迪士尼電影 | 今年下半年華特迪士尼將會繼續推出唔同嘅電影，當中除咗有大家最關注嘅電影《死侍與狼人》之外，同樣亦有《魔海奇緣2》以及《獅子王：木法沙》，即刻搶先睇下預告片同埋香港上映日期啦！
圖片來源：官方圖片 | 撰文：Hedy
迪士尼電影| 1.《猿人爭霸戰：猩凶帝國》
睽違7年，《猿人爭霸戰》系列全新篇章《猿人爭霸戰：猩凶帝國》，由《移動迷宮》三部曲導演Wes Ball執導，將會喺5月9日上映。故事講述凱撒死後300年，猿人亦隨之崛起，一代又一代咁繁衍。與此同時人類竟然倒退為原始狀態，甚至更被淪為低等物種，令猿人以搜捕人類為任。究竟最後猿人同人類又能唔能夠和平共存呢？
《猿人爭霸戰：猩凶帝國》預告片
【INFO】 《猿人爭霸戰：猩凶帝國》 上映日期：2024年5月9日
迪士尼電影| 2. Pixar《玩轉腦朋友2》
迪士尼同Pixar將會喺今年暑假推出《玩轉腦朋友2》，今年除咗可以繼續見到阿樂、阿愁、阿驚、阿燥同阿憎5位腦朋友之外，今年更有全新情緒角色阿焦、阿羨、阿厭、阿尷登場。轉眼間韋莉已經13歲，本來嘅腦朋友早已將韋莉嘅大腦總部打理得井井有條，不過有一日突然有清拆大隊嚟大肆裝修，迎接新嘅腦朋友，相信絕對會令大腦總部翻天覆地！
《玩轉腦朋友2》預告片
【INFO】 《玩轉腦朋友2》 上映日期：2024年7月11日
迪士尼電影| 3. Marvel Studio《死侍與狼人》
相信大家今年最想睇Marvel超級英雄電影《死侍與狼人》，最近官方亦都釋出預告片，繼續延續嘴炮、暴力血腥嘅風格，就連令一眾粉絲都好期待呀！電影由美劇《怪奇物語》同電影《爆機自由仁》嘅導演桑里維執導，電影講述死侍本來發誓唔再做超級英雄，但係「時間變異管理局」卻令死侍重返超級英雄陣地，而狼人亦都會同死侍一齊現身。除咗會交代死侍同狼人如何搭上之外，片中亦暗藏唔少Hugh Jackman過往喺《變種特攻》系列嘅經典場景同對白，電影更會出現兩位「X-MEN」？
《死侍與狼人》預告片
【INFO】
《死侍與狼人》
上映日期：2024年7月24日
迪士尼電影| 4. 《異形：羅穆盧斯》
恐怖經典再現！《異形》系列最新作品《異形：羅穆盧斯》將會係今年8月15日登場，令大家再次感受窒息恐懼感！電影將會講述一班年輕太空殖民者喺廢棄嘅太空站拾荒時，遇到宇宙入面最可怕嘅生物體。除咗喺預告畫面見到血跡斑斑嘅環境之外，更會隨時出現異形幼蟲「抱面體」突擊，等大家體驗真正嘅科幻恐怖電影！
《異形：羅穆盧斯》預告片
【INFO】
《異形：羅穆盧斯》
上映日期：2024年8月15日
迪士尼電影| 5. 《魔海奇緣2》
《魔海奇緣》以少女航海家為主角，當中Moana喺遠古嘅太平洋展開一段奇幻嘅海上旅程，途中更會遇到傳奇嘅半人半神同行，同時亦會出現巨大兇猛嘅海洋生物。震撼嘅海底奇觀加上驚險刺激嘅海上歷險，難怪會令咁多人睇！續集將會再次帶領大家同Moana、Maui以及一眾全新船員展開旅程。Moana意外接到祖先嘅召喚，必須前往遙遠嘅大洋洲危機嘅水域，開始一場前所未有嘅驚險冒險。
《魔海奇緣2》預告片
【INFO】
《魔海奇緣2》
上映日期：2024年12月5日
迪士尼電影| 6.《獅子王：木法沙》
真人版《獅子王：木法沙》為迪士尼《獅子王》前傳，而今次電影將會講述關於辛巴嘅爸爸、年青時代嘅木法沙成王之路。
《獅子王：木法沙》預告片
【INFO】
《獅子王：木法沙》
上映日期：2024年12月19日
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
