麥玲玲2025年生肖運程 | 轉眼間一年又準備過去，想知道自己2025年嘅運勢，就一定要參考吓由知名堪輿學家麥玲玲師傅所分享嘅蛇年12生肖運程！資料獲麥玲玲師傅授權，並節錄出2025蛇年生肖運程。
資料授權：麥玲玲師傅 | 撰文：Hedy
2025年蛇年將至，想知道自己或者屋企人新一年嘅生肖運程，就可以睇吓由麥玲玲師傅所分享嘅2025年生肖運程，今年又有冇犯太歲呢？整體嘅財運、事業運、感情同健康方面又會係點呢，麥玲玲師傅更有開運錦囊畀大家，即刻睇詳情！
麥玲玲生肖運程2025 | 屬蛇小心血光之災！
屬蛇嘅朋友事業運方面唔錯，不過喺犯太歲年份最好以大喜事沖喜，包括結婚、添丁以及買樓等，健康方面有「太歲」及「劍鋒」凶星飛臨 ，開車嘅朋友或者工作經常接觸機械者，需要慎防血光之災！ 另外亦有「浮沉星」，代表容易有水險，熱愛水上活動嘅朋友記得要結伴同行。
屬蛇年份：1929、1941、1953、1965、1977、1989、2001、2013以及2025
開運錦囊：
宜貼身佩戴雞形及牛形飾物助旺自身力量
龍年年底宜檢查身體，立春後則捐血及洗牙，高危活動可免則免
家宅及健康不穩之年宜主動裝修家居，亦可擺放銅製重物及白玉葫蘆以穩定運勢
麥玲玲生肖運程2025 | 屬馬大量吉星拱照
屬馬嘅朋友喺蛇年有大量吉星拱照，事業運相當唔錯。如果做嘅生意係同男士業務有關，今年都有機會財源滾滾！另外亦有「天廚星」，代表好多人請你飲飲食食，應酬頗多。而感情方面就要小心身邊短暫出現嘅桃花，另外亦要注意人際關係方面。
屬馬年份：1930、1942、1954、1966、1978、1990、2002、2014
開運錦囊：
男性貴人助力充足，亦有利出門及拓展海外業務，可望動中生財
「文昌」星駕臨有利思考及考試，進修增值正合時宜
流年大利思考創作，相關職業可更上一層樓，不妨擺放橄欖石或綠東菱水晶加強運勢
麥玲玲生肖運程2025 | 屬羊要注意家宅
由於今年冇吉星拱照，屬羊嘅朋友所有事都需要親力親為！喺兇星方面有「月煞星 」，盡量唔好同女性朋友、親戚、長輩做生意。同時亦要注意家宅，建議可以裝修屋企或換傢俬～
屬羊年份：1931、1943、1955、1967、1979、1991、2003、2015
開運錦囊：
不宜聽信小道消息投資，宜擺放紫晶再加強貴人運及財運
人際關係欠佳，亦不宜與女性合作投資，不妨貼身佩戴粉晶手串催旺人緣
家宅運受衝擊，宜為長輩裝修家居，並多作贈醫施藥或施棺善舉
麥玲玲生肖運程2025 | 屬猴小心金錢轇轕
今年猴除咗合太歲、仲有刑太歲同破太歲，係一個吉中藏凶嘅年份，不過仍有吉星拱照，容易有女性貴人星同財星相助。另外，蛇年也有「貫索」及「勾神」飛臨，要提防人事糾紛或金錢轇轕！
屬蛇年份：1932、1944、1956、1968、1980、1992、2004、2016
開運錦囊：
蛇年宜沖喜以減輕犯太歲影響，並可貼身佩戴鼠形及龍形太歲飾物開運
同輩之間較多是非及競爭，工作場所宜擺放紫晶洞以加強整體運勢
流年容易捲入金錢轇轕，若與人合作投資務必要數目分明
麥玲玲生肖運程2025 | 屬雞有機會升職加薪！
事業運今年相當唔錯，有機會升職加薪！屬雞嘅朋友今年喺感情方面可能會互相猜疑，所以記得要同另一半坦誠相向。同時亦有「官符星」， 要小心有官非訴訟。
屬雞年份：1933、1945、1957、1969、1981、1993、2005、2017
開運錦囊：
事業運順遂，任職紀律部隊或大型機構管理層更佳，宜進一步催旺流年六白星方位
疑神疑鬼之年，宜在家中擺放黑曜石提升正能量，並多做運動調整情緒
流年適合多出門走動，但不宜前往偏僻之地，不妨佩戴脈輪晶石手串鞏固氣場
麥玲玲生肖運程2025 | 屬狗容易發展新感情
今年將會係一個重新開始嘅年份，尤其喺感情運方面，喺龍年分手嘅大家，今年或有機會發展新感情。凶星方面，蛇年有「小耗」入主，雖然整體財運有進步，仍有輕微破財機會，建議可多捐款行善或者多啲買自己鍾意嘅嘢，主動「破歡喜財」 ！
屬狗年份：1934、1946、1958、1970、1982、1994、2006、2018
開運錦囊：
事業走勢扶搖直上，建議於四綠文昌星位置擺放玉石官印提升工作能力
桃花人緣暢旺，單身者宜把握機會尋覓對象，並攜帶戀愛御守掛飾提升魅力
麥玲玲生肖運程2025 | 屬豬宜多些走動
