自從人大左，追劇睇野嘅時間變得少之又少，搞到小編間唔中都會忍唔住懷緬過去😫 記得細個放學返到屋企，一定喺即刻打開電視狂煲卡通同動漫🤣 第二日返學仲會繼續同朋友討論最鍾意邊個角色❤️ 圖中嘅 卡通 小編自己就大部分都講得出名，唔知各位8、90後係咪都睇過曬呢？🥳
圖片來源：網路圖片 | 摘文：candice
【11套經典卡通片】
1. 寵物小精靈系列
小智同比卡超嘅探險旅程真係睇咁多年都唔會厭，收服新精靈、認識新朋友、挑戰唔同道館，無論男女，相信大家細個睇寵物小精靈都一定會想成為精靈訓練員！順便一提，小編睇嘅年代仲係小剛小霞做女主角同男配角㗎❤️
2. 數碼暴龍
“遇怪魔我即刻變大個～”，“阿古獸進化！” 如果望到呢2句，覺得有聲同識得會心微笑嘅話，恭喜你已經暴露左年齡啦🤫 數碼暴龍作為另一套經典作，主角太一同一眾同伴以及數碼寶貝們嘅友誼真係好令人感動。實不相瞞，小編好記得大結局時仲睇到喊添😭
3. 蠟筆小新
要數最搞笑嘅童年卡通，蠟筆小新一定排第一！ 無論係小新搞怪嘅聲線定傻氣嘅言行，大家都肯定有比佢逗笑過🤣
4. 多啦A夢
其實小編細細個成日覺得自己就係大雄，讀書成績唔好、返學又成日被人取笑😢，大雄好好彩
有多啦A夢陪著，但小編就無咁嘅福分了😫 最近仲推出Stand by me 劇場版，劇情超感人😭
5. Keroro軍曹
唔知有無人同小編一樣最鍾意見到5隻軍曹圍圈共鳴呢？🤪 雖然佢地呢班“傻瓜青蛙‘本身打算黎地球“侵略藍星”🌎，但最後就同夏美、冬樹一家做左好朋友😆 故事有趣又搞鬼，都曾經瘋魔一時㗎！小編自己就私心覺得Tamama同Dororo最可愛❤️
6. 我們這一家
“別怪他～別怪他～”每次係電視聽到花師奶邊唱歌邊做家務，簡直就同自己啊媽一模一樣。至於大男人嘅花老爺同鍾意發白日夢嘅阿柑，同其他屋企人真係似到十足🤦🏻♀️ 最後慢慢發現，原來自己就係凡事都只能不停係內心瘋狂吐槽嘅阿桔😂
7. 哈姆太郎
相信無論男女細個都會睇哈姆太郎，入面各種唔同性格個倉鼠超級得意，淨係望住佢地成班fd嘅生活趣事都已經好治癒❤️，頓時覺得返學讀書無壓力🤣 正所謂：“我今日真係好開心呀，我諗聽日一定會更加開心既姐，係咪呀，哈姆太郎？”
8. 大頭狗仔隊
愛狗之人必睇的一套卡通，主要講主角同主人失散之后四處流浪😢，以回家為目標嘅故事。卡通中虽然波士頓狗狗是主角，但每只狗都有屬於自己嘅故事，有甜有苦有笑料，讓大家可以用毛孩的角度看世界🐶
9.櫻桃小丸子
同樣係一套搞笑家庭生活嘅卡通，唔少女仔都會覺得自己似小丸子。雖然好似日日都同屋企人嘈交，但如果一生人入面有個超愛錫自己嘅爺爺，超善解人意嘅閨蜜小玉，已經係好難得的小確幸了✨～
10. 邪留丸 / 反斗小王子
80後對邪留丸呢套卡通應該相對無咁陌生，主角“丸少爺”嘅大眼同老是常出現嘅電蟲都係一大標誌。劇情雖然有小小無釐頭，但丸少爺食布甸個樣同佢”呵呵呵“嘅笑聲都真係幾可愛㗎！🥰
11. 忍者亂太郎
忍者亂太郎可以算是一部題材很特別嘅卡通，雖然故事發生係日本戰國時代，劇情亦圍繞忍者生活，但就一D戰火氣息都無，主要講述主角亂太郎同2位朋友小丸、新丁喺忍者學校所發生的趣事，反而超級好笑又可愛！
相關文章：
【Pokémon 寵物小精靈】2021亞洲人氣投票！比卡超竟然三甲不入？
