6月好去處｜放假仲未諗到去邊度玩？小編已經幫大家精選咗6月好去處推薦，無論係想去行展覽、期間限定店定係唔同嘅親子好去處都應有盡有，即刻入內文睇詳情喇！
圖片來源：官方圖片 | 撰文：Hedy
1. adidas FIFA世界盃26™ The Yard
由即日起至6月24日，「adidas FIFA世界盃26™ The Yard」正式登陸尖沙咀海港城海運觀點，只要登記成為adiClub會員就可以免費入場。現場設有五大FIFA世界盃主題展區，網羅眾多焦點，包括4米高世界盃巨型足球裝置、歷代及本屆世界盃球衣展覽、各式各樣嘅遊戲及體驗攤位、週末舉行三人足球The Yard Cup 2026公開賽等，集展覽、打卡、娛樂、足球體驗和現場觀賽於一身！絕對要嚟感受吓～
【INFO】 《「adidas The Yard 2026 」》 日期：即日起至2026年6月24日 時間：12:00至21:00 地點：九龍尖沙咀廣東道3-27號海港城海運觀點碼頭頂層 入場費用：adiClub 會員免費進場，公眾可即場透過adidas App或網站免費登記成為會員
2. 沙田新城市廣場【Legend Unfold・一「足」即發】
沙田新城市廣場由即日起呈獻大型足球主題企劃【Legend Unfold・一「足」即發】，以三大全港獨家焦點活動聯手上演「帽子戲法」，包括：① 聯同國際足協 (FIFA)全球合作夥伴 Visa打造嘅《Tap In with Visa「足」動全城互動體驗館》，結合人工智能科技昇華足球互動體驗，全面引爆盛夏足球熱浪；②《巔峰對決・直擊傳奇》嘉年華現場直播25場矚目賽事，全面緊貼焦點戲碼； ③ LEGO®《拼出足球傳奇》展覽暨期間限定店，首次展出由本地著名樂高®專業認證大師（LEGO® Certified Professional）洪子健 Andy Hung動用超過15萬LEGO® 顆粒拼砌嘅3米高巨型大力神盃裝置。
【INFO】 《LEGO®《拼出足球傳奇》展覽》 日期：即日起至2026年7月19日 時間：10:00至22:00 地點：1期3樓中庭(主場景) 、1期UB樓層Play Park (其他場景)
3. 奧海城「Goal Together 全城開波」
奧海城設430吋巨型大電視及人造草地，等大家都可以盡情投入體壇盛事！商場今屆更以「經典 × 新興」為主題，揉合懷舊與創新元素。場內設置巨型經典「西瓜波」、西瓜波波池及球場主題打卡位，打造沉浸式足球氛圍。另外，大家仲可以免費任玩桌上足球機、桌下足球、氣墊足球以及足球康樂棋等。想睇波嘅朋友，商場更特設「早場親子專區」，提供家庭座位及打氣物品！
【INFO】
日期：即日起至2026年7月20日
地址：香港九龍大角咀海庭道18號
4. MATCHWORNSHIRT x MATCHLEGACY x Festival Walk: Icons of the Pitch
由即日起至7月26日，MATCHWORNSHIRT x MATCHLEGACY x Festival Walk: Icons of the Pitch登陸又一城，展出總值逾150萬至200萬港元嘅球星實戰戰衣，絕對係球迷潮聖必到嘅地方！當中最受矚目嘅焦點，莫過於 Cristiano Ronaldo（C朗）於 2022 年卡塔爾世界盃八強戰對戰摩洛哥時所穿著嘅實戰球衣，該珍藏為全球首次公開展出！
