深圳好去處｜深圳有多個室內冰雪世界，票價親民，無論專業級滑雪、玩雪、影相打卡都一應俱全。今次小編就精選6個人氣深圳冰雪世界，等大家唔使飛去外國，都可以投入冰天雪地！
圖片來源：小紅書@幸臨川、小紅書@你好大白白、小紅書@有貝而來、klook、小紅書@Sheena幫你做攻略、小紅書@深圳玩樂星推官阿助 | 撰文：Icy
深圳冰雪世界 | 1. 深圳前海華發冰雪世界
上年11月正式開幕嘅「深圳前海華發冰雪世界」，集滑雪場、購物街及酒店於一身，當中擁有全球最大室內滑雪場，佔地達10萬平方米，設有5條專業級滑雪道。園區內亦設有14項合家歡冰雪遊樂設施，包括雪上卡丁車、碰碰車、極地探險、冰屋、雪圈道等，並配備雪地纜車，運送遊客前往雪場各個區域。至於票價好親民，最平只需$229，就可以暢玩兩小時！
【INFO】 深圳前海華發冰雪世界 地址：深圳市寶安區沙井街道沙井南環路555號 交通方法：深圳地鐵20號線會展城站D出口，步行約5分鐘 營業時間：每日10:00-22:00 票價：2小時娛雪門票$229起、3小時初級道滑雪$383起 購票網站：https://bitly.cx/0ESVU
深圳冰雪世界 | 2. 觀瀾湖卡魯冰雪世界
位於龍華區嘅「觀瀾湖卡魯冰雪世界」，佔地約1.2萬平方米，室內滑雪館設有長120米嘅雪道，採用人造真雪技術，並提供雪具，非常適合新手上路。3小時滑雪票只需$229起，相當划算。場內亦設有娛雪區，可體驗特長冰滑梯、拉雪橇、雪地車、芬蘭獵人小屋等多項冰雪遊樂設施！
【INFO】 觀瀾湖卡魯冰雪世界 地址：深圳市龍華區高爾夫大道15號觀瀾湖生態運動公社 交通方法：深圳地鐵4號線觀瀾站A出口，步行約5分鐘 營業時間：星期一至四11:00-20:00、星期五11:00-22:00、星期六及日10:00-22:00 票價：3小時娛雪票$141起、3小時滑雪票$229起 購票網站：https://bitly.cx/yNMPe
深圳冰雪世界 | 3. 世界之窗阿爾卑斯冰雪世界
「世界之窗阿爾卑斯冰雪世界」以歐洲阿爾卑斯山為主題，打造出逼真又夢幻嘅室內飄雪世界，平日門票低至$77。場內劃分為溜冰場、嬉雪區以及滑雪區，專業級滑雪道全長約70米，從最高點滑下相當刺激～園區內仲設有北歐小鎮、童話城堡及冰雕展區等多個特色場景，啱晒遊客邊玩邊打卡！
【INFO】 世界之窗阿爾卑斯冰雪世界 地址：深圳市南山區深南大道9037號世界之窗 交通方法：深圳地鐵1號線世界之窗站H出口，步行約5分鐘 營業時間：星期一至五12:00-21:00、星期六及日10:00-21:30 票價：平日$77起（只包含溜冰及嬉雪）、2小時滑雪票$206起 購票網站：https://bitly.cx/IPxuL
深圳冰雪世界 | 4. 深圳東部冰雪創新城
位於鹽田區嘅「深圳東部冰雪創新城」，樓高兩層，劃分室內滑雪、玩雪以及餐飲專區，提供一站式娛樂活動。滑雪場採用真冰鋪設，室溫長期保持喺零下10度，令人猶如走入真正嘅冰天雪地！場內亦設有冰磚旋轉滑梯、雪地迷宮、冰雪森林、冰上碰碰球等遊樂設施，啱晒放假帶小朋友去放電~
【INFO】 深圳東部冰雪創新城 地址：深圳市鹽田區鹽田街道鹽田路3號保惠冷鏈物流園 交通方法：深圳地鐵2號線深外高中站B2出口，步行約9分鐘 營業時間：每日10:30-18:00 票價：雙人冰雪票$262（包含餐飲） 購票網站：https://bitly.cx/5qSJ
深圳冰雪世界 | 5. 海昌·樂漫冰雪王國
位於海雅廣場嘅「海昌·樂漫冰雪王國」以東歐風情為主題，場景佈置充滿童真，特別適合親子同遊。場內設有S字型冰雪滑梯、冰川森林、冰雪城堡、雪國列車等多個主題專區與遊樂設施。其中最受歡迎嘅「雪國飛索」，離地高度達5米，遊客可於半空滑行，一覽整個冰雪王國嘅景致！
【INFO】 海昌·樂漫冰雪王國 地址：深圳市寶安區新安街道建安一路99號海雅廣場4樓430號商鋪 交通方法：深圳地鐵1號線寶安中心站C出口，步行約10分鐘 營業時間：每日10:00-22:00 票價：單人票$168（入場限時90分鐘） 購票網站：https://bitly.cx/viN7
深圳冰雪世界 | 6. 龍華奇幻冰雪世界
位於龍華區嘅「龍華奇幻冰雪世界」雖然地方唔算大，但勝在票價好抵玩，每人只需$39.9就可以感受冰天雪地嘅快感。場內設有6條唔同坡度嘅冰雪滑道，坐住雪圈喺S字型彎道衝落去，真係好刺激！另外仲有雪地小船轉轉、夢幻菠蘿滑梯、波波池等娛樂設施，無論大人定小朋友都會玩到唔捨得走～
【INFO】 龍華奇幻冰雪世界 地址：深圳市龍華區大浪商業中心後浪新天地7棟4樓 交通方法：深圳地鐵4號線龍勝站D1出口，轉乘M115公車至大浪商業中心 營業時間：每日10:00-22:00 票價：大人票$39.9、小童票$39.9（1.1米以下小童免费） 購票網站：可於現場購票或下載美團app
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
