戀愛自由式 | 2024年巴黎奧運後將會喺7月隆重舉行，而TVB近日亦都重播以游泳為題材嘅電視劇《戀愛自由式》，除咗可以重溫經典嘅破冰轉身同片石轉身之外，一眾主角22年後嘅樣又有咩變化？邊個變化得最大呢？一齊重溫破冰轉身！
圖片來源：YouTube@TVB (official）、Instagram@stboo、leilakong1205、edwinsiu、boscomine、微博@陳文媛Bobo、Theresa傅颖 | 撰文：Hedy
青春偶像劇《戀愛自由式》喺2003年首播，而最近終於都重播，由陳文媛、蕭正楠、唐寧、黃宗澤領銜主演，仲有當年最紅嘅鄧麗欣以及傅穎等。22年之後大家嘅樣又變咗幾多呢？即刻睇睇啦～
戀愛自由式演員 | 1. 鄧麗欣
Stephy當年為女團Cookies隊長，一直人氣高企，當年拍《戀愛自由式》嘅時候都只係得19歲，青春得嚟仲有Baby Fat，髮型仲要喺厚厚嘅齊陰，依家睇返都相當有年代感！就算Stephy已經41歲，仍然都係大家心目中嘅女神，充滿女人味之餘，日常又會注重運動同飲食，自然皮膚同身材都保養得相當好，一直專注於拍電視劇以及電影等方面。
戀愛自由式演員 | 2. 唐寧
以童星出身嘅唐寧，當年拍劇嘅時候都只係得20歲，劇入面唐寧飾演陳文媛嘅妹妹，憑劇集入面嘅經典招式「破冰轉身」，絕對令大家都記得佢～不過對比返依家嘅樣，大致上都冇乜點變過，就好似食咗防腐劑一樣！不過近年唐寧已經淡出娛樂圈，更透露自己已移民紐西蘭生活，不時都會喺YouTube上面分享生活。
戀愛自由式演員 | 3. 陳文媛
陳文媛絕對係當時嘅清純女神，憑著標誌嘅短頭髮以及精緻嘅五官，真係好有仙氣～陳文媛喺劇集入面飾演天生長短腳嘅游嫻，同時亦與蕭正楠合唱劇集主題曲「可疑密友」，可謂當時喺歌、影、藝三方面發展得相當好～陳文媛喺2016年與圈外男友結婚，現今亦都已經成為媽媽～
戀愛自由式演員 | 4. 傅穎
同樣都係女團Cookies成員嘅傅穎，當年清純動人嘅面貌，相當pure！如今卻被網民質疑有整容之嫌？不過傅穎強調自己都係靠化妝同影相角度配合，先會變得更加靚～現年39歲嘅傅穎近年長駐內地發展，除咗直播帶貨之外亦有拍戲！
戀愛自由式演員 | 5. 蕭正楠
蕭正楠當年有份主演《戀愛自由式》，依家同當年嘅樣冇乜太大分別，反而係加添咗一種成熟嘅男人味。而蕭正楠喺2018年同黃翠如結婚，近日亦都有同老婆一起去意大利慶祝結婚6周年，相當甜蜜～
戀愛自由式演員 | 6. 黃宗澤
《戀愛自由式》為黃宗澤首次喺TVB擔任男主角嘅作品，其後又憑《衝上雲霄》令人氣大增。雖然依家就冇以前青春個種感覺，反而就多咗種成熟感，有網民更表示有大叔味？黃宗澤現年有繼續參與演出，包括拍攝《法證先鋒V》等。
重溫破冰轉身
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
