香港打風 | 唔知大家有冇發現今年都冇乜點打風？究竟背後因為啲咩原因？除咗摩羯之外，嚟緊又會唔會有風打？天文台咁樣回應！
圖片來源：官方圖片 | 撰文：Hedy
相信無論係學生定打工仔，都相當關注今年究竟仲有冇機會打風？除咗嚟緊摩羯有機會發展成為強颱風之外，其餘時間仲有冇可能打風呢？
今年預計仍有3至5個熱帶氣旋
相信大家都會覺得點解今年好似冇打風咁？當中原因原來同反氣旋流場主導南海有關。熱帶氣旋偏少嘅主因是今年六至七月喺偏大偏強嘅西北太平洋副熱帶高壓脊影響下，熱帶西太平洋地區出現偏強下沉氣流，不利對流發展及熱帶氣旋生成。一般嚟講，5月至10月期間，香港都有可能受熱帶氣旋吹襲，個別年份風季甚至可持續到十一月或更晚。而今年1月至7月只係有五個熱帶氣旋喺西北太平洋及南海生成，較平均（約十個）少一半，當中只有兩個影響香港，包括馬力斯以及派比安，幾乎冇乜打風。直到今年8月至今，南海仍未出現熱帶氣旋，同樣情況都喺2014、1989、1988以及1985年都出現過～天文台亦都預計今年仲有3至5個熱帶氣旋進入香港500公里範圍內。
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
