月餅回收2024 | 相信中秋節大家都已經買咗唔少月餅送畀親朋好友，如果屋企食唔晒月餅又可以點處理？邊度有得回收月餅同月餅盒？去指定地點回收仲會送$80優惠券？即睇詳情！
圖片來源：Facebook@長春社「糧善關愛坊」食物分享計劃、惜食堂 Food Angel、順豐速運 – 香港、美心食品 Maxim’s Products、官方圖片、綠領行動 Greeners Action、The Mills 南豐紗廠、綠在橫頭磡 Wang Tau Hom Recycling Store | 撰文：Hedy
月餅回收點 | 1. 長春社「糧善關愛坊」月餅回收
當屋企收到好多月餅，食唔晒又唔想浪費？只要由即日起到2024年9月30日，就可以將傳統月餅、冰皮及雪糕月餅、尚有3天有效期嘅月餅換領券以及節日水果或禮盒，捐到位於荃灣嘅長春社「糧善關愛坊」。不過大家要記得，以上所有月餅都需包裝完整，以及未過最佳食用日期！捐贈前都可以先致電5541 1701確認。月餅將會轉贈予基層家庭，以分享節日祝福以及減少食物浪費。
【INFO】
《星展基金會x長春社「糧善展愛坊」》
日期：即日起至2024年9月30日（逢星期一至六，公眾假期除外）
時間：14:00至18:00
回收地點：荃灣梨木樹邨2座11號舖
聯絡電話：5541 1701
月餅回收點 | 2. 惜食堂 未開封月餅回收
如果屋企有太多月餅食唔晒點算好？只要月餅未開封及以獨立包裝，其有效食用期達4星期，由香港政府認可公司製造嘅月餅就可以由即日起至10月4日回收！大家所捐出嘅月餅將會轉贈畀社會上有需要嘅人士。記得一啲需要冷藏嘅月餅例如冰皮月餅係唔可以回收！
【INFO】
《惜食堂 月餅回收》
日期：即日起至2024年10月4日
回收地點：https://bit.ly/3BeN1pi
月餅回收點 | 3. 順豐「月餅捐贈及回收計劃」
【INFO】
《順豐「月餅捐贈及回收計劃」》
日期：即日起至2024年9月24日
回收地點：https://bit.ly/3XqKiRk
月餅回收點 | 4. 美心集團 412個月餅盒回收點
美心集團攜手各大企業，喺全港設置412個月餅盒回收點！只要預備一個乾淨嘅吉月餅盒，就可以去回收！同時美心集團亦都大派22,000張優惠券，每張券面值超過港幣$80！只要去指定11個回收點嘅禮賓部回收任何品牌嘅月餅盒，即可享唔同美心旗下餐飲優惠！指定地點包括：信德中心、利園（一期至六期）、希慎廣場、希慎道一號、利舞臺、禮頓中心、新城市廣場（一期至三期）、香港科技園、置富第一城、將軍澳廣場以及都會駅。其他回收點係冇呢個福利㗎，不過由於優惠券數量有限，派晒就冇，食完月餅記得儘早回收！
【INFO】
《美心集團 412個月餅盒回收點》
日期：即日起至10月30日
回收地點：https://bit.ly/4e6Wqhp
月餅回收點 | 5. 奇華餅家x信和集團 中秋月餅罐回收
奇華餅家與信和集團旗下商場今年繼續合辦「中秋月餅罐回收計劃」。由即日起至10月10日期間，將一個已妥善清潔嘅金屬月餅罐，不受品牌限制，交到信和集團旗下或管理嘅10個指定商場之禮賓處或服務台，就可以獲得奇華餅家折扣優惠券港幣$20。而S⁺ REWARDS會員更可獲得雙倍優惠券。是次回收月餅罐所得嘅收益，將會全數撥捐基督教勵行會作慈善用途。
【INFO】
《奇華餅家x信和集團 月餅罐回收》
日期：即日起至2024年10月10日
回收地點：10個指定商場禮賓處或服務台（屯門市廣場/奧海城/荃新天地/中港城/黃金海岸商場/尖沙咀中心/藍灣廣場/帝庭軒購物商場/YM2裕民坊/朗壹廣場)
月餅回收點 | 6. 綠領行動回收點
綠領行動舉辦「月餅盒回收大行動2024」，由即日起到10月6日，大家都可以到月餅盒公眾回收點，回收金屬及紙製月餅盒。由於各個回收地點嘅回收期同營業時間不一，大家去之前記得要留意清楚！回收嘅時候記得要移除包裝膠、膠袋以及膠盒等配件。
【INFO】
《綠領行動回收點》
日期：即日起至10月6日
回收地點：https://bit.ly/4d4h3cI
月餅回收點 | 7. 房委會 月餅盒回收
食完月餅，留返個月餅盒可以攞去回收，由2024年9月19日至10月9日，將乾淨嘅月餅盒放入各屋邨嘅特設收集箱*，房委會就會將收集返嚟嘅月餅盒交俾環保回收商，減少製造廢物！無論咩物料嘅月餅盒都可以放落去回收！
【INFO】
《房委會 月餅盒回收》
日期：2024年9月19日至2024年10月9日
回收地點：*詳情請留意屋邨張貼嘅活動通告
月餅回收點 | 8. 南豐紗廠「綠月行動 2024」月餅盒回收
南豐紗廠過往舉辦唔同活動實踐可持續發展理念，致力支持「綠月行動 2024」月餅盒回收計劃。無論係任何品牌嘅月餅金屬盒或紙盒，只要清潔乾淨後，都可以帶去南豐紗廠回收。每次回收月餅盒，NF Touch會員即可掃瞄禮賓部嘅QR Code，就可以獲得10顆 NF種籽作為獎勵！而收集所得嘅嘅月餅盒轉交本地環保團體進行回收，減少對環境嘅影響，為環保出一分力！
【INFO】
《「綠月行動 2024」月餅盒回收》
日期：即日起至2024年10月6日
時間：10:00至22:00
回收地點：南豐紗廠地下禮賓部
月餅回收點 | 9. 綠在區區 月餅包裝回收
食完月餅之後，其實都有唔少月餅包裝清潔過後，都可以攞去綠在區區回收。大家又知唔知，原來月餅罐、獨立紙盒以及獨立包裝/膠兜等包裝都可以回收！而且回收冇限期，大家只需要到屋企附近嘅綠在區區就搞掂！
【INFO】
《綠在區區回收》
回收地點：https://bit.ly/3MMPhqs
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
