8月好去處2024 | 踏入暑假嘅最後一個月，爸爸媽媽又諗好放假帶佢哋去邊度玩未呢？ 小編已經幫大家整合咗今個暑假好去處，仲有成20多個活動，等各位父母都唔使再頭痕，除咗有小朋友鍾意嘅充氣彈床之外，仲可以一齊玩水放電，過一個開心嘅暑假！
圖片來源：官方圖片 | 撰文：Hedy
暑假好去處2024 | 1. 「遊戲王公式卡片遊戲決鬥怪獸」T.O.P
今年係《遊戲王》卡牌遊戲問市25週年，旺角T.O.P This is Our Place（T.O.P）舉辦「遊戲王公式卡片遊戲決鬥怪獸」。必定要去5大卡牌展區打卡，當中包括六米長卡牌展示牆、約三米高「青眼の白龍」主體裝置及兩米高「千年積木」！同場更有多款限量商品如遊戲王 – 幻神 – 特別卡片套組（不鏽鋼製）等發售！記得要玩埋「T.O.P最Firm反應挑戰站」贏取PS5遊戲主機及人氣禮品！
【INFO】 《「遊戲王 公式卡片遊戲 決鬥怪獸@ T.O.P This is Our Place」》 日期：2024年8月12日至2024年9月30日 地點：旺角彌敦道 700 號 T.O.P This is Our Place
暑假好去處2024 | 2.《蠟筆小新劇場版：我們的恐龍日記》期間限定店 沙田新城市廣場
2024年全新劇場版《蠟筆小新劇場版：我們的恐龍日記》將於8月9日正式上映。而新城市廣場除咗會有期間限定店之外，大家仲可以見到以電影為主題嘅4米「巨大化」恐龍小新吹氣裝飾，就連小新吉祥物都會喺週末同小朋友見面，鍾意蠟筆小新嘅粉絲們一定要去～
【INFO】
《蠟筆小新劇場版：我們的恐龍日記》期間限定店
日期：即日起至2024年8月31日
時間：11:00至21:00
地點：新城市廣場一期5樓（鄰近izzue）
暑假好去處2024 | 3. The ONE x 山下菓子PEANUTS™ 多巴胺夏日
今個夏天俏皮嘅Snoopy同埋Olaf將會同大家玩轉沙灘派對，當中更有5大夏日繽紛色系嘅打卡位，一定要同2米高「Chill歎」Snoopy以及慵懶Olaf影相～同場有馬卡龍色療癒毛公仔打卡牆，影相一流！現場玩遊戲更可以獲得多款Snoopy禮品，唔滿足嘅仲可以入手埋超過200款限定嘅精品，當中有50款更係香港獨家發售嘅款式！
【INFO】 《The ONE x 山下菓子PEANUTS™ 多巴胺夏日》 日期：2024年7月19日至9月1日 時間：上午10時至晚上10時 地點：The ONE UG2中庭 《The ONE x SNOOPY™夏日限定士多》 日期：2024年7月19日至9月1日 時間：中午12時至晚上9時 地點：The ONE UG2中庭
暑假好去處2024 | 4.《紗廠童樂節2024》
適逢南豐紗廠5周年，今年再度舉辦《紗廠童樂節2024》，有深受小朋友歡迎嘅紗廠遊蹤、巨型棋盤遊戲及周末紡織工作坊等，等小朋友可以透過有趣嘅方式探索舊香港故事，簡直就係最佳嘅暑假親子活動！南豐紗廠地下紗廠坊打造成期間限定巨形棋盤，只要逢星期五、六及日，小朋友都可以玩呢款桌上遊戲！
【INFO】
《紗廠童樂節2024》
日期：即日起至2024年9月1日
時間：10:00至22:00
地點：南豐紗廠地下紗廠坊
暑假好去處2024 | 5. 恐龍主題水上樂園 大欖燒烤
【INFO】 《大埔大尾篤恐龍水上樂園》 地址 ：大埔汀角路 202 號 營業時間 ：星期二至四14:30至22:00；星期五14:30至23:00；星期六、日及公眾假期12:00至23:00（逢星期一休息） 聯絡電話 ：9509 4385
暑假好去處2024 | 6. 中電鐘樓文化館
暑假亦都相當推薦各位爸爸媽媽帶埋小朋友嚟參觀中電鐘樓文化館！於1940年落成嘅中電鐘樓喺2018年被評為一級歷史建築，經活化後更喺2023年變成中電鐘樓文化館。中電鐘樓文化館更與本地藝術家合作，大家都可以喺正門扶手位置睇到期間限定嘅街頭編織裝飾，超得意！入面就有唔同嘅工作坊例如微型藝術工作坊以及咖啡渣手工皂工作坊等，等小朋友都可以運用雙手去發揮創意，絕對係一個集打卡、玩樂以及文化於一身嘅好去處！
【INFO】
《中電鐘樓文化館》
地址：香港何文田亞皆老街147號
暑假好去處2024 | 7. Join the Loop 海港城
