無糖生可樂 | 大家仲記唔記得曾經喺香港一度賣到斷市嘅日本生可樂呢？今次真係誰都可發光啦～百事推出全新無糖生可樂，爽快之餘又擁有超強勁嘅氣泡，最平$4.8入手一罐，即刻睇睇香港邊度有得買！
圖片來源： 官方圖片 | 撰文：Hedy
生可樂之所以咁多人鍾意，相信係因為超多氣泡，飲完之後帶畀大家一種超爽快嘅口感。當時日本推出生可樂後，更一度掀起熱話，就連網民都紛紛要求AEON購入生可樂，更一度賣斷市！今次百事可樂推出全新無糖<生>可樂，仲要香港都有得買，唔需要再等喇！
無糖+零卡路里
百事可樂喺今個春天為大家準備驚喜，推出全新無糖<生>可樂，令你享受五感全開嘅碳酸新體驗之外，更係無糖同零卡路里！就算減緊肥嘅大家都可以一試，等你零負擔享受超爽快口感，以強勁氣泡喚發春日激爽！
最平$4.8入手一罐
講到明今次香港都買到，相信大家都相當關心邊度先有得買，由即日起只要到各大超級市場、網上銷售平台及其他零售點都可以買到！之前未試到嘅朋友仔都可以試試！如果想用最抵價試全新無糖<生>可樂，就可以到超級市場買8罐裝，每1罐最平就可以用$4.8入手，超抵呀！
【INFO】 百事無糖<生>可樂 容量：330毫升 建議零售價*：$9@罐 (士多) / $38@8罐裝 (超級市場) *產品零售價以各参與零售商之個別店舖為準
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