【INFO】 《MatchWornShirt x MATCHLEGACY x Festival Walk: Icons of the Pitch.》 日期：即日起至2026年7月26日 時間：11:00至21:00 地址：又一城LG2層
5. 米奇與好友LifeLike FOOTBALL & GOAL期間限定店
LifeLike FOOTBALL & GOAL期間限定店將會由6月9日至6月24日期間，於MOKO新世紀廣場中庭舉行，米奇與好友齊齊化身超萌足球名將，齊齊掀起全港足球熱潮～坐鎮於場地中間嘅鋼⽛與⼤⿐，絕對係可愛得嚟又吸睛！佢哋分別換上藍隊以及淡藍隊嘅特製迷你足球背心，喺45:00嘅電子計分牌前面擺出經典慶祝動作，真係超得意呀！為咗帶畀大家最極致嘅足球氣氛，展位柱⾝嵌⼊「⽴體真⾜球」視覺裝置，營造出強烈且具衝擊⼒嘅動感。大家仲可以同米奇及唐老鴨嘅人形立牌一齊影相～今次活動推出超過50款量身打造嘅獨家限定精品，當中有全港極限量100隻嘅迪士尼主題連運動巾小袋套裝，超萌角色加上吸水運動面巾，絕對係運動必備！同場亦有主題足球球衣、Cap帽、刺繡章及運動連動襪、襟章、紀念旗、一次性相機以及⽴體吊飾等。凡於期間限定店購物滿港幣$388，即可免費獲贈會場限定「超大輕身防水購物袋」乙個。
【INFO】 《LifeLike FOOTBALL & GOAL期間限定店》 日期：即日起至2026年6月24日 時間：11:30至21:30 地址：MOKO 新世紀廣場MTR/F 中庭（旺⾓太⼦道西193號）
6. 《守護甜心！》限定店
LCX由即日起至7月12日期間，隆重呈獻全港首個《守護甜心！》主題活動「Shugo Chara! in HONG KONG」，以「My Heart, Unlock！」為主題 ！活動特設多個經典動畫打卡場景、逾50款首發嘅周邊商品限定店、收藏卡企劃及多重購物禮遇 ！位於LCX正門嘅重點裝置「My Heart, Unlock! 心靈之牆」 震撼登場，展區中心以極具代表性的紅黑格紋心型牆為背景，由主角日奈森亞夢領銜，率領聖夜學園「守護使者」 —— 相馬空海、邊里唯世、藤咲撫子及真城璃茉，迎接各位。而牆上佈滿咗各式各樣嘅守護蛋，守護單精靈牆展示咗16隻心靈之蛋。大家只要打開心靈之蛋，就能看見相應嘅守護甜心，當中包括主角亞夢那四位性格迥異嘅守護甜心——小蘭、美琪、小絲及方塊、以及相馬空海、邊里唯世、藤咲撫子及真城璃茉等守護使者嘅守護甜心。 牆上更特別穿插象徵失去勇氣而黑化嘅「惡蛋」（壞蛋），瞬間勾起粉絲對亞夢奮力拯救他人心靈、高喊「Unlock」嘅經典回憶。
場內更同步開設全港首個《守護甜心！》期間限定店，集結逾50 款精心打造嘅官方精品，由時尚配件、盲盒收藏到時下流行嘅穿搭單品都一應俱全！期間限定店將會分兩大階段推出唔同系列精品，首波主打多款時尚穿搭配件，包括以亞夢的守護甜心為設計靈感嘅髮夾、收藏控愛不釋手嘅精靈守護蛋毛絨盲盒及角色亞克力立牌等 。第一階段精品發售 為2026年6月13日起，而第二階段精品發售則為2026年6月27日起！
【INFO】 《LCX【《守護甜心！》限定店】〉 開放日期：即日起至2026年7月12日 營業時間：10:00至22:00 地址：尖沙咀海港城海運大廈三階 LCX正門
