片皮鴨2024 | 片皮鴨絕對係香港人嘅至愛之一！片皮鴨香脆嘅外皮，肉質香濃，油分充足，配搭大蔥絲、青瓜同甜麵醬，口感豐富，令人回味無窮！今次為大家推介十間片皮鴨餐廳，有米芝蓮星級酒店「都爹利會館」、「麗晶軒」、「唐閣」及其他人氣中菜廳，例如尖沙咀「胡同」，最特別係佢哋嘅火焰胡椒片皮鴨，非常值得一試！
圖片來源：Facebook@古琴雅苑Zither Garden、囍慶集團官方網站、KKDAY、Openrice@mandymanlovefoodie、@eatgoodwestsin｜撰文：Ginger
片皮鴨推介 | 1. 胡同
胡同係一間位於尖沙咀中間道H Zentre頂樓嘅中菜廳，裝修設計好有中國風味，就好似四合院嘅感覺，仲可以望到維港海景！菜式主打傳統北方中菜，特別係「火焰胡椒片皮鴨」，由廚藝資歷超過50年嘅燒臘師傅麥志炳親自研發，用咗清代宮廷秘方，揀選北京鴨同廣東鴨混種嘅鴨，所以食落唔會太肥膩，再加入鹽、糖同埋花椒、八角、羅勒等10種香料醃製一日，風乾15小時，烤一小時再上枱時先用火點燃，相當費工，值得一試。
【INFO】
《胡同》
地址：香港尖沙咀中間道 15 號 H Zentre 18 樓
營業時間：星期一至五 12:00 - 15:00，17:30 - 00:00，星期六至日 11:30 - 16:00，17:30 - 00:00
片皮鴨推介 | 2. 雲海匯
雲海匯推出片皮鴨放題，只需$198/位起！頭盆定食仲有雙冬羊腩煲、姬松茸燉日本元貝（每位一份）同蠔皇五頭鮮鮑魚配椎茸（每位一隻）。仲可以無限任叫45款美食，如片皮鴨、酸甜黑豚肉、蜜餞欖角骨、珍菌牛柳粒同豉蒜虎皮尖椒等多款精美菜式，仲有定期更新嘅美食，實在好抵食！
【INFO】
《雲海匯》
地址：深水埗深旺道38號海達邨二期平台1樓1-01號舖
營業時間：星期一至日 07:00 - 23:00
訂座連結: https://bit.ly/4ePYQ4m
片皮鴨推介 | 3. 古琴雅苑
「古琴雅苑」有3間分店，佢地嘅烤北京填鴨師承北京「全聚德」，用上等北京填鴨，用傳統掛爐烤出，烤鴨剛剛出爐，烤鴨師傅即場展示刀功即席片鴨。皮脆肉嫩嘅烤鴨，配上清新嘅青瓜、京蔥同哈蜜瓜，沾埋秘製嘅蜂蜜黃梅醬同京醬，煙韌嘅餅皮包著甜酸爽口嘅配料，唔單止解除油膩感，口感更加豐富，真係食完有滿足感啦！
【INFO】
《古琴雅苑》
地址：灣仔皇后大道東202號QRE Plaza 19樓
營業時間：星期一至日 11:45 - 15:00，17:45 - 22:00
地址：銅鑼灣波斯富街99號利舞臺廣場8樓B號舖
營業時間：星期一至日 11:45 - 15:00，17:45 - 22:00
地址：尖沙咀北京道12A號太子集團中心15樓
營業時間：星期一至日 11:45 - 15:00，17:45 - 22:00
片皮鴨推介 | 4. 海雲天
位喺九龍嘅海逸君綽酒店入面嘅「海雲天」，推出咗五星級酒店京式片皮鴨套餐，真係款款精選！每隻片皮鴨約有24片、京式手工烤餅18片，仲有青瓜條、京蔥條等等，配搭豐富！套餐唔單止有招牌片皮鴨，仲有黃金香辣蒸鮑魚、堂弄火焰牛柳粒等多款菜式，仲有蒸原隻鮮蠔可以配白酒任飲，仲有每位一煲全港首創嘅胡椒鮮蠔雞湯翅，再每位奉送D24榴槤蓉一客，真係非常抵食！
【INFO】
《海雲天》
地址：九龍紅磡德豐街20號海逸君綽酒店二樓
堂食供應時間：18:00 - 19:00
外賣領取時間：11:30 - 20:00 （15:00/17:00除外）
預訂網址: https://bit.ly/3YArz7H
片皮鴨推介 | 5. 老掌櫃東北菜館
「老掌櫃東北菜館」喺大角咀、元朗同荃灣西海之戀都各有分店，就係一間好出名嘅北京片皮鴨館，店舖天花掛滿中國特色嘅掛燈，好有北方風情。北京填鴨（半隻）$168，跟一份摩摩皮約20塊，性價比高，份量豐富，鴨皮香脆肉嫩，肉味香濃油份足夠，配以大蔥絲、青瓜同甜麵醬，口感豐富，真係好吸引！
【INFO】
《老掌櫃東北菜館》
地址：荃灣大河道100號海之戀商場2樓2006號舖
營業時間：星期一至日 11:30 - 22:00
