父親節自助餐2024 | 慶祝完母親節之後，大家又點可以忽略父親節，各位孝順仔女記得要請埋爸爸食飯！想一家人坐得舒舒服服享受美食，小編就推薦大家去食自助餐，6月亦有唔少酒店推出自助餐優惠，最平$201就食到！
圖片來源：klook、Facebook@The Cityview Hong Kong、Gloucester Luk Kwok Hong Kong、Sheraton Hong Kong Hotel & Towers、Hyatt Regency Hong Kong, Tsim Sha Tsui | 撰文：Hedy
父親節自助餐推介 | 1. 香港西環萬怡酒店MoMo Café自助餐
想一家人一齊食自助餐，依家最抵$201，就可以食到香港西環萬怡酒店嘅自助午餐，簡直係超優惠！除咗有鮮蝦、鮮蜆、愛爾蘭黃金螺、挪威三文魚、北寄貝之外，酒店更會無限量為大家供應冰鎮海鮮，仲會為每位客人送上兩隻即開生蠔，鍾意食海鮮同刺身嘅大家絕對唔可以錯過～仲有精選嘅季節性菜單，當中包括廣式豬腳薑以及脆皮印度煎餅，鍾意食肉嘅朋友都有洋蔥汁牛仔骨同燒澳洲優質帶骨肉眼牛排選擇！食完主食之後，仲可以任揀6款Movenpick口味嘅雪糕，包你食得超滿足！如果爸爸鍾意飲酒，呢度更可以任飲生啤，絕對啱晒爸爸心意！
【INFO】 《香港西環萬怡酒店自助餐優惠》 -【自助午餐】 優惠價：港幣$201起/位 -【自助晚餐】 優惠價：港幣$356起/位 地址：西營盤干諾道西167號 立即預訂：https://bit.ly/3VkkRkD
父親節自助餐推介 | 2. 城景國際City Cafe自助餐
鍾意食海膽同海鮮嘅朋友有福啦～城景國際City Cafe自助餐推出海膽‧海鮮盛薈自助晚餐，以韓國海膽、沖繩特產海葡萄及多種海鮮打造出豐盛嘅海鮮盛宴，爸爸見到一定超開心！如果大家喺父親節當日惠顧，更會送黑松露瑞士大孔芝士焗龍蝦一客，聽到都已經覺得好吸引！仲有海膽醬牛油梨飛魚籽焗釀蟹蓋、魚子醬海葡萄溏心蛋以及酥炸培根豚肉卷廣島生蠔配海膽黑松露黃醬等。當然唔少得生蠔、凍蝦、藍青口、金槍魚、同喜靈魚柳籽等，款式選擇多之餘價錢亦都相當優惠，推薦大家同屋企人一齊嚟享受美食！
【INFO】 《城景國際City Cafe自助餐優惠》 -【環球美饌自助午餐】 優惠價：港幣$208起/位 -【海膽‧海鮮盛薈自助晚餐】 優惠價：港幣$398起/位 地址：油麻地窩打老道23號城景國際1樓 立即預訂：https://bit.ly/3R2f0O4
父親節自助餐推介 | 3. 六國酒店Le Menu自助餐
就算未必預留到時間同屋企人食午餐或晚餐，High Tea都係一個唔錯嘅選擇，有以水果同花卉元素為主題嘅甜品，亦有「金蠔‧鮑魚‧龍蝦」下午茶套餐，等大家都可以食盡咸點同甜點！除咗可以滿足味蕾之餘又啱晒打卡影相，令你嘅味覺同視覺同時滿足！Le Menu西餐廳亦為大家提供3小時華麗盛宴自助晚餐，咁就可以嘆盡美食之餘又可以一家人聚埋一齊傾計，有足夠時間畀大家休息再食過！6月更有以「扣鮑魚‧龍蝦‧爐端燒」為主題嘅自助餐，包括堂弄原隻鮑魚鴨掌、富貴雞、原件鴨肝、龍蝦、特級牛扒等等。每晚亦都有精彩嘅「堂弄表演」包括有堂弄扣鮑魚表演、富貴雞表演及火焰雪山表演，等你用餐體驗更完美！