7. MegaBox X 隊長小翼呈獻《初夏足球祭》
由即日起至7月19日MegaBox聯乘動漫《足球小將》熱血呈獻《初夏足球祭》，MegaBox地下中庭將化身為充滿熱血鬥志嘅綠茵賽場，仲有5大打卡位以及一系列南葛隊獨家精品換領，粉絲們絕對係必入手！5米高超巨型大空翼與日向小次郎人偶霸氣空降MegaBox地下中庭，眼神充滿鬥志與力量，氣勢十足！現場更展出南葛隊與東邦隊嘅球衣，IG-able球隊更衣室打卡位！無論係足球高手抑或新手，均可以喺巨型足球機親身體驗踢出屬於自己嘅射球，贏取獨家禮品。更配備多款隊長小翼經典場景嘅專屬相框，讓你瞬間穿越到《足球小將》角色盡情合照。MegaBox推出一系列南葛隊獨家精品換領，當中包括「南葛斜揹萬用袋」、「南葛皇牌戰靴收納袋」、「南葛Tote bag」、「球衣磁石便利貼套裝」、「球場戰術筆記簿」等精品，絕對要成SET儲齊～
【INFO】 《MegaBox X 隊長小翼呈獻《初夏足球祭》》 日期：即日起至2026年7月19日 地址：MegaBox 地下中庭
8. Our Toy Stories @海港城
海港城將會喺6月19日至8月31日，化身以《反斗奇兵5》為主題嘅盛大派對——「FOREVER TOYS@海港城」！《玩具對科技》遊戲室設於海運大廈露天廣場，入口設有超過2米高嘅巨大版胡迪、翠絲以及紅心雕塑。而AIA反斗好友打卡位則設於港威商場廣東道入口，大家可以同胡迪、翠絲及莉莉平板打卡。只要喺現場完成任務，即可免費換領高達HK$150禮遇。借用神秘道具同裝置合照並上載於個人社交媒體，加上活動指定標籤，更可以換領獨家反斗奇兵限量禮品一份～全港唯一官方The Forever Toy House反斗奇兵5期間限定店將於海運大廈地下展覽大堂盛大登場。期間限定店匯聚超過30個國際及本地人氣品牌，帶嚟逾800款主題精品，包括珍藏級玩偶、潮流配飾以及生活用品等。現場更有多款首發新品以及會場限定商品。場內更特設Snapio限定主題自拍亭，等大家都可以紀錄低呢個美好時刻～嚟緊仲有一連串嘅迪士尼與彼思主題活動正在籌備中，更多大型主題裝置及互動體驗將陸續進駐海港城，包括海運觀點及海港城美術館等，記得去打卡喇！
【INFO】 《Our Toy Stories @海港城】〉 日期：2026年6月19日至8月31日 地址：海運大廈露天廣場、海運大廈地下展覽大堂、海運大廈地下中庭及港威商場廣東道入口
9. 邂逅蒙娜麗莎．文藝復興的再現
由香港文化博物館與法國五月藝術節聯合籌劃嘅《香港賽馬會呈獻系列︰邂逅蒙娜麗莎．文藝復興的再現》，，展覽分為「邂逅蒙娜麗莎」及「文藝復興的再現」兩大部份。展覽分別為由羅浮宮博物館與大皇宮沉浸式展覽館聯合製作嘅《邂逅蒙娜麗莎》沉浸式旅程，以及由法國國家文藝復興博物館、意大利昂布羅修藝術博物館及大皇宮國家博物館聯盟為香港精心策劃嘅《文藝復興的再現》展覽。展覽以以李奧納多．達文西嘅名作《蒙娜麗莎》為主軸，透過為香港文化博物館全新製作嘅多媒體節目及互動裝置，為觀眾提供沉浸式參觀體驗，穿越時空探究《蒙娜麗莎》背後嘅非凡故事。「邂逅蒙娜麗莎」部份將「蒙娜麗莎」跨越五百多年嘅非凡經歷編寫成六個章節，並由「她」親自介紹達文西這幅受委託而繪畫，卻至臨終時仍未能完成交付嘅肖像畫。