Uber失物 ｜平時趕時間除咗搭的士之外，相信唔少人都會選擇call車搭Uber。趕頭趕命嘅時候好容易會喺車漏低嘢，Uber香港就藉此公佈「失物認領指數」，當中嘅結果千奇百趣，竟然有人會漏低「呼吸機」同埋「金華火腿」。想睇仲有啲咩有趣嘅 Uber失物 ，就要睇埋落去啦！
圖片來自：網上圖片｜撰文：Athena
Uber失物認領指數 1. 十大最常見失物
首先講吓「十大最常見失物」，十樣物件中，大部份都係屬於貴重物品、電子產品居多。但原來「電話及相機」都只係排第6位；比較迷你嘅「耳機及喇叭」就排第2位；體積較大嘅「筆記型電腦」則排第8位。而大熱門嘅「銀包」竟然都三甲不入，甚至連頭5位都冇位份啊！排名第一位嘅更加令人出乎意料，想知係啲咩就撳入圖片睇「十大最常見失物」排名啦：
Uber失物認領指數 2. 五大旅遊失物
疫情緩和之後，越嚟越多人去旅行，同時亦越嚟越多人搭Uber來回機場嘅時候遺漏物件。當中冇拎走第四位及第五位真係會上唔到飛機㗎，而第一位咁重要都竟然會漏低？大家入機場前記得check清楚啦！想知係啲咩，就即刻撳入圖片睇「五大旅遊失物」排名啦：
Uber失物認領指數 3. 三大食品失物
平時出街買完嘢拎住一袋二袋，自然會想call車返屋企，咁就好容易會漏低啱啱買完嘅嘢，所以Uber就列出「三大食品失物」。而第二位竟然有「月餅」份！唔知乘客係唔係中秋節收太多月餅食唔晒，想分啲俾司機食，所以特登漏低喺Uber。即刻撳入圖片睇「三大食品失物」排名啦：
Uber失物認領指數 4. 最容易遺下物件的三個日子
人生總有有幾日特別黑仔，又唔記得呢樣嗰樣。Uber就統計出以下3個日子，最多人漏低物件喺佢哋乘搭嘅車中。下年遇到呢啲日子又咁啱搭Uber嘅你就要留意吓啦！撳入圖片即睇「最容易遺下物件的三個日子」：
Uber失物認領指數 5. 三大最健忘的香港地區
講咗咁多遺漏喺Uber嘅物件，大家又估唔估到邊個地區嘅人最容易唔記得找齊嘢就落車呢？喺當區居住或返工嘅你就要留意吓啦，下次記得帶齊嘢先落車啊！撳入圖片即睇「三大最健忘的香港地區」：
Uber失物認領指數 6. 十大最獨特失物
去到最期待嘅「十大最獨特失物」，第十位嘅「按摩椅」咁大部都有人漏低，真係好大頭蝦啊！第七位嘅物品重要到關乎人命都會有人漏低，到底係要幾唔小心先會漏咗喺Uber；而第一位竟然係呢樣？撳入圖片即睇「十大最獨特失物」：
Uber失物認領指數 7. 十大珠寶首飾失物
喺珠寶首飾失物當中，最多人整唔見嘅，竟然係最貴重或名牌物品，相信有唔少都極具紀念價值，小編睇到都覺得心痛啊～大家唔想花錢再買過嘅話，就記得小心保管財物啊！撳入圖片即睇「十大珠寶首飾失物」：
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
