乜都停乜都冇得去，唯一陪著你嘅就係屋企部電視同電腦啦！好彩最近Netflix一炮過推出三套超強勢愛情韓劇，除咗有顏值超高嘅男女主角之外仲有閃爆劇情！喺屋企睇到冇嘢好睇嘅你哋就可以開始追喇！想知呢三套韓劇嘅大約內容就記得碌落去睇吓喇〜
圖片來源：網絡圖片 ｜ 撰文： Debbie
Netflix人氣必追三大韓劇（1）：
《氣象廳的人們：社內戀愛殘酷史篇》
由人氣男神「宋江」a.k.a Netflix兒子同偶像劇女神「朴敏英」主演嘅《氣象廳的人們：社內戀愛殘酷史篇》終於喺2月12日上線喇！小編可以話期待已久依家終於等到喇〜
故事以「氣象廳」（即係天文台）為主題，每一集都會用同「氣象」相關現象嚟到暗示男女主角嘅心境同發展。不過呢套戲嘅Love Line同甜爆劇情都嚟得好快，可以用措手不及嚟形容！比起好多韓劇要去到中段先會有激吻嘅劇情，呢套頭兩集都已經畀到你，夠晒誠意！
夏京同氣峻本來係一對拍拖十年並打算結婚嘅情侶，夏京卻在結婚前夕親眼捉到氣峻同宥珍做床上運動，男方一句道歉就轉身去搵返第三者，仲好唔要臉咁同女主要新婚房，仲搬走埋一齊買嘅家電，真係好渣！
以為女主角好欺負？咁你哋就錯了！作為女仔嘅小編睇得非常消氣，冇得結婚都唔緊要，後面仲有更好嘅人等緊你㗎。高顏值又有豐富閃爆單身狗嘅劇情，點可以唔追？
《氣象廳的人們：社內戀愛殘酷史篇》
主演：朴敏英、宋江、尹博、Yura
集數 : 16
題材：職場、浪漫、地下情
Netflix人氣必追三大韓劇（2）：《三十九》
由啱啱傳出婚訊嘅幸福人妻「孫藝珍」同「田美都」以及「金智賢」主演嘅「三十九」講述深度友誼同年長女嘅愛情故事，相信偏向成熟嘅女性都會喜歡呢種題材。劇情發展有別於一般韓劇，屬於倒敘描述。題材除咗愛情同友情之外仲有講述關於生離死別，屬於溫馨搞笑嘅愛情小品。
整個故事主要圍繞呢三位女主角嘅友誼同各自嘅愛情線〜
車美昭為皮膚科院長，決定40歲前放個長假去國外進修高爾夫球，點知喺育幼院結識善宇，之後就有一手…(偷笑)。小編發現最近韓劇嘅開車速度越來越快，仲要差唔多每套劇都係親密完先再有後續，不過唔同嘅配搭都有唔同嘅火花，相當養眼。
愛情以外，三人嘅姊妹劇情線亦非常感人。三個相識微時嘅女性朋友，轉眼間已經有二十年嘅情誼。面對好友患末期癌症嘅消息，美昭顯得相當難過！而睇到呢到，小編都覺得代入感好強，希望接下來嘅劇情有好消息吧。
《三十九》
主演：孫藝真、田美都、金芝賢
集數 : 12
題材：友情、浪漫、家庭
Netflix人氣必追三大韓劇（3）：《二十五，二十一》
由國民男友「南柱赫」同女主角 「金泰梨」主演嘅《二十五，二十一》人氣熱播中！以1998年為時間背景講述男女主角喺第一次相遇同相愛嘅青春成長故事！
劇情由羅希度帶女兒去芭蕾舞比賽開始，期後女兒到母親舊時的房間翻到一本日記而正式開始故事！希度細個係劍擊神童中嘅金牌得主，因為IMF時期從富裕家庭少爺變成家長嘅一個男人白易辰糾纏，開始苦惱著愛情、友情和夢想。
劇中嘅南柱赫無論係顏值同造型以及表理都大受好評，灑脫的角色圈粉之餘，同女主角嘅互動都好自然可愛！「南朋友」呢個名果然名不虛傳！
《二十五，二十一》
主演：金泰梨、南柱赫
集數 : 16
題材：友情、浪漫、夢想
相關文章：《一文睇哂DISNEY+懶人教學 呢套有齊32季？有咩必追劇集電影？》
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