海港城攜手人氣意大利藝術家Lucas Zanotto為大家呈獻「Join the Loop @海港城」，將藝術與運動主題結合，打造可愛度滿分嘅室內及室外全方位運動主題區。當中小朋友可以體驗沙池、單車以及遙控獨木舟水池，就連喺運動場中央位置嘅大眼仔角色，都會喺下午12點至8點吹出夢幻泡泡。行入海運大廈地下中庭就可以見到4.5直徑嘅彈跳池，可以等小朋友喺巨型遊玩池入面玩～
【INFO】
《Join the Loop 海港城》
日期：即日起至2024年9月1日
時間：12:00至20:00
地點：海運大廈露天廣場
收費：$50（參與四大運動主題活動區任何兩項活動）、$80（參與四大運動主題活動區所有活動）
暑假好去處2024 | 8. Mega Sports Carnival
鍾意LINE FRIENDS嘅朋友仔絕對要去MegaBox同佢哋見面，一眾角色都換上充滿熱血感嘅運動造型，同大家一齊運動。位於5樓中庭將會有7大運動挑戰站及打卡位，當中小朋友必定超鐘意LINE FRIENDS巨型充氣遊樂場，攀上13呎巨形充氣滑梯再喺高處滑下，超刺激！同場更有全新LINE FRIENDS meets Snapio自拍亭專屬相框以及期間限定店！
【INFO】 《Mega Sports Carnival》 日期：即日起至2024年9月1日 時間：10:00至22:00 地點：香港九龍九龍灣宏照道38 號企業廣場5期 MegaBox L5中庭 門票換領：免費成為Mega Club會員只需於食肆商戶消費滿HK$150*或以上，或任何商戶消費滿HK$300或以上，即可換領1張「LINE FRIENDS巨型充氣遊樂場」門票
暑假好去處2024 | 9. 奶龍暢玩Summer Sports 黃金海岸
夏天當然要玩水！超人氣角色奶龍將會喺香港黃金海岸同大家見面，一齊挑戰5大玩水關卡，包括充氣滑梯及攤位遊戲，感受水花四濺嘅夏日玩水體驗！當中更有高達3.5米嘅衝浪造型奶龍等大家影相～而另一邊更有沙灘排球奶龍等待同你切磋球技，鍾意嘅朋友絕對要去同佢打卡！
【INFO】 《奶龍暢玩Summer Sports》 日期：即日起至2024年9月1日 時間：10:00至22:00 地點：香港青山灣青山公路1號黃金海岸商場
暑假好去處2024 | 10. 為食妹期間限定店 銅鑼灣時代廣場
LOG-ON迎來25週年慶，以炫太空造型MF Bear 聯同為食妹和毛穴撫子打造3大期間限定打卡位，仲有全港獨家為食妹商品同埋首推毛公仔盲盒。鍾意為食妹嘅一定要去打卡，場內仲有超萌嘅Sonny Angel同LuLu豬兩大產品專區，準備好Shopping未呢？
【INFO】
《為食妹期間限定店》
日期：即日起至2024年8月21日
時間：10:30至22:00
地點：銅鑼灣時代廣場 B1 地庫
暑假好去處2024 | 11.「你玩晒樂園」K11 Art Mall
想小朋友開心相當簡單，有得玩又有獎品嘅活動就啱晒佢哋，帶埋小朋友去K11 Art Mall玩全港首個100%必贏「你玩晒樂園」，有機會贏取來回機票同K Dollar。必玩百發百中擲彩虹，無論點擲都必中，就連踢足球都一定會入龍門，小朋友一定會超開心！
【INFO】
《K11 Art Mall全港首個100%必贏「你玩晒樂園」》
日期：即日起至2024年9月1日
時間：12:00至21:00
地點：尖沙咀河內道18號K11 Art Mall地下中庭
暑假好去處2024 | 12.《Nintendo Switch 盛夏遊樂節》 D‧PARK
有玩開Switch嘅朋友注意啦！全港首個最大型Nintendo遊戲體驗區將會登陸D‧PARK愉景新城，當中商場中庭逾9,000呎嘅空間將會打造成唔同遊戲例如《碧姬公主 表演時刻！》、《紙片瑪利歐RPG》、《瑪利歐vs.咚奇剛》、《瑪利歐賽車8豪華版》嘅試玩專區！就連6月底發售嘅《路易吉洋樓2 HD》都可以畀大家搶先免費玩，場內亦有唔同遊戲嘅打卡場景～鍾意任天堂嘅粉絲仲可以喺指定時間見到人氣角色瑪利歐、路易吉及碧姬公主，一齊打卡影相超開心～
