Anson Lo生日 | 為咗慶祝教主Anson Lo盧瀚霆7月7日生日，Little Giants同一眾神徒邀請全港市民免費喺當日搭香港摩天輪，仲贈送近4,000張門票畀8個慈善團體，回饋社會！場內更有超有心機嘅佈置同限量應援小禮物可以攞～各位神徒絕對唔可以錯過！
圖片來源：官方圖片 | 撰文：Hedy
藉著教主7月7日生日，Little Giants同一眾神徒以「wALking together we light up the magic of LOve」為題，「圓」途以愛相隨回應教主，將會喺教主生日週末，於香港摩天輪及AIA Vitality公園舉辦應援活動。全港市民以及遊客都可以喺教主生日當日免費乘坐香港摩天輪，仲可以得到精心設計嘅限定紀念門票，相當適合收藏！
送出4,000張門票給有需要人士
神徒更以「Anson Lo盧瀚霆」名義送出近4,000張門票畀8個慈善團體，回饋社會，傳遞祝福同鼓勵。活動受惠者包括視障人士及其同行者、青少年癌症患者、康復者及其家屬、有特殊學習需要嘅兒童及低收入家庭等，向有需要人士送上鼓勵同祝福！受惠機構分別包括黑武士失明人體育會、協康會、苗圃行動、智樂兒童遊樂協會、陳校長免費補習天地、香港女童軍總會、東華三院及香港青少年癌症基金會。持票者可以喺7月6日開始，喺有效期入面免費乘坐香港摩天輪。
期間限定佈置！
由7月6日開始到7月7日，現場仲會有期間限定佈置，以粉紅色為主調應緩教主，更會無間斷播放教主嘅個人音樂作品，神徒絕對要嚟打卡！喺教主生日週末仲會每日限量送出應緩小禮物，包括期間限定生日應援扇、教主親填rap詞刮刮卡，為大家打打氣！即場更會免費派發《Anson Lo的29個小故事》，集結咗唔少教主有趣又富有意思嘅點滴，一定要過嚟打卡～
【INFO】 《「Happy Anson Lo Day」免費乘坐香港摩天輪》 日期：2024年7月7日（星期日） 時間：上午11時至晚上11時 （晚上10時半截止排隊） 地點：香港中環民光街33號香港摩天輪及AIA Vitality公園
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