地址：元朗西菁街23號富達廣場地下19-24號舖
營業時間：星期一至日 11:30 - 22:00
地址：大角咀嘉善街18號利奧坊地下G708-G709號舖
營業時間：星期一至日 11:30 - 15:00，18:00 - 22:30
片皮鴨推介 | 6. 新榮記
「新榮記」嘅北京烤鴨開業一年就已經開始獲得米芝蓮一星，可見其實力不容小覷。新榮記喺1995年開第一間店，喺台州起家，將獨特嘅風味帶嚟香港。烤鴨由大廚片皮，先將鴨胸嘅皮片出來，蘸點砂糖吃，酥脆可口，入口即化。其他的部位則是皮連肉嘅鴨片，片得夠薄，鴨皮烤得金黃香脆，鴨肉鮮嫩多汁，配上香甜嘅麵醬同薄薄嘅餅皮，片皮鴨$898，記得先預訂！
【INFO】
《新榮記》
地址：灣仔駱克道138號中國海外大廈地舖及1樓
營業時間：星期一至日 12:00 - 15:00，18:00 - 23:00
片皮鴨推介 | 7. 都爹利會館
中環米芝連一星中菜「Duddell’s 都爹利會館」嘅行政總廚李文龍師傅堅持以傳統手法烹調廣東菜式，從前菜、燉湯，到各種海鮮菜式，都用上上等嘅食材同精湛手藝，炮製出一系列新鮮又美味嘅米芝蓮星級菜式。片皮鴨亦係其中一款受歡迎菜式，用上愛爾蘭銀山鴨，堅持可持續農業同執著品質，被譽為鴨子界嘅「和牛」同埋「全鴨之母」。愛爾蘭銀山鴨先風乾，再喺中式燒烤爐度經烤，皮脆肉嫩又多汁，再配上傳統煎餅、秘製鴨汁佐食，真係令人回味無窮！
【INFO】
《都爹利會館》
地址： 中環都爹利街1號都爹利街一號
營業時間：星期一至六 12:00 - 15:00，18:00 - 23:00，星期日 12:00 - 15:00，18:00 - 22:00
片皮鴨推介 | 8. 麗晶軒
麗晶軒，米芝蓮星級同埋黑珍珠鑽級餐廳，被譽為全球最頂級嘅粵菜食府之一。麗晶軒有數十年研究粵菜嘅經驗、一流嘅服務同中國品茗文化，當然仲有維港迷人嘅景觀。麗晶軒所得獎項同榮譽有香港澳門米芝蓮指南 (2023、2024年)二星及黑珍珠餐廳指南 (2023、2024年)二鑽等。片皮鴨用傳統烤製方法，鴨皮薄似紙、酥脆、肉質鮮美多汁，建議分兩道菜嘗試，第一道，酥脆嘅皮搭埋薄薄嘅煎餅同精選嘅六款料，包括蔥、柚子、青瓜、紅辣椒、菠蘿同青木瓜，再加埋三款醬料，包括桂花梅醬、傳統甜麵醬同黑蒜辣椒醬。第二道菜係切碎嘅鴨肉，喺桌邊煎過再同生菜捲一齊食。呢個吃法唔算新鮮，但麗晶軒就加埋鴨肉、碎腰果同炸粉絲一齊，增加鬆脆感，令呢道菜更出色。
【INFO】
《麗晶軒》
地址：九龍尖沙咀梳士巴利道18號香港麗晶酒店地下
營業時間：星期一至六 12:00 - 14:30，18:00 - 22:00，星期日 11:30 - 14:30，18:00 - 22:00
片皮鴨推介 | 9.唐閣
香港朗廷酒店米芝蓮三星中菜食府「唐閣」由中餐行政總廚鄺偉強師傅領導超過20年，並帶領團隊屢獲殊榮，如米芝蓮二星餐廳 (2009-11, 2014-15)、美食之最大賞 (2014)及米芝蓮三星餐廳 (2016-24)。唐閣嘅片皮鴨最貼心嘅地方係佢哋會用個蒸氣爐保持餅皮溫度，包起片皮鴨嘅時候味道更勝一籌。
【INFO】
《唐閣》
地址： 尖沙咀北京道8號香港朗廷酒店1樓及2樓
營業時間：星期一至五 12:00 - 15:00，18:00 - 23:00，星期六至日 11:00 - 15:00，18:00 - 23:00
片皮鴨推介 | 10. 國金軒
米芝蓮推介當代粵菜食府國金軒，由屢獲殊榮嘅行政總廚主廚鄧浩宏師傅主理。國金軒嘅片皮鴨用桶式烤法烹製，令鴨皮金黃酥脆，肉質鮮嫩多汁。再配上新鮮青瓜同蔥絲，沾上海鮮醬，包入香軟嘅餅皮，一口落肚，味道層次分明。
【INFO】
《國金軒》
地址： 尖沙咀彌敦道118-130號美麗華廣場2期The Mira Hong Kong 3樓
營業時間：星期一至五 11:30 - 14:30，18:00 - 22:30， 星期六至日 10:30 - 15:00，18:00 - 22:30
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