【INFO】 《Nintendo Switch 盛夏遊樂節》 日期：即日起至2024年9月1日 時間：中午12時至晚上8時 地點：D‧PARK L1 中庭 《瑪利歐、路易吉及碧姬公主粉絲見面會》 日期：2024年7月15日至2024年9月1日（逢星期日） 時間：下午1時至5時之間（每日6節，每節20分鐘） 換領方法：於活動現場打卡及上傳打卡照到社交平台，標記@D‧PARKHK即可換領見面會入場券
暑假好去處2024 | 13. YOHO · KUROMI「The Planet YOHO」
KUROMI將會喺暑假帶同星際艦隊登陸YOHO系商場包括YOHO MALL I 、YOHO MALL II 及YOHO MIX，3大商場將會變成「探險系」主題樂園，打造成充滿Y2K科幻元素嘅「The Planet YOHO」！當中有7大場景畀大家打卡，必影逾9米高嘅「KUROMI宇宙冒險飛船」以及20米長嘅「星空閃爍艦橋」抬頭同夜空光影打卡就啱晒！而姐姐ROMINA更係首次亮相於香港主題大型裝置，各位粉絲萬勿錯過！
【INFO】 《YOHO · KUROMI「The Planet YOHO」》 日期：即日起至2024年9月1日 時間：上午10:00至晚上22:00 地點：YOHO MALL I中庭、YOHO MALL II 中庭及YOHO MIX 戶外廣場
暑假好去處2024 | 14. Splashtopia 愉景灣彈游夏日嘉年華
夏天熱辣辣想真正消暑？新加坡著名親子遊樂品牌 Kiztopia將會由即日起至9月1日期間，喺愉景灣舉辦「Splashtopia愉景灣彈游夏日嘉年華」，當中佔地近4萬8千呎，超大型呀！設有9大巨型充氣彈床遊樂區，當中最觸目嘅就係10米高主題滑梯、濕地障礙賽、水上波波池，每節仲可以玩足3個半鐘，一家大細一齊玩水！
【INFO】 《Splashtopia 愉景灣彈游夏日嘉年華》 日期：即日起至2024年9月1日 開放時間：早上10:00至下午13:30；下午14:30至晚上18:00 （每日2節） 地址：愉景灣大白灣沙灘 收費：$295（1大1小）；$349（2大1小/1大2小） 購票連結：https://bit.ly/4ckTCfC
暑假好去處2024 | 15. LEGO Bricktopia Citywalk荃新天地
樂高®將與STAYFUN攜手合作推出首個樂高®沉浸式太空冒險遊樂園，喺佔地超過4,000平方尺嘅超現實空間，透過絕美光影互動體驗、顆粒拼砌以及遊戲玩樂等，一齊開展太空探索之旅～樂園特設4大冒險空間，先登上飛船體驗穿越蟲洞嘅滑梯之旅，再體驗埋失重狀態。用鐳射槍去收集能力水晶，最後更可以用樂高顆粒親手建構自己心目中嘅Bricktopia！鍾意太空同樂高嘅小朋友絕對值得入場體驗！
【INFO】 《LEGO Bricktopia》 日期：2024年7月12日至2024年9月1日 開放時間：早上11:00至晚上21:00（每節50分鐘） 地址：荃灣楊屋道1號 Citywalk荃新天地 1期中庭 收費：$119(平日早鳥優惠價）、$149（星期六、日及公眾假期早鳥優惠價）、$129(平日正價）、$159（星期六、日及公眾假期正價） 購票連結：https://bit.ly/4bgVepD
暑假好去處2024 | 16. 迷你兵團反轉基地 新城市廣場
闊別7年《壞蛋獎門人4》終於都上映啦，睇完戲之後仲可以去埋沙田新城市廣場，帶大家深入7大電影場景感受「特工視覺」，等大家可以一再回味電影入面嘅情節。仲有期間限定店推出最新嘅精品，當中包括各款嘅Figure公仔、玩具、文具、潮流配飾及飾品等。
【INFO】 《迷你兵團反轉基地》 日期：即日起至2024年9月1日 時間：上午11:00至晚上21:00 地點：1期3樓拱型玻璃天幕廣場、1期UB Play Park及3期3樓 《壞蛋獎門人4期間限定店》 日期：即日起至8月11日 時間：中午12時至晚上9時 地點：新城市廣場1期1樓東翼 (近Pizza Express)
暑假好去處2024 | 17. PAW Patrol運動場英雄 屯門市廣場
屯門市廣場由即日起至8月28日期間，逾5,000呎中央廣場化身成「PAW Patrol運動場英雄@tmtplaza」充氣競技運動場。PAW Patrol 中4位人氣英勇小狗救援隊成員Chase、Marshall、Rubble、Skye將會穿梭運動場各個角落，並特設4大遊樂區，等小朋友可以盡情享受運動嘅快樂。當中必玩5米高「勇闖高峰巨型滑梯」，仲有波波池同籃球，率先鍛鍊身體迎接奧運！