同時大家更可用全方位感官體驗，解構名畫及那抹微笑背後嘅神秘故事。展覽設有六個沉浸式體驗，包括全景式肖像及風景投映、介紹達文西繪畫技法嘅多媒體互動裝置、充滿趣味的遊戲以及沉浸式攝影場景，等大家行入《蒙娜麗莎》嘅世界。「文藝復興的再現」部份精選來自法國及意大利多間著名文博機構嘅藝術珍品，當中包括四張彌足珍貴嘅達文西手稿，通過繪畫、版畫、雕塑、工藝美術以至日常用器等藝術作品。除此之外，香港文化博物館三件精選館藏以及內地藝術家徐累嘅繪畫亦會一併同場展出，等大家可以欣賞呢啲文藝復興時期嘅藝術品。
【INFO】 《邂逅蒙娜麗莎．文藝復興的再現》 日期：即日起至2026年7月27日（星期二休館） 時間：10:00至18:00 地點：新界沙田文林路1號香港文化博物館一樓專題展覽館三、四及五 票價：免費入場
10. 園美生活——中外園林藝術
香港藝術館將會喺4月舉辦「園美生活──中外園林藝術」展覽，當中最吸引嘅絕對係大家喺香港都可以睇到莫奈《睡蓮》以及《睡蓮池》，近距離欣賞其筆下嘅名畫～展覽首度喺香港匯聚北京故宮博物院、美國芝加哥藝術博物館、法國凡爾賽宮及香港藝術館合共106件套精選畫作和文物，以造園、遊園、賞園為軸，帶領觀眾參觀清帝乾隆、法國國王路易十四等王公貴胄嘅豪華花園，漫遊克勞德・莫奈、張大千及文徵明等文藝大師筆下嘅浪漫庭園！
【INFO】
《園美生活──中外園林藝術》
日期：即日起至2026年7月29日
地點：香港藝術館2樓專題廳
費用：免費
11. 古埃及文明大展——埃及博物館珍藏
由香港故宮文化博物館與埃及最高文物委員會合辦，「古埃及文明大展：埃及博物館珍藏」由即日起至2026年8月31日於香港故宮文化博物館登場！今次嘅展覽係香港近數十年來規模最大、最全面嘅古埃及珍寶展覽，當中有近250件來自埃及國家博物館、盧克索博物館等七間重要埃及博物館嘅珍貴藏品，有唔少展品更係首次離開埃及展出。展覽分為四大單元，包括「法老的國度」、「圖坦卡門的傳奇」、「薩卡拉的秘密」以及「古埃及與世界」。博物館運用創新的策展方法，配合數碼技術同沉浸式展示方法，生動有趣地展示古埃及文明輝煌的成就，同大家一齊探索古埃及文明嘅奧秘！
【INFO】 《古埃及文明大展：埃及博物館珍藏》 日期：即日起至2026年8月31日 時間： 星期一、三、四及日10:00至18:00； 星期五、六及公眾假期10:00至20:00； 星期二 (公眾假期除外) 、農曆年初一及年初二休館 地點：香港故宮文化博物館展廳9
12. 設計啊！感受日常設計之奇妙
今次唔使飛日本竟然都可以喺香港睇到日本超人氣展覽《設計啊！感受日常設計之奇妙》！M+舉行嘅「設計啊！」展覽係以TOKYO NODE嘅展覽為藍本，並與NHK Education和NHK Promotion製作。同時呢個大獲成功嘅展覽源自於日本放送協會（NHK）嘅日本兒童教育電視節目《Design Ah！neo》，節目曾獲多個國際獎項。今次更係日本以外首個地方舉辦，超值得大家入場睇！展覽圍繞10個同日常行為息息相關嘅動詞主題，帶大家去探索當代設計點樣影響我哋嘅日常行為，例如係行路、食嘢以及坐低等等嘅方式。部分展品內容更呼應香港嘅視覺環境同飲食文化，等大家都可以體驗呢個展覽設有可動手玩嘅遊戲、互動裝置以及沉浸式視聽室，適合闔家觀賞同體驗！即刻趁6月得閒嘅時候，一齊嚟感受沉浸式展覽，相信大家睇完都會忍唔住發出「啊」嘅一聲！超驚艷！
