美食博覽2024 | 今年嘅美食博覽將會由8月15日開始，一連5日喺灣仔會議展覽中心舉行，場內亦有$1超抵優惠，隨時用$1帶走500罐鮑魚！仲有瑞士汁豬手以及金沙蝦子麵禮盒等，仲有唔少福袋等緊大家，即睇會場有咩最抵買！
圖片來源：Facebook@On Kee Dry Seafood Company Limited 安記海味有限公司、HKTDC香港貿發局、Chaaya Group 卓亞國際食品、鷹金錢、酒魂株式会社 WineSpirit.com.hk、天饌、壽桃、HKTVMALL | 撰文：Hedy
想用$1掃走最多優惠產品，就一定要嚟臨今年嘅香港貿發局美食博覽，場內設有美食博覽公眾館以及尊貴美食區，同場更有家電‧家居‧博覽及美與健生活博覽，等大家可以一次過行晒咁多展覽～只要預先喺8月14日之前購買預售門票，每位都只係$36，足足比起正價平咗$4！
美食博覽2024優惠 | 1. $1「蟹」逅鮑魚（首日頭九位入場人士）
安記海味有限公司（1D-C10展位）推出$1「蟹」逅鮑魚活動，只要首日（8月15日）頭九位喺場外排隊購票入場嘅人士，就可以用$1參加遊戲！每3人為一組，需要喺30秒入面擲鮑魚，最高分組別就可以獲得500罐即食溏心鮑魚，就算輸咗都可以得到150罐！同場亦有$100專區，等大家掃走一大堆精選食物！
美食博覽2024優惠 | 2. $1紅燒鮑魚（每日限量30份）
只要嚟喜樂仕有限公司 （1B-C17展位）購買任何產品，就可以用$1換購紅燒鮑魚一罐，每日限量30份！佢地仲新推出咗紐西蘭野生鮑魚，每隻重100克，超吸引！
美食博覽2024優惠 | 3. $1原隻瑞士汁豬手/ $1 慢熬松茸濃湯鮑翅（首日限量20盒）
首日入場嘅朋友有福啦，只要首日去到天慧環球食品有限公司（1A-B06展位），就可以用$1優惠價帶走原隻德國瑞士汁咸豬手以及$1慢熬松茸濃湯鮑翅，淨係得首日限量20盒，先到先得！
美食博覽2024優惠 | 4. $1法式油封鴨髀（限量10隻）
就算第一日入唔到場嘅朋友都唔緊要！Gooday Productions Limited（1A-A26展位）每日都會推出限量10隻嘅法式油封鴨髀，每隻都只係$1，入場必定要去買。
美食博覽2024優惠 | 5. $1黑魚片、脆肉鯇、皺紗魚腐、水煮魚醬包（限量100份）
想用$1買到最多嘢，絕對唔可以錯過卓亞國際食品有限公司（1B-A22展位），由每日嘅10點到12點，都可以用$1分別帶走脆肉鯇200g、鯪魚球200g、皺紗魚腐150g以及水煮魚醬包，每款都只係$1，限量100份！如果大家想買走$1黑魚片，就記得要喺2點至4點期間過到嚟展區！
美食博覽2024優惠 | 6. $1金沙蝦子麵禮盒
每日朝早10點嚟到壽桃（1E-A02展區），就可以用$1買金沙蝦子麵禮盒，限量30盒！同場亦有$10蚊激賞優惠，只要喺壽桃攤位購買任何產品，即可加$10換購蛋炒麵及炒麵頭抽套裝一套。
美食博覽2024優惠 | 7. $1豆豉鯪魚罐頭
由8月15日至8月17日，大家都可以用$1買走金錢小魔罐豆豉鯪魚（100克），不過就要直接喺遠大貿易有限公司（1A-C02展位）買夠一箱24罐，總共就係$24！
美食博覽2024優惠 | 8. $1咖喱粗醬（每日限量18樽）
唔少香港人都鍾意食咖哩，而家只要到便食部落有限公司（1A-A07展位），用$1就買到咖哩粗醬，無論喺拌麵同拌飯都相當啱用！而且每日限量18樽，由3點開始至5點就可以搶購！
美食博覽2024優惠 | 9. $1雞胸午餐肉串（每日限量40串）
相信有健身嘅大家都會食雞胸，入到美食博覽就要去營美健有限公司（3D-A25展位），就可以用$1優惠價食雞胸午餐肉串-「餐餐肉」串。每日將會有40串畀大家購買，分別將會喺1點以及3點各賣20串！
美食博覽2024優惠 | 10. $1飲大吟釀（限量50杯）
鍾意飲大吟釀嘅朋友仔，就要去酒魂株式會社（3B-C01展區）用$1試飲到50ml指定大吟釀作品！只限8月16日至18日，由夜晚7點到9點開賣，限量50杯，每人限買一杯，售完即止！
美食博覽2024優惠 | 11. $1榴槤果蓉日式銅鑼燒
帝一榴（1A-B20展位）推出$1搶購夾有榴槤果蓉嘅日式銅鑼燒，限量100份，同場更有$1試食活動，鍾意榴槤嘅大家絕對要去！
美食博覽2024優惠 | 12. $1 4個杯麵 / $1阿華田即沖麥片早餐杯
無論係公司定屋企都絕對要擺定啲杯麵喺度，高格行有限公司（1C-A28展區）推出$1買4個Thai Chef MAMA杯麵以及$1阿華田即沖麥片早餐杯，限量50份！
【INFO】 《美食博覽2024》 日期：2024年8月15日至2024年8月19日 時間：10:00至22:00 地點：香港灣仔博覽道一號香港會議展覽中心 門票價錢：$10起 購買門票：於 BoC Pay (e-Payment Sponsor) 、 AlipayHK、01 空間電子門票銷售平台、 全線 7-Eleven 及 Circle K 便利店及八達通 App 有售，或於會場入口收費站以AlipayHK、或八達通即時付費入場。
延伸閱讀：【 暑假21大好去處、巨型充氣彈床/玩水放電一流！】
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
