24小時寵物醫院 | 有養開寵物嘅大家，絕對會擔心寵物突然病，呢個時候可能會感到手足無措！呢個Post絕對可以幫到大家，小編已經整合咗全港各區24小時寵物醫院，即刻Save低以備不時之需，咁就唔怕半夜嘅時候先嚟搵醫院咁慌張。
圖片來源：官方圖片 | 撰文：Hedy
港島區
24小時寵物醫院推介 | 1. 愛護動物協會中心（灣仔中心）
愛護動物協會中心位於灣仔，為寵物提供24小時緊急醫療服務。醫院服務由2022中因疫情而暫停，依家終於都重新開放啦！除咗有完善嘅住院及緊急護理設施，包括專為患有傳染病動物而設嘅隔離病房，亦有綜合性診斷，包括數位X光、內視鏡、支氣管鏡、心電圖和彩色多普勒超聲波等等。
【INFO】 《愛護動物協會中心》 電話：28020501（一般預約） / 27111000（緊急救助熱線） 地址：香港灣仔運盛街5號
24小時寵物醫院推介 | 2. 東區動物醫院
東區動物醫院位於筲箕灣，提供24小時獸醫服務，無論係需要進行X光、超聲波檢查、手術以及住院治療等，都可以喺呢度進行。再加上東區動物醫院可以提供唔同語言溝通，直接清晰咁同寵物主人進行對話，了解寵物嘅情況，並進行最適切嘅治療。
【INFO】 《東區動物醫院》 電話：2915 3999 地址：香港西灣河筲箕灣道256號地舖
24小時寵物醫院推介 | 3. 香港專科獸醫醫院
當毛孩喺深夜嘅時候唔舒服，大家都可以直接到香港專科獸醫醫院求診，會透過分流系統安排治療。醫院提供24小時住院和監測、靜脈輸液支持、血壓監測、輸血、氧氣支持、營養支持、疼痛管理、緊急手術程序和重症監護等服務。
【INFO】 《香港專科獸醫醫院》 電話：2408 2588 地址：灣仔道165-171號地下至2樓
24小時寵物醫院推介 | 4. 香港獸醫急症中心
香港獸醫急症中心除咗提供日間普通門診服務外，同時亦有24小時日夜急症及留院服務。急症中心亦設有外科手術、電腦斷層掃描服務、心臟及各類超聲波檢查以及加護病房等。如果寵物遇上緊急情況例如呼吸困難、持續嘔吐或中毒等情況，都可以致電香港獸醫急症中心嘅二十四小時緊急熱線。
【INFO】 《香港獸醫急症中心》 電話：2334 2334 （24小時門診）/ 6828 6620（24小時急症） 地址：香港堅尼地城卑路乍街136-142號聯威新樓地下B2-C舖
24小時寵物醫院推介 | 5. 方舟動物醫院
方舟動物醫院每日都會24小時營業，任何時間都會有專業獸醫喺醫院駐診，提供各種急救同手術服務。醫院提供全套診斷、ICU以及手術設備，更設有獨立嘅貓狗留院部以及隔離病房，為需要留院以及重症嘅動物提供舒適嘅療養環境。
【INFO】 《方舟動物醫院》 電話：2549 2330 地址：香港西營盤水街25-35號1號舖
24小時寵物醫院推介 | 6. 北角動物醫院
北角動物醫院提供寵物二十四小時護理及住院服務，包括診斷，治療，留院及手術服務等，所有常規或高級嘅外科手術都係由團隊嘅獸醫進行。當中貓同狗將分別設有獨立嘅等候區以及病房，咁就絕對可以令毛孩放鬆。
【INFO】 《北角動物醫院》 電話：2307 6622 地址：北角清華街1-3號清華大廈UG/F
24小時寵物醫院推介 | 7. 西區獸醫診所
西區獸醫診所由施明志醫生 (Dr.Smith)、姚可盈醫生 (Dr.Kate) 主理嘅貓犬動物醫院，提供一般門診、急診以及24小時住院服務。
【INFO】 《西區獸醫診所》 電話：2858 2211 地址：西營盤皇后大道西303號
24小時寵物醫院推介 | 8. 康迪亞獸醫
除咗毛孩之餘，其他動物例如龍貓、兔仔、天竺鼠（豚鼠）、倉鼠、貂鼠、龜、蜥蜴、蛇、鸚鵡等，如果唔舒服都可以去康迪亞獸醫進行24小時診症服務，為所有嘅動物提供護理服務。
【INFO】 《康迪亞獸醫》 電話：2679 1000 地址：跑馬地藍塘道5-7號低座地下及一樓
24小時寵物醫院推介 | 9. Pets Central
