以參考吓！
圖片來源：官方圖片｜撰文：Tiffany
| （廣告時間） |
行李箱推薦 | 1. RIMOWA – Original
RIMOWA 呢個行李箱品牌嚟自德國，誕生於1950年。憑著過百年嘅頂級技術，以及終身保養嘅承諾，令 RIMOWA 一直都係行李箱界嘅名牌。RIMOWA 有多個系列，包括 Original、Classic、Hybrid、Essential 等等，而 Original 系列絕對係最具識別度嘅一款。行李箱以富有光澤嘅高端鋁鎂合金制成，搭配經典百褶嘅獨特凹槽設計，淨係睇外觀都已經加晒分！加上外殼係以高強度、防潮、耐撞耐摔嘅材質制成，絕對係好睇又耐用。
而行李箱嘅轆，用咗由 RIMOWA 率先研發嘅高端轉輪系統 — Multiwheel®系統，大家喺推/拉嘅時候都會感受到佢嘅滑順、高穩定度，仲唔會有任何噪音！更採用無段式伸縮拉手、下沉式回彈手把，為大家提供舒適、流暢、方便嘅操作體驗。
官方網站：https://bit.ly/3PvJ9VI 價錢：$10750 - $18,200
行李箱推薦 | 2. LOJEL – Cubo
日本行李箱品牌 LOJEL 以簡約嘅外型設計為主，係近年嚟好多人大讚又靚又實用嘅出品。LOJEL 主要分為 Cubo、VOJA 及 ALTO 三個系列，色系上都係以大地色為主，啱晒鍾意呢種色系嘅人！行李箱特別選用輕巧、耐用、無毒、環保嘅物料制作而成，仲大月10年保養，大家絕對可以安心使用。
喺三個系列當中，Cubo 系列係最受歡迎，因為佢有9款顏色、4個尺寸俾大家揀。行李箱採用前開式設計，只需要少少空間就已經可以拉開拉鍊、拎嘢出嚟，唔使開晒成個喼，有別於一般嘅行李箱。而且行李箱設有擴充式拉鏈，方便大家增加收納空間，咁去旅行買多咗嘢都唔使擔心冇位啦！
而每個行李箱都有個別的ID，方便大家喺全球保養，真係夠晒貼心！
官方網站：https://bit.ly/3RjDWSe 價錢：$2,300 - $3,000
行李箱推薦 | 3. Samsonite – Beamix
講到行李箱，相信唔少人都一定聽過 Samsonite 呢個牌子。Samsonite 嚟自美國，至今已經有超過100年歷史，主打實用、耐用。品牌提供多款不同物料、尺寸嘅行李箱選擇，包括軟身、硬身、Aluminium外殼，總有一款適合你嘅需要。編輯最推介就係佢哋嘅 Beamix 系列，因為行李箱係配備指紋解鎖功能！
Beamix 系列行李箱除咗有安全TSA海關密碼鎖，仲竟然高科技到有指紋解鎖功能，等大家可以更快更方便開箱，防盜程度亦大大提高。如果你係同親友share行李箱用都唔使擔心，因為佢可以儲存多達20個指紋系統，入晒咁多隻手指嘅指紋都仲得呀！而行李箱嘅轆用咗 Samsonite 獨家 Aero-Trac™II 懸掛避震輪設計，能夠高效避震、降低噪音，令滑動時更平穩。
官方網站：https://bit.ly/3PbL0h6 價錢：$5,380 - $5880
行李箱推薦 | 4. American Tourister – Curio
American Tourister 其實係 Samsonite 集團旗下嘅其中一個品牌之一。雖然佢係一個已經有接近90年歷史嘅牌子，但行李箱嘅設計依然與時並進，更以新穎、創新、玩味而聞名，所以一直都深受年輕消費者愛戴，風靡全球。而最受歡迎嘅，一定係佢哋嘅 Curio 系列。
