月全食 | 可以睇到月全食嘅機會嚟啦！天文台透露若然天氣情況許可，大家都可以用肉眼喺呢一日直接觀賞成個月全食嘅過程！即刻入內文睇吓係邊一日啦！
圖片來源：Freepik、天文台 | 撰文：Hedy
相對於地球來說，月球大約每29天就會公轉一圈。當月球運行至地球嘅影子時，原本照射到月球表面嘅太陽光就會漸漸被遮擋，產生月食。而月食只會出現喺當太陽、地球以及月球恰好喺同一條直線上嘅時候，天文台宣佈香港上空9月7日（星期日）深夜至8日（星期一）凌晨將出現月全食。當月全食發生時，儘管月球完全進入地球嘅本影，但大家都可以見到暗紅色嘅地球，地球嘅本影中仍然殘留咗部份嚟自太陽嘅紅色光線！而今次月食期間月亮嘅仰角較高，若天氣情況許可，大家都可以用肉眼直接觀賞整個月全食過程，面向南至西南方冇障礙物嘅地點都適合觀賞這次月食。
月全食 | 9月7日出現月全食！
今次嘅月食將會喺9月7日夜晚11:26分開始，喺9月8日上午0:27分月球開始進入地球本影，至上午1:30分月球完全進入地球本影，即月全食開始！月全食階段歷時一小時二十三分鐘，期間月亮唔會喺視線中完全消失，而係會呈現暗紅色，咁係因為太陽光中藍色嘅波段喺經過地球大氣層時被散射，剩餘嘅紅光再被折射到月球表面上。而成個嘅月食過程將會喺9月8日上午4:57分完結。大家都可以透過網上直播觀賞今次月食過程。錯過咗今次嘅話，大家就要等到下年2026年3月3日先有機會睇到月全食！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