屬豬嘅朋友係12生肖入面變化最多，無論係感情運、事業運定係財運都會出現衝擊，喺蛇年宜多些走動！感情方面如果拍拖多年但未打算結婚，就容易會有分手嘅情況。今年打算投資嘅朋友都要更為穩健，講嘢都要小心得罪重要嘅人！
屬豬年份：1923、1935、1947、1959、1971、1983、1995、2007、2019
開運錦囊：
宜貼身配戴兔形及羊形生肖飾物助運
蛇年開支較大容易破財，投資須特別穩健，亦可於家中擺放聚寶盆幫助守財
長輩健康受衝擊，不妨為對方裝修家居或維修已損壞嘅電器提升運氣
立春後宜捐血及洗牙，並於家中五黃及二黑流年病星方位擺放銅器重物
麥玲玲生肖運程2025 | 屬鼠宜好好利用人脈關係
今年將會喺屬鼠嘅朋友相當唔錯嘅一年，有玉堂星、紫微星以及龍德星，代表賺錢能力強，亦有貴人星，記得要好好利用自己嘅人脈關係！不過投資方面仍要步步為營，隨時起伏較大，外遊時亦要留意天氣變化、小心行李或航班延誤。
屬鼠年份：1924、1936、1948、1960、1972、1984、1996、2008、2020
開運錦囊：
財星拱照但同時起伏較大，宜積穀防饑，不妨佩戴黃晶手串以助聚
貴人助力充足，從事前線銷售或工作需要倚靠人緣者更有得着
出門容易遇上航班延誤或水土不服等問題，宜多作準備及購買旅遊保險
麥玲玲生肖運程2025 | 屬牛要留意人際關係
嚟到蛇年將會相對上較穩定，可惜今年只有「華蓋星」一個吉星拱照，藝術才華發揮唔錯，不過今年就會較為自我中心，人際關係未如理想。凶星方面有「羊刃星」即意外受傷或開刀破相，更有「白虎星」，開車嘅朋友特別要小心！
屬牛年份：1925、1937、1949、1961、1973、1985、1997、2009、2021
開運錦囊：
人際關係不穩，有單打獨鬥之象，宜在辦公桌放粉晶擺件以提升人緣
流年容易遇上蠻不講理嘅女性或有道路意外，不妨佩戴茶晶飾物以減輕衝擊
長輩健康運較受衝擊，宜為對方裝修家居或更換家俬應驗運勢
麥玲玲生肖運程2025 | 屬虎容易獲幸福之財
喺呢一年入面，屬虎嘅朋友要小心人際關係，容易有小人！蛇年仍有吉星駕臨， 喜獲「福星」及「八座」加持，凡事將可逢凶化吉，亦容易獲得幸運之財！凶星方面則有「捲舌」、「絞煞」及「六害」入主，做事難免要來回拉鋸始能成功，亦要提防是非口舌及遭小人陷害。
屬虎年份：1926、1938、1950、1962、1974、1986、1998、2010、2022
開運錦囊：
太歲相刑及相害之年，宜貼身佩戴馬形及狗形生肖飾物助旺運勢
人際關係欠佳遭口舌纏身，宜化解流年三碧是非星之飛臨方位
流年易有幸運之財，不妨再於九紫星當旺方位擺放聚寶盆催旺財運
麥玲玲生肖運程2025 | 屬兔避免高危活動
蛇年未有偏財星或帶旺財運嘅得力吉星飛臨，做事較為順遂，加上「祿勛」吉星對正財收入有助力，各位打工嘅朋友有望升職加薪。凶星方面，蛇年也受到「天狗」、「吊客」及「災煞」影響，旅途上需要更加注意人身安全，亦要避免進行攀山、爬石、滑雪等高危嘅戶外活動，以免樂極生悲。
屬兔年份：1927、1939、1951、1963、1975、1987、1999、2011、2023
開運錦囊：
打工一族事業發展暢旺，宜於四綠文昌星飛臨方位擺放文昌塔催旺運勢
流年有利進修及升遷，不妨主動報讀在職課程或參加考核，事半功倍
易因工作沉重而壓力倍增，宜多接觸大自然減壓，並佩戴黑曜石提升能量
麥玲玲生肖運程2025 | 屬龍宜注意健康
踏入蛇年既無沖也無合，各方面嘅運勢將會有進步，整體屬平穩向前嘅年份。上年喺龍年結婚嘅朋友，容易有喜！就算分咗手嘅朋友，都容易喺呢年邂逅心儀對象 ！而蛇年亦有「病符星」飛臨，會有較多傷風、感冒等小毛病 ，同時「陌越」則係面對陌生環境所帶來嘅壓力容易因為焦慮而影響睡眠質素。
屬龍年份：1928、1940、1952、1964、1976、1988、2000、2012、2024
開運錦囊：
蛇年易有嫁娶添丁等喜事臨門，不妨進一步催旺流年九紫喜慶星加強運勢
可以在工作間擺放白水晶以穩定情緒
健康有輕微隱憂，宜多注意流年病星飛臨方位加以化解
延伸閱讀：【麥玲玲2025蛇年運程、桃花運/事業運/財運Top 3係咩生肖?!】
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