【INFO】 《設計啊！感受日常設計之奇妙》 展覽日期：2026年6月27日至2027年1月10日 時間：星期二至四、星期六及日10:00至18:00 星期五10:00至22:00（星期一休館） 地點：西九文化區M+地下大堂展廳 票價：港幣$190 立即購票：https://bit.ly/4xbNUYe
13. 白鷺湖腳踏船
由6月13日開始，白鷺湖腳踏船服務將會喺週末重新開放。大家都可以喺平靜嘅湖面上漫遊，飽覽全角度翠綠山景，帶埋小朋友一齊嚟仲可以享受家庭樂，放假都可以Chill到爆！$100就可以踩足20分鐘，即刻約埋朋友一起嚟吹住微風，捕捉最浪漫嘅湖光山色！玩完仲可以去餐廳嘆埋個精緻料理，完美享受你嘅 Weekend Getaway。
【INFO】
《白鷺湖腳踏船》
日期：2026年6月13日（逢星期六及日）
時間：11:00至18:00
費用：
標準收費：$100 / 20分鐘(每船)
餐廳貴賓專享：優惠價 $80 / 20分鐘
活動查詢: 2657-6657(WhatsApp）
14. Pixar Summer Fest
由即日起至8月31日，香港迪士尼樂園度假區呈獻首個Pixar Summer Fest，大家將會喺樂園見到唔同Pixar好友，包括《反斗奇兵》、《玩轉腦朋友》、《超人特工隊》、《沖天救兵》、《熊抱青春記》、《玩轉極樂園》及《勇敢傳說之幻險森林》，隨時都可以喺樂園周圍同佢哋見面！同時大家仲可以喺動畫藝術教室親手畫出《反斗奇兵》角色～入迪士尼絕對唔可以錯過全新嘅 「Pixar好友星空匯演」！喺每晚「迪士尼星夢光影之旅」夜間匯演前上演嘅全新「Pixar好友星空匯演」，絕對係最焦點嘅節目！呢場光影交織嘅夜空匯演，結合埋無人機表演以及奇妙夢想城堡同美國小鎮大街上嘅投影，絕對係超唯美！透過璀璨視覺、音樂同說故事嘅效果，帶大家細味動人Pixar故事！今個夏天Pixar水花大街派對清爽回歸，大家都可以邊投入呢個水花四濺嘅熱鬧派對，邊喺炎炎夏日入面降溫。大家仲可以同喺「迪士尼好友巡遊派對」入面登場嘅Pixar好友齊齊唱歌跳舞～另外，迪士尼推出多款Pixar主題嘅美食，無論係造型趣緻嘅小食定係打卡必備嘅軟雪糕都應有盡有，包括三眼仔爪爪手工批以及彈弓狗蛋卷等。仲有唔少Pixar主題商品，有齊頭箍、毛公仔、服飾及文具。就連深受大家鍾意嘅奇妙護照即將推出全新 Pixar特別版，等大家齊齊喺樂園發掘唔同玩法。
【INFO】 《Pixar Summer Fest》 日期：即日起至2026年8月31日 時間：請參閱樂園官方網站 地址：離島大嶼山香港迪士尼樂園度假區
15. 泡泡星球沉浸式體驗展
