香港迪士尼樂園20周年 | 香港迪士尼樂園將會喺今個夏天同大家一齊慶祝成立20周年，一眾迪士尼朋友除咗會換上華麗派對新裝之外，仲有最大型嘅花車巡遊表演，即刻入內文睇詳情啦！

圖片來源：官方圖片 | 撰文：Hedy

香港迪士尼樂園度假區20周年奇妙派對，將會喺今年夏天展開，當中更特設三大重點慶祝表演，全新週年限定城堡演出、「Friendtastic!」巡遊表演以及「迪士尼星夢光影之旅」20 週年限定版！米奇與好友將聯同 Duffy與好友齊齊換上全新20週年限定服裝亮相，大家記得要去影相啦～

  • 全新週年限定城堡演出

米奇與好友、Duffy與好友及迪士尼公主將組成迪士尼星級陣容，齊集於奇妙夢想城堡前，以全新嘅週年限定城堡演出歡迎各位賓客。呢場日間演出將集合強勁節拍及音樂、精彩舞蹈以及盛大嘅舞台效果，等大家都可以齊齊投入活力四射嘅氣氛入面！

全新嘅週年限定城堡演出（圖片來源：官方圖片）

  • 「Friendtastic!」巡遊表演

香港迪士尼開幕以來最大型嘅全新巡遊表演「Friendtastic! 」將會登場，11架派對巡遊花車，以及 11 組迪士尼朋友將一齊矚目登場，配上目不暇給嘅特色裝置同富節奏感嘅音樂，盡情狂歡！

最大型巡遊表演！（圖片來源：官方圖片）

  • 「迪士尼星夢光影之旅」20週年限定版

日間有巡遊花車，而晚間就有「迪士尼星夢光影之旅」20 週年限定版，當中將新增更多迪士尼故事片段、首度將沉浸式投影延伸至整條美國小鎮大街，以及全新嘅無人機表演，結合璀璨嘅光影同迪士尼魔法，帶畀大家最難忘嘅回憶～

20週年限定版！（圖片來源：官方圖片）
【INFO】
《香港迪士尼樂園度假區20周年奇妙派對》
日期：待公布

——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk