黑白大廚第二季 | 相信大家都已經睇完近期熱播嘅黑白大廚，當大家仲睇緊下次去韓國預約邊間餐廳嘅時候，官方竟然已經正式宣布有第二季？黑白大廚第二季時間曝光！
圖片來源：Instagram@netflixkr | 撰文：Hedy
未睇過《黑白大廚：料理階級大戰》嘅朋友絕對要開嚟睇啦！第一季嘅黑白大廚搵嚟100位大廚進行對決，當中80位係隱藏喺民間嘅廚師，佢哋被稱為黑湯匙。而另外20位就係為人熟悉，喺業界亦攞過唔少獎嘅主廚，被稱為白湯匙，地位相對上較高。而80位黑湯匙將會先進行對決，最後被選中嘅20位黑湯匙先可以同白湯匙進行團體賽以及個人賽對決。第一季嘅更邀請咗重量級美食家白種元及韓國唯一米芝蓮三星餐廳主廚安成宰作為評判，開播之後唔少廚師嘅餐廳預約都已經爆滿，甚至預約到下年，簡直係超誇張！
黑白大廚第二季 | 黑白大廚第二季時間！
劇集自9月開播以嚟，深受觀眾嘅喜愛同支持，官方今日（15日）更正式宣布將會推出第二季，更由Studio Slam嘅金學民、金恩智和企劃莫恩雪再次聯手合作。新一季除咗會加入更多創意挑戰之外，亦會有更高水準嘅競技，大家又期唔期待呢？預計黑白大廚第二季將會於2025年下半年推出，唔知第二季會唔會繼續由白種元同安成宰做評判呢？當中亦有編劇透露有機會可以邀請到全世界最廣泛嘅料理名人Gordon Ramsay出演第二季節目？
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
