帶飯關注組 | 相信唔少打工仔為咗健康同慳錢，都會自己帶飯返Office食。而近期有唔少網民都喺大熱群組「帶飯關注組」，分享佢哋嘅帶飯組合，當中麥皮竟然可以有咁多新奇配搭？即刻睇睇大家平時都會帶咩飯～
圖片來源：Facebook@帶飯關注組 | 撰文：Hedy
唔知大家平時帶飯係前一晚整定，定係有父母幫你預備好飯盒呢？如果要每日自己整飯盒都幾晒時間㗎，一放工除咗要去買餸之外，仲要諗煮咩實在係相當頭痛，所以就有網民用最短時間整好一個飯盒！當中更有人因為要清就快過期嘅麥皮，所以幾乎每日嘅午餐都係麥皮，每日仲會加入唔同嘅配搭，例如豬紅牛丸麥皮、冬菇肉餅麥皮、青咖喱麥皮以及炸魚柳茄子麥皮等等，每款都令人相當驚喜，甚至有網民都好期待每日嘅麥皮Post！
帶飯關注組 | 網民分享帶飯組合
除咗麥皮之外，亦有唔少網民嘅帶飯組合都好特別，包括臘腸蒸飯以及懷疑激嬲呀媽嘅午餐，飯盒只有數條菜、魚同埋大量嘅白飯，令原Post更寫下：「是日媽媽安排的午餐……我係咪做錯咗啲乜定係糧尾？」
帶飯關注組 | 超靚愛心飯盒
「帶飯關注組」仲有唔少網民分享另一半以及為小朋友用心準備嘅飯盒，睇到張圖都已經流口水喇，放工之後仲用咁多時間幫你整愛心飯盒，真係超幸福，令人不禁期待每日放飯嘅時刻！
——————————————————
Follow 我哋睇更多最新情報！
Facebook – SAUCE – 為生活加一點味道
Instagram – @sauce.media.hk
YouTube – @saucemediahk