全球人氣展覽泡泡星球沉浸式體驗展將於6月29日起進駐啟德郵輪碼頭，場地佔地27,000呎，設有11大主題展區，包括巨型泡泡海洋、鏡面光影空間及VR奇幻之旅，等大家齊齊走進夢幻宇宙世界當中。泡泡星球沉浸式體驗展曾喺紐約、倫敦、新加坡等地舉行，並吸引超過500萬人次入場。場內嘅展區結合科技同夢幻泡泡元素，帶嚟不一樣嘅感官探索！當中最吸睛一定係「泡泡海洋 Bubble Ocean」，有巨大泡泡池，可以喺度感受到深層嘅放鬆與寧靜。「無限空間 Infinity Room」利用鏡面幻覺與不斷變幻嘅光影效果，營造出一個無邊際嘅奇幻世界，打卡一流！「水底泡泡 Underwater Bubbles」透過投影技術模擬深海潛水，感受被無數升騰氣泡環繞嘅感覺。另外，喺「VR虛擬實境體驗」大家仲可以戴VR裝置，以泡泡為視角展開超現實旅行，重新點燃內心深處嘅童心！門票售價方面，兒童票起價170港元，成人票起價210港元。2歲及以下兒童可免費入場。有興趣嘅朋友記得去官網預訂門票啦～
【INFO】 日期：2026年6月29日起 開放時間： 星期一至星期四及星期日： 10:00–19:00（最後時段：18:00） 星期五及星期六： 10:00–20:00（最後時段：19:00） 票價：兒童票起價170港元，成人票起價210港元。（2歲及以下兒童可免費入場） 地址：九龍城承豐道33號啟德郵輪碼頭二樓 訂票網址：https://bit.ly/41uW4g1
16. 大尾篤恐龍水上樂園
想帶小朋友放電加消暑，就一定要嚟大尾督人氣BBQ場繁星燒烤(大埔) 。4萬呎嘅空間將會由6月13日至9月13日起，變成夏日限定嘅恐龍水上樂園！有齊五大水上主題區等小朋友盡情嬉水之餘，仲有30+甜品輕食任食，玩到攰就可以補充體力！現場仲設有免費設施，包括包括淋浴間、置物櫃及泊車位（數量有限，先到先得）， 絕對係夏日必到嘅好去處～佔地4萬呎嘅恐龍水上樂園，以恐龍世界為設計藍圖，重現電影般嘅歷險場景。五大水上主題區包括 「穿越恐龍世界」、「恐龍的奇幻樂園」及「海盜船及鯨魚之旅」 等，令小朋友彷彿置身恐龍時代！場內設有唔同刺激程度嘅充氣滑梯，更佈置出 「迷宮障礙區」 ，等大家穿越重重關卡。同場更有深受小朋友歡迎嘅 「泡泡大戰」，不定期噴出漫天綿密嘅白雪泡泡，伴隨動感水花。為咗迎合唔同年齡層嘅小朋友，更設置船池、爬爬池等較低刺激性嘅充氣設施！「大尾篤恐龍水上樂園 」 將玩水同美食完美結合！！「輕食放題+水上樂園」6月份將會推出開季優惠，小童優惠價由$117起(一位)、成人優惠價由$168起(一位)！ 樂園喺每日下午5時前將無限量供應超過30款美食！
【INFO】
《大尾篤恐龍水上樂園 Jurassic Water Park 資訊》
活動日期：2026年6月13日至9月13日
活動時間：
星期二至五：14:00至22:00（星期五及假期前夕營業時間延至22:30)
星期六、日及公眾假期：13:00至23:00
水上樂園設施開放至21:00（星期六日及假期至21:30）；17:00後部分設施因清潔局部關閉
（逢星期一休息）
地址：繁星燒烤(大埔) 大尾篤汀角路202號
交通：大埔墟港鐵站轉乘75K巴士或20C小巴，於汀角／汀角村站下車
網上預約：https://bit.ly/4e6BmZz
預約及查詢：9509 4385 (WhatsApp)
收費及優惠注意事項：
– 小童收費適用於身高90cm至139cm之小童
– 身高不超過90cm幼童免費入場
– 輕食甜品放題供應至下午5:00，燒烤為晚間時段另行收費項目
– 所有食物只限內用不可帶走，請勿浪費食物，剩餘食物或會收取每1克$1附加費
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