【INFO】 《PAW Patrol運動場英雄》 日期：2024年7月11日至2024年8月28日 時間：中午12時至晚上8時 (星期一至五)；上午11時至晚上9時 (星期六、日及公眾假期) 地點：屯門市廣場1期1樓中央廣場 收費：星期一至五$58（25分鐘）$108（50分鐘）星期六、日及公眾假期 $78（25分鐘）$138（50分鐘） 購票連結：https://bit.ly/3XWD4GJ
暑假好去處2024 | 18. Kakao Friends x置富Malls
Kakao Friends將會登陸馬鞍山廣場、天水圍+WOO、紅磡置富都會以及置富第一城舉辦唔同嘅運動，除咗有水運會仲有田徑場、劍擊體操館以及乒乓球等多項運動，鍾意Kakao Friends嘅粉絲絕對唔可以錯過！同場亦可以換領置富 Malls x Kakao Friends活力萌禮，當中包括至萌春植毛巾斗篷及夏日出遊水樽連袋等。
【INFO】
《Kakao Friends x置富Malls》
日期：2024年7月6日至10月20日
地點：馬鞍山廣場 L2 天幕廣場、+WOO 嘉湖 1 期地下大堂、置富都會 L7大堂、置富第一城 地下置富第一園
暑假好去處2024 | 19. Mr. Men Little Miss 迷你運動會
8,000呎巨型充氣樂園登陸荷里活廣場，更有Mr. Men Little Miss人氣角色Mr. Happy、Little Miss Naughty、Mr. Bump、Little Miss Hug等陪大家大玩特玩！除咗可以畀小朋友挑戰7米高「Mr. Happy Fun Slide滑梯及波波池」亦可以行入長達8米嘅波波池盡情玩，仲有超過16米長嘅田徑障礙賽道畀小朋友放電，一次過體驗埋足球同籃球訓練場！
【INFO】 《Mr. Men Little Miss 迷你運動會Plaza Hollywood》 日期：2024年7月19日至2024年9月1日 時間：星期一至日 上午11:00至晚上21:00 地點：鑽石山荷里活廣場 1 樓明星廣場 收費： 星期一至五 $58（25分鐘）$105（50分鐘）、星期六、日及公眾假期 $78（25分鐘）$138（50分鐘） 購票連結：https://bit.ly/4cN32k6
暑假好去處2024 | 20. BT21 Magic Recipe
7位宇宙明星BT21將會以全新形象登場，包括掌管神秘力量嘅魔法師RJ及微醺造型嘅KOYA、SHOOKY、MANG、CHIMMY、TATA與COOKY！「BT21 Magic Recipe」為 BT21今年全新嘅全球企劃，東薈城名店倉有齊7大魔法主題區畀大家行～仲有全球首次發售嘅BT21 Magic Recipe系列香港限定商品，粉絲們絕對唔可以錯過。
【INFO】
《BT21 Magic Recipe 快閃屋》
日期：2024年7月11日至2024年9月1日
時間：中午12:00至晚上21:00
地點：東薈城名店倉二樓鄰近cdf Beauty (274-277號舖)
暑假好去處2024 | 21. 新港城中心 X TOYZEROPLUS X LuLu the Piggy
全港首個5.5米高毛絨版充氣罐頭豬LuLu於新港城中心登場，LuLu豬更會換上多款全新運動造型驚喜現身，場內特設8大運動主題打卡區及3大玩樂挑戰站，歡迎各位「豚」友及運動健兒前來挑戰！場內亦設有100款限定精品，當中全港獨家首賣「罐頭豬LuLu海洋系列 – 50cm大魔鬼魚毛絨公仔」，各位午餐肉們不容錯過！
【INFO】 《新港城中心 X TOYZEROPLUS X LuLu the Piggy》 日期：即日起至2024年8月25日 時間：運動主題打卡區: 上午10:00至晚上22:00；玩樂挑戰站: 中午12時至晚上8時 地點：MOSTown新港城中心L2天幕廣場 《 MOST-OLYMPIGS金牌運動「豚」期間限定店》 日期：即日起至2024年8月25日 時間：上午11時至晚上21:00 地點：MOSTown新港城中心L3 活動區
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
