相隔幾年有得再去旅行，大家都急不及待出發。但係屋企嘅旅行用品咁耐冇「出發」，係時候要買過新啦！日系輕奢行李箱品牌LOJEL嘅旗艦店「LOJEL Lab」最近喺尖沙咀The One開幕，唔止結合維修同零售，買佢哋嘅產品仲可以免費刻名，一站式滿足客人嘅需要。
圖片來源：LOJEL、SAUCE編輯部｜撰文：Angela
全港首間維修與零售二合一分店
輕奢品牌LOJEL源自日本，極簡又不失美感嘅設計，加上厚實嘅外殼，非常堅固耐用，難怪咁受歡迎，好多人一試就會成為回頭客。佢哋喺香港首間旗艦店「LOJEL Lab」8月1號正式喺尖沙咀The One開幕啦！雖然LOJEL喺香港已經有幾間分店，但旗艦店特別在於結合咗維修同零售，仲有即時刻名服務！樓高兩層嘅LOJEL Lab有一面落地大玻璃，店內1樓旅行用品修復區十足一個實驗室，旁邊小樓梯就通往2樓零售區。
即場維修 最快1個鐘可取
1樓提供即場維修同刻名服務。客人喺預約時間放低你嘅行李箱，可以透過大玻璃見到職員即場維修。最常見嘅行李箱輪、拉杆等簡單損耗，最快喺1個鐘頭內就可以完成維修，即刻拎走，超級快捷方便！但記得要預先去官方網站預約，等店員可以預備好維修你嘅行李箱所需要嘅零件或者材料！等待維修嘅時候，不妨上去2樓睇吓有冇最新產品想買，唔止有品牌最受歡迎嘅「Cubo」同「Voja」行李箱，仲有各款背囊、手袋同旅行配件，時尚美觀又實用。
免費刻名 打造你的專屬單品
旅行配件系列ILOJ主打出行必備嘅皮革用品，除咗本身已經有售嘅手提電話掛繩皮袋、皮革卡片套同皮革鎖匙包之外，今次LOJEL Lab隆重開幕之際仲加入咗兩款新產品，就係AirTag皮套同輕薄皮革銀包。喺LOJEL Lab買以上五款產品，仲可以有免費刻名服務！店方提供3種英文字型同3種顏色，包括金色、銀色同無色畀大家選擇，仲可以加入得意嘅符號例如月亮、雲朵、星星等。無論係自用定係送禮，都可以隔住玻璃見到旅行用品修復區內嘅店員即場幫你刻上自訂文字，打造一件專屬單品。
新張限時優惠100%中獎
LOJEL Lab新張期間有超優惠嘅抽獎，只要買滿$2500就可以參加一次扭蛋抽獎，獎品包括唔同折扣嘅優惠券，甚至係一件免費產品，而且100% 中獎。呢段時間要去旅行買行李箱嘅話就快啲去啦！
【INFO】 《LOJEL Lab》 地址：尖沙咀彌敦道100號The One地下GA06號 官方網站：https://bit.ly/3KoUaoS
