想玩過山車唔一定去主題樂園，喺Office都可以玩到？瑞典創意工作室PJADAD打造一座室內過山車，等大家工作忙碌想減壓時都可以隨時玩，再激發大家嘅創意力，非常有趣！即睇內文了解詳情啦！
圖片來源：PJADAD｜撰文：Sharon
瑞典創意工作室PJADAD打造一座室內過山車「The Frontal Lobe」，整座過山車長約60.96米，最大高度接近3.048米，紅色嘅鋼軌蜿蜒曲折，穿越整個辦公室，有機會仲可以同其他同事say個hi！
工作室希望透過呢個過山車，令大家明白只要你專注於一個想法，無論幾特別嘅事物都可以成為非凡嘅嘢，同時擺脫AI數位創作，希望能創造引起情感共鳴嘅體驗，讓大家知道AI技術雖然方便，但亦扼殺緊人類嘅創造力！！
「The Frontal Lobe」經過200次修改終於完成，專業嘅3D彎管技術加快咗建設時間。另外，為確保員工嘅安全，會清掉所有擋路嘅燈同管道，仲會喺車上安裝雙煞車系統，防止猛烈煞車時造成扭傷。最重要係團隊為過山車安裝咗一個鈴，每次有人要乘搭時，成間Office都會聽到，就會知道有人坐緊過山車。辦公室過山車已向公眾開放，有機會去瑞典旅行嘅朋友，不妨考慮去參觀！
如果香港辦公室都有，大家又會唔會想玩呢？
【INFO】 《The Frontal Lobe》 地點：Lövholmsvägen 18, Liljeholmen, Stockholm
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
