UNIQLO HEATTECH | 當天氣轉涼嘅時候，相信有唔少人都會搵返HEATTECH出嚟著，但原來HEATTECH都會過期，甚至越著越唔保暖！咁點先知幾時要換？官方教你做！即刻入內文睇詳情喇～
圖片來源：UNIQLO官方 | 撰文：Hedy
最近天氣開始凍，攞返HEATTECH出嚟著嘅時候竟然覺得唔保暖，原來HEATTECH都會過期，等官方教你即刻睇吓使唔使換！
UNIQLO HEATTECH過期 | 1. 檢查數字
一般嚟講，只要著滿HEATTECH3年，就會建議大家更換。就算唔記得咗幾時買都好，官方教大家亦可以透過洗衣標籤上嘅數字，去確應有冇需要換，括號入面嘅數字就係大家要留意嘅地方！第一個數字則代表購買嘅年份，以下圖為例見到0字則代表2020年。而第二個數字則代表春夏秋冬，以下圖4為例，則代表著冬天。大家可以參考呢個方法有鑑識屋企嘅HEATTECH有冇需要換新！
UNIQLO HEATTECH過期 | 2. 尺寸需合身
除咗要定期更換HEATTECH之外，大家購買嘅適合都要選擇合身尺寸，咁先可以令HEATTECH發揮最大嘅保暖功效！如果著上去已經Feel到鬆身或不合身，就建議大家換過見～
UNIQLO HEATTECH | 3. 建議清洗方法
官方亦建議大家可以手洗或洗衣機清洗（弱水流），擺落洗衣機之前記得要用洗衣袋避免拉扯，水溫唔好超過40度。再加上唔好用特殊洗劑、不可以乾洗、不可烘乾，以免破壞HEATTECH嘅機能性！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