【INFO】 《六國酒店Le Menu自助餐優惠》 -【果漾花語下午茶自助餐(盛夏版)】 優惠價：港幣$262起/位 -【「金蠔‧鮑魚‧龍蝦」下午茶套餐 (兩位用)】 優惠價：港幣$482起/位 -【3小時‧華麗盛宴自助晚餐】 優惠價：港幣$499起/位 地址：香港灣仔告士打道72號一樓 立即預訂：https://bit.ly/4bUx8Bv
父親節自助餐推介 | 4. 香港喜來登酒店The Café自助餐
想為爸爸製造滿滿嘅儀式感，就絕對要嚟香港喜來登酒店，坐擁維多利亞港迷人風光，可以同爸爸一齊品嚐美酒佳餚～父親節當日惠顧，每位爸爸更可以免費獲贈榛子朱古力泡芙，又可以用豐盛嘅環球海鮮美饌同爸爸歡度節日！自助晚餐包括無限量供應嘅波士頓龍蝦、新鮮即開時令生蠔同埋冰鎮海鮮，仲有多款滋味甜品例如芒果糯米飯及蛋糕卷等等。
【INFO】 《香港喜來登酒店The Café自助餐優惠》 - 【自助午餐】 優惠價：港幣$350起 - 【自助晚餐】 優惠價：港幣$646起 地址：九龍尖沙咀彌敦道20號咖啡廳 立即預訂：https://bit.ly/4aHEVSa
父親節自助餐推介 | 5. 尖沙咀凱悅酒店自助餐
尖沙咀凱悅酒店自助餐，每日都會為客人提供新鮮嘅日式海鮮刺身同壽司，亦有唔少冰鎮海鮮例如越南凍蝦以及小龍蝦等等。仲有唔少無限供應嘅美食包括印度美饌、精選天婦羅、燒烤、即煎鐵板燒等時令美食。自助晚餐就有埋波士頓龍蝦、烤美國西冷扒、香草烤羊架等等，款式繁多可以畀大家揀唔同嘅選擇～
【INFO】 《尖沙咀凱悅酒店自助餐優惠》 -【自助午餐】 優惠價：港幣$403起 -【自助晚餐】 優惠價：港幣$673起 地址：河內道18號大堂樓層 立即預訂：https://bit.ly/452KFVB
父親節自助餐推介 | 6. 港島香格里拉cafe TOO自助餐
港島香格里拉cafe TOO自助餐提供新鮮海鮮，除咗有新鮮蜆、海螺以及蝦之外，亦可以去冰鎮區到試試瀨尿蝦、長腳蟹、青口，絕對係海鮮愛好者必試嘅美食！酒店亦有唔同嘅招牌菜式等大家享用，避風塘炒蝦、辣酒煮螺以及鮮味蟹粥等，絕對可以令你食盡海鮮佳餚，最啱就係帶父母嚟享用！
【INFO】 《港島香格里拉cafe TOO自助餐》 -【自助午餐】 優惠價：港幣$483起 -【自助晚餐】 優惠價：港幣$768起 -【快閃買2送1自助午餐】 優惠價：港幣$1,168起 -【快閃買2送1自助晚餐】 優惠價：港幣$1,858起 地址：中區法院道太古廣場7樓 立即預訂：https://bit.ly/3WVojDt
父親節自助餐推介 | 7. 香港柏寧酒店PLAYT自助餐
香港柏寧酒店PLAYT推出買2送1快閃優惠，人均$321就可以食到鱈蟹腳、原隻鮑魚、西冷扒等美食，大家絕對要預先訂定慶祝父親節！現場除咗有即開時令生蠔、龍蝦、青口以及多款刺身選擇，PLAYT更推出肉類主題父親節自助餐，帶爸爸享受香煎法國鴨肝配波特酒汁、慢煮美國安格斯有骨肉眼牛扒等等。就連甜品都有Jack Daniel’s威士忌意式雪糕以及茅台70%朱古力蛋糕等，相信爸爸一定會相當滿意！
【INFO】 《香港柏寧酒店PLAYT自助餐》 -【買2送1自助午餐】 優惠價：港幣$963起 -【買2送1自助晚餐】 優惠價：港幣$1,743起 -【買2送1週末自助早午餐】 優惠價：港幣$1,398起 -【買2送1週末下午茶自助餐】 優惠價：港幣756起 地址：香港銅鑼灣告士打道310號 立即預訂：https://bit.ly/3VkiC0w
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