Curio 系列行李箱有10種顏色選擇，仲有唔少特別嘅配色，玩味十足，難怪咁受年輕一代歡迎。行李箱外形為立體波紋設計，又靚又時尚；而材質就用咗霧面嘅防刮設計，除咗觸感一絕、容易清潔之外，亦無咁容易留低刮痕，咁就可以keep住新淨啦！
而 Curio 行李箱另一個賣點係佢夠輕，去旅行買多咗嘢都唔使擔心會超重！而行李箱採用360度多向雙輪，行走時平穩、容易推，就算女仔都輕鬆carry呀。
官方網站：https://bit.ly/465oHR7 價錢：$1,680
行李箱推薦 | 5. CROWN – Boxy
CROWN 早於1952年創立，係台灣嘅一個在地品牌，時至今日已經躋身全球知名行李箱品牌之一。CROWN 提供多款行李箱選擇，可以符合客人各式各樣嘅需要，其中最多人推薦嘅就係 Boxy 系列喇。
Boxy 系列有好多顏色選擇，而且仲係近年大熱嘅馬卡龍色系，例如粉紅色、黃色、天藍色等等，而且 Boxy 出名小巧輕便，女仔拎都好輕鬆，所以女仔們想用行李箱嚟襯衫、去旅行影靚相都冇問題！另外，佢屬於前開框嘅行李箱款式，拎嘢夠晒方便。所以 CROWN Boxy 系列絕對係大家又靚又實用嘅旅行隊友！
官方Facebook：https://bit.ly/468r2un 價錢：NT$5,199 - NT$8,199
行李箱推薦 | 6. 無印良品
無印良品相信大家都一定聽過，原來佢哋都有賣行李箱，性價比仲好高，如果想平平地入手，無印良品都不失為一個好選擇。佢哋有兩款主打行李箱，包括聚酯纖維行李箱、軟身行李箱，今次編輯就為大家推介聚酯纖維行李箱，又輕便又耐用，重點係價錢較其他大品牌平！
單單係聚酯纖維行李箱系列，已經有5種顏色、5種尺寸揀，照顧大家嘅不同需要。行李箱採用100%聚酯纖維，所以喼身輕巧得嚟又好堅固，唔使擔心用一陣就爛。而且採用雙滑輪設計，配合吸音性較高嘅素材，可以高效減低推動時嘅噪音；滑輪固定器亦經過改良 — 喺固定滑輪時，可以同時固定滑輪方向，咁用起上嚟就更穩妥啦。
無印良品仲有推出不同尺寸嘅旅行手挽袋，配合相同尺寸嘅行李箱，放埋喺行李箱上面一齊用就夠晒方便啦。啱晒去旅行想瘋狂shopping嘅大家呀！
官方網站：https://bit.ly/45OqpGW 價錢：$1,080 - $2,680
行李箱推薦 | 7. OUMOS
OUMOS 係一個嚟自諾曼第嘅高端行李箱品牌，致力為客人提供無論喺外觀、抑或係使用需求上都高質素嘅行李箱。雖然 OUMOS 行李箱絕大部份都只係黑白兩色，但正因為咁，令佢哋嘅行李箱既百搭又長青，點都唔會過時。行李箱亦採用正方形設計，有別於一般長方形行李箱設計。除咗外型特別之餘，收納空間亦較多。
行李箱外殼使用100%德國 Bayer 嘅最高等級聚碳酸酯，令行李箱夠輕、耐衝擊、耐熱耐冷，仲有吸震能力，亦唔會好容易就撞凹，啱晒成日出遊嘅朋友仔。另外，OUMOS 行李箱嘅四個轆嘅直徑都有60mm，移動時既穩定又安靜。而行李箱內部嘅收納袋，仲可以拆出嚟，等你可以按個人需要掛置喺其他地方使用，夠晒貼心。
官方Facebook：https://bit.ly/483Hnm9 價錢：$5,599 - $5,799
