生日蛋糕2024 | 想為家人、朋友甚或係另一半準備一個難忘嘅生日,就絕對唔少得一個可以打卡又好味嘅蛋糕,無論係經典嘅生日蛋糕款式、卡通造型定係花束造型蛋糕都有推介~
圖片來源:官方圖片、Instagram@badmoodhk、foodie.buddies.hk、byj.hk | 撰文:Hedy
生日蛋糕2024 | 1. 帝苑餅店——生果拿破崙
如果生日想食拿破崙蛋糕,就絕對要試試由尖沙咀帝苑餅店最出名嘅招牌作,更有芒果、士多啤梨、雜莓以及雜果,共4款口味嘅拿破崙選擇,啱晒鍾意食生果嘅大家。千層酥皮香脆,咬落去仲夾雜住鮮甜嘅生果,配搭幼滑嘅吉士忌廉,絕對令你滿意!
【INFO】 《帝苑餅店拿破崙》 價錢:$468起 網上訂購:https://bit.ly/3xdGZ6z
生日蛋糕2024 | 2. Rosewood——拿破崙
講起拿破崙蛋糕,Rosewood亦都相當出名,以非傳統烤焗嘅酥皮再配搭4種獨特嘅口味,包括雲呢拿、鹽味焦糖、黑朱古力以Nespresso咖啡味,脆口之餘甜度又適中,令人一試難忘。
【INFO】
《Rosewood拿破崙蛋糕》
價錢:$408起
網上訂購:https://bit.ly/49Z7ATn
生日蛋糕2024 | 3. Patisserie Tony Wong —— 招牌玫瑰花蛋糕
香港帝苑酒店知名甜品廚師黃耀文Tony Wong開設自己嘅甜品店Patisserie Tony Wong,主打玫瑰花蛋糕以及拿破崙。招牌玫瑰花蛋糕用朱古力製成玫瑰花瓣,有唔同顏色再加上外型逼真,超適合喺重要日子買嚟送畀另一半!而鍾意拿破崙嘅朋友除咗有生果款式之外,更有黑芝麻豆乳以及開心果,以法式千層酥皮以及自家制忌廉打造,獨一無二~
【INFO】 《Patisserie Tony Wong玫瑰花蛋糕》 價錢:$158起 網上訂購:https://bit.ly/3TSmhkv 《Patisserie Tony Wong拿破崙蛋糕》 價錢:$238起 網上訂購:https://bit.ly/3IUcViO
生日蛋糕2024 | 4. 文華餅店——1963文華芝士餅
1963文華芝士餅絕對係文華餅店嘅代表作之一,芝士味芳香濃郁再加上酸奶油帶點鹹香味,食落每一啖都係芝士香,夠晒Creamy,啱晒鍾意食芝士蛋糕嘅大家!
【INFO】
《文華餅店1963文華芝士餅》
價錢:$498起
網上訂購:https://bit.ly/49cYnWq
生日蛋糕2024 | 5. 半島酒店——朱古力蛋糕
最熱賣嘅馬逹加斯加朱古力蛋糕,啱晒各位朱古力迷~呢款精緻嘅蛋糕用最上乘嘅可可豆製作,配搭夾心黑朱古力脆脆以及朱古力海綿蛋糕,再加上雲呢拿慕絲以及黑朱古力忌廉,香醇甜滑嘅口感令人一試難忘。
【INFO】 《半島酒店馬逹加斯加朱古力蛋糕》 價錢:$698起 網上訂購:https://bit.ly/3x7BAOd
生日蛋糕2024 | 6. LIFETASTIC——三重朱古力慕絲蛋糕
相信好多人都認識LIFETASTIC嘅招牌草莓西瓜蛋糕,LIFETASTIC提供超過20款唔同口味嘅海綿蛋糕,亦有無麩質、純素以及生酮款式。如果鍾意朱古力嘅朋友就推介三重朱古力慕絲蛋糕,夾層由朱古力海綿蛋糕包裹Venchi白朱古力慕絲、牛奶朱古力慕絲及75%黑朱古力慕絲,散發出醇美奶香,同時又體驗到黑朱古力慕絲甘甜又帶點苦澀嘅味道。
【INFO】
《LIFETASTIC三重朱古力慕絲蛋糕》
價錢:$348起
網上訂購:https://bit.ly/3VxI6YI
生日蛋糕2024 | 7. Nina patisserie——開心果芝士蛋糕
Nina patisserie嘅開心果芝士蛋糕,以伊朗頂級開心果及香滑芝士製成,外層灑滿開心果碎,夾層就有自家製開心果忌廉、開心果醬及忌廉芝士,香氣夠濃郁之餘口感又夠札實!仲有芋頭雲呢拿麻糬戚風蛋糕、藍莓芝士蛋糕以及雙重朱古力蛋糕等選擇~
【INFO】 《Nina patisserie開心果芝士蛋糕》 價錢:$383起 網上訂購:https://bit.ly/4cwC4h1
生日蛋糕2024 | 8. IG@Badmood —— 蘋果撻
Badmood專注於烘焙豪華以及美麗嘅法式甜品、生日蛋糕以及撻等等,店舖位於黃竹坑,更由2位香港90後藍帶廚藝學院畢業生主理。當中最推介大家試試蘋果撻,由傳統法式人手製造餅底加上新鮮艾菲蘋果堆砌而成,仲可以食到蒔蘿蘋果粒粒醬加杏仁蛋糕沙布餅底,口感好Fresh!除咗唔同口味嘅撻之餘,仲有黑森林以及LoveBox蛋糕揀~
【INFO】
《Badmood蘋果撻》
價錢:$288起
網上訂購:https://bit.ly/3Vz9ntZ
生日蛋糕2024 | 9. IG@foodie.buddies.hk ——卡通蛋糕
【INFO】 《foodie.buddies.hk卡通蛋糕》 價錢:視款式而定 網上訂購:https://bit.ly/3TBkfVo
生日蛋糕2024 | 10.IG@byj.hk——人像手繪蛋糕
想為朋友生日留下特別回憶,就推薦喺Instagram上面嘅鋪頭BYJ ART BAKERY。除咗有人像手繪蛋糕之外,更有油畫風寵物手繪,將藝術融入蛋糕上。每款蛋糕都係獨一無二又靚,相信收到嘅朋友一定會相當驚喜!
【INFO】
《byj.hk人像手繪蛋糕》
價錢:視款式而定
網上訂購:https://bit.ly/3TSqC8r
——————————————————
Follow 我哋睇更多最新情報!
Facebook – SAUCE – 為生活加一點味道
Instagram – @sauce.media.hk
YouTube – @saucemediahk