Pets Central北角急症醫院提供24小時服務，先會向主人進行基本問診後，就會為寵物進行基本身體檢查例如抽血等等，先會再為寵物制定適合嘅醫療計劃，務求可以一絲不茍咁照顧每一隻留院動物。
【INFO】 《Pets Central》 電話：2811 8907 地址：香港北角渣華道66號地下及70號仁和大廈1樓
九龍區
24小時寵物醫院推介 | 10. 動物醫療學會醫院
動物醫療學會醫院喺舊年正式推出24小時急症以及留院護理服務，設有獨立嘅貓狗病房以及隔離病房，又提供高端影像掃瞄如MRI磁力共振掃描及CT Scan電腦斷層掃描、心臟及各類超聲波檢查、化驗服務以及血液庫存等服務。為寵物提供最好嘅持續照顧以及護理。
【INFO】 《動物醫療學會醫院》 電話：3899 8999 地址：九龍尖沙咀東部加連威老道100號港晶中心12-17舖地下
24小時寵物醫院推介 | 11. 非牟利獸醫診所
非牟利獸醫診所提供24小時緊急醫療以及住院服務，當中包括X光、超聲波、心臟超聲波、心電圖、內窺鏡、CT SCAN以及MRI等專業服務，希望可以救助到更多動物寶貴嘅生命。
【INFO】 《非牟利獸醫診所》 電話：2393-2070 (按1字) / 5931 9764（24小時緊急熱線） 地址：九龍太子基隆街50號
24小時寵物醫院推介 | 12. 麥花臣動物診所
麥花臣動物診所設有24小時獸醫服務，咁大家就唔使擔心寵物突然病啦，診所更設有住院治療，專門醫治病情嚴重嘅動物以及手術後護理動物。
【INFO】 《麥花臣動物診所》 電話：2781 2386 地址：九龍旺角洗衣街26號地下
24小時寵物醫院推介 | 13. EC Vetcare醫思獸醫動物醫療中心24小時中心
EC Vetcare醫思獸醫動物醫療中心位於勝利道嘅24小時中心，喺5月嘅時候以全新面貌繼續為大家服務，為大家帶嚟一站式動物醫療服務。
【INFO】 《EC Vetcare醫思獸醫動物醫療中心24小時中心》 電話：2713 4155 地址：何文田自由道11號VAU Residence地下1號舖
24小時寵物醫院推介 | 14. 城大動物醫療中心
城大動物醫療中心為寵物提供24小時急症獸醫服務，一年365日都會有駐院獸醫當值，咁就可以令動物可以盡快得到治療。
【INFO】
《城大動物醫療中心》
電話：36503200（24小時急診服務）
地址：香港九龍深水埗荔枝角道339號丰匯地下至二樓
新界區
24小時寵物醫院推介 | 15. 仁德動物醫院
仁德動物醫院除咗可以治療貓狗之外，亦都接受兔仔、龍貓、水龜及小型哺乳動物求診，設有24小時診症服務，為寵物提供一般性、緊急同全面嘅照顧。
【INFO】 《仁德動物醫院》 電話：2638 2869 地址：香港新界大埔瑞安街6號
24小時寵物醫院推介 | 16. 大圍珍禽異獸及寵物醫院
新界區入面有大圍珍禽異獸及寵物醫院，為貓狗以及珍禽異獸科寵物提供24小時寵物醫院，將會有24小時當值嘅獸醫、護士以及助護幫手照顧你嘅寵物。
【INFO】 《大圍珍禽異獸及寵物醫院》 電話：2687 1030 地址：沙田大圍積信街69-75號
24小時寵物醫院推介 | 17. 維多利24小時寵物醫院
維多利24小時寵物醫院有專業以及資深醫療人員，曾經喺澳洲、英國以及香港等地工作逾30年，經驗豐富嘅醫生可以處理一般常見以及複雜嘅手術，全年無休，每日都會24小時營業。
【INFO】 《維多利24小時寵物醫院 》 電話：2477 8929 地址：香港新界元朗民合徑8號興福大廈二期地下11鋪
24小時寵物醫院推介 | 18. WeHUG新界動物醫療中心
位於元朗嘅WeHUG新界動物醫療中心為寵物提供全面醫療護理服務，當中包括24小時門診諮詢、住院以及手術等服務，可以畀動物得到最合適嘅治療。
【INFO】 《WeHUG新界動物醫療中心》 電話：3708 8770 地址： 新界元朗馬田路50號朗景臺地下1號舖
