研香銅鑼灣 | 本地人氣甜品店研香宣布進駐港島區，喺開業期間更有指定產品買一送一優惠，仲有3款全新夏日水果冰登場，即刻入內文睇詳情啦！
圖片來源：官方圖片 | 撰文：Hedy
研香繼早前喺沙田新城市開設分店後，再將甜品版圖擴展至港島區。銅鑼灣新店設計以溫暖木色為主調，提供共48個座位！由早午晚餐及飯後甜品時段供應，並等大家任何時間都可以品嚐到研香出品嘅美食！
研香銅鑼灣 | 開心果咖啡買一送一！
鍾意食開心果嘅朋友唔好錯過啦！研香除咗提供一系列括特製精磨開心果露等嘅大熱自家研磨糖水，研香更將開心果系列加入烘焙食品及咖啡！當中包括開心果法國牛油牛角酥（港幣$38）以及開心果忌廉芝士抹茶鬆餅（港幣$22）！而喺開業期間逢星期二、四，購買開心果咖啡（港幣$48）及開心果牛奶咖啡（港幣$48），都可以享有買一送一優惠，適用於全時段堂食及外賣！
研香銅鑼灣 | 3款全新水果冰
夏天咁熱又點少得食冰呢，研香推出3款全新水果冰。6月率先登場嘅就有粉紅白桃冰（港幣$49），而7月及8月份就分別會有日本白桃冰（港幣$59）以及玫瑰荔枝冰（港幣$52）。所有水果冰均採用天然食材製作，低糖低脂！
【INFO】 《研香銅鑼灣新店》 營業時間：08:00至24:00 地址：銅鑼灣希慎道2-4號蟾宮大廈地下3-7號舖
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